VOV4.K’ho – Drim òr, 4/5, Binh đoàn 15 di Bộ Quốc phòng bơyai lơh pơrjum sền wơl 3 nam mut lơh dơ\ lam sồr “Brồ guh bơhìan, tă pơgồp pràn jak, dipal mat sơnđan cau ling wa Hồ” tơngai bơh nam 2014 tus nam 2017. Bơh 3 nam mut lơh, ală anih lơh broă, mpồl lơh broă di Binh đoàn 15 neh dong lơh 14 nơm hìu ai ală hìu nhă r[ah, hìu nhă geh sră dong kờl bơh dà lơgar in, kờp priă mờr 1 tơmàn priă; dong kờl mờr 100 tấn phe ai làng bol tiah sar lơgar ngài in; lơh pa, lơh niam wơl git nđờ rhiang kơi sồ gùng lòt. Hìu sơnơm quân y 15 mờ ală hìu sơnơm bơh Binh đoàn dê bơyai lơh kham, sơm kòp, pà sơnơm ờ sa priă ai git nđờ jơt rbô dơ\ làng bol tàm tiah nhàr dà lơgar in. Bơh hơ\, pơgồp bơnah bơt bơtàu nùs nhơm tam klac bal ling klàng làng bol, bơt bơtàu mpồl sền gàr tàm làng bol, chul chồl bơtàu tơnguh lơh sa, mpồl bơtiàn, sền gàr kơ\ ngap lơngai chính trị tàm tiah nhàr dà lơgar đah tô Tây Nguyên.

                Cau cih mờ yal tơnggit K’Duẩn