VOV4.K’ho - Mut lơh dơ\ lam sồr “Brồ guh bơhiàn yau, tă pơgồp pràn jak, dipal mờ mat sơnđan cau ling wa Hồ”, tơngai bơh nam 2014 tus nam 2017 tàm Binh đoàn 15, Bộ Quốc phòng neh lơh geh uă cồng nha pal geh cih dờp ngan.

Tàm mờr 5 nam do, khà priă tac bơ sơt kau su gờmu lơyah, geh tu\ lơyah ngan, lơh aniai uă ngan tus rài kis, priă lơh geh bơh ală mpồl tam kau su di Binh đoàn 15. Bulah bè hơ\, jat bi ùr Rơhlan H’Blơn, kòn cau Jarai, kơnờm Binh đoàn 15, kơnờm tờm kau su mờ làng bol neh lik klàs jơgloh, tơmù r[ah, rài kis gơguh jak. Gơtùi geh cồng nha hơ\, là tài jơh bal công nhân mờ kong ti ndrờm mblàng jat jơnau đơs: sơlơ kal ke, pal sơlơ lơh ngan sơr lèt gan kal ke. Bi ùr H’Blơn pà git: “Tàm tơngai do, sơlơ kal ke den bol a` pal sơlơ lơh ngan, pal sơlơ brò guh, lơh bè lơi nàng geh cồng nha, nàng jai pha, nàng sơr lèt gan kal ke do, pơ gồp bal bơta pràn, dùl nùs bal mờ mpồl lơh broă, mờ kong ti nàng bơtàu tơnguh pràn kơldang, kơ\ kơljap rlau.”

Gơwèt mờ bi ùr Rơhlan H’Kem, kòn cau Jarai, atbồ mpồl công đoàn [òn Nú, Kong ti 72, kơnhoàl Đức Cơ, càr Gialai, ờ mìng lơh ngan bal mờ mpồl lơh broă, mờ kong ti sơr lèt gan kal ke, bi ùr gam pơlam làng bol tàm [òn git lơh sa hìu nhă. Bơt bơtàu bơnàng jă lơh sa kơ\ kơljap bơh tơl hìu nhă dê den geh dong mpồl công nhân geh tai bơta nàng đềt mềr mờ mpồl lơh broă, mờ kong ti. Hơ\ là ală broă lơh ngan ngồn bơh bi ùr dê tu\ mut lơh dơ\ lam sồr “ Brồ guh bơhìan yau, tă pơgồp pràn jak, dipal mờ mat sơnđan cau ling wa Hồ”. Bi ùr đơs: “Ală broă mờ mpồl mut lơh, kong ti jàu den a` sùm lơh jơh. Mờ gơnoar là atbồ mpồl công đoàn tàm [òn, den a` lam sồr làng bol lòt còr bơ sơt, lòt lơh broă, lơh jat ală kơrnuat lơh broă bơh mpồl, kong ti dê. Hơ\ sồng a` lam sồr làng bol, bơdìh mờ còr bơ sơt kau su den gam lơh sa hìu nhă, tam điều, kơphe, tàm hìu den tam biap, ròng tai phan nàng rài kis in bơtàu tơnguh.”

Dơ\ lam sồr “ Brồ guh bơhìan yau, tă pơgồp pràn jak, dipal mờ mat sơnđan cau ling wa Hồ” geh Bing đoàn 15 lam lơh bơh nam 2014, tàm tu\ khà priă tac bơ sơt kau su gơmù lơyah tàm tơngai jo\ jòng; rài kis cau lơh broă, [òn lơgar mut lơh kơnòl broă tàm tiah nhàr lơgar gam uă kal ke.

Bơh 3 nam mut lơh, dơ\ lam sồr neh ai go\ cồng nha loh làng ngan tu\ Binh đoàn neh tơmù priă bơcri còr bơ sơt kau su tus 40% bơh 50 tơlak priă tàm 1 tấn gam 30 tơlak priă tàm 1 tấn; cồng nha lơh broă kung gơguh uă ngan. Bal mờ hơ\, broă gàr tơl niam rài kis mpồl bơtiàn geh sền gròi uă ngan.Tàm 3 nam, ală anih lơh broă, mpồl lơh broă di Binh đoàn 15 neh dong kờl lơh mờr 100 nơm hìu ai ală hìu nhă r[ah, hìu nhă geh sră dong kờl bơh dà lơgar in, kờp priă mờr 7 tơmàn; lơh pa, lơh niam wơl git nđờ rhiang kơi sồ gùng lòt. Hìu sơnơm quân y 15 mờ ală hìu sơnơm bơh Binh đoàn dê bơyai lơh kham, sơm kòp, pà sơnơm ờ sa priă ai git nđờ jơt rbô dơ\ làng bol tàm tiah nhàr dà lơgar in. Bơh hơ\ pơgồp bơnah bơt bơtàu nùs nhơm tam klac ling klàng làng bol, bơt bơtàu mpồl rơcang gàr tàm làng bol, chul chồl bơtàu tơnguh lơh sa mpồl bơtìan, gàr kơ\ ngap lơngai chính trị tàm tiah nhàr dà lơgar đah tô Tây Nguyên.

Là dùl tàm ală mpồl mut lơh niam dơ\ lam sồr “Brồ guh bơhìan yau, tă pơgồp pràn jak, dipal mờ mat sơnđan cau ling wa Hồ”, Thượng tá Nguyễn Mạnh Cường, Bí thư Đảng ủy, Phó kuang atbồ kong ti 74, Binh đoàn 15 pà git: “Ơm tềng đap ală kal ke den đảng uỷ, ban atbồ kong ti neh ai tơlik uă gùng dà, broă lơh đơng lam kong ti lơh broă kơ\ mờ bơtàu tơnguh. Bè lơh niam broă bơto bơtê, mblàng yal, lam sồr kuang bàng, công nhân, cau lơh broă mờ ală broă lơh ngan ngồn bè lơh niam broă lam sồr làng bol, dờp lơh oh mi, kuơ màng là broă lơh tam klac hìu nhă. Tềng đap gơlik geh kal ke bơh khà priă tàm drà kă bro dê, kong ti mut lơh uă broă lơh kờ` tềm pềr, tơmù priă bơcri lơh broă sa, tơnguh cồng nha lơh sa, tơmù khà priă tac phan bơna lơh gơs.”

                                                     Cau cih mờ yal tơnggit K’Duẩn