VOV4.K’ho- Drim ngai 21/9, bơh bơta đơng lam bơh ồng Nguyễn Phú Trọng Tổng Bí thư, Chủ tịch lơgar dê, jơh dùl Bộ Chính trị neh geh dơ\ lơh broă mờ Ban Thường vụ Đảng ủy Kuang àng dà lơgar nàng ai jơnau đơs tàm sră rơcăng cih ală sră nggal mờ broă lơh rơcăng kuang bàng kấp ủy yal tàm Pơrjum dờng cau ala măt Đảng bộ Kuang àng dà lơgar dơ\ 7, tơngai lơh broă bơh nam 2020- 2025.

Tổng Bí thư, Chủ tịch lơgar đơs tàm dơ\ lơh broă

Tàm dơ\ lơh broă, Bộ Chính trị đơs là, tàm tơngai lơh broă lài, Đảng bộ Kuang àng dà lơgar neh đơng lam sồr jơh ală mpồl bơsram mờ lơh jăt tơl làm ală bơta broă lơh, geh uă broă lơh gơcèng bơta bơtàu tơnguh mhar, lơh geh bơta tam gơl mpờl go\ loh làng ngan tàm bơ\t bơtàu Đảng; pơnrơ ngan rlau jơh là broă rơndăp tăp sèng mpồl, mpồl kuang bàng mờ kuang bàng jăt jơnau cih tàm Kơrnoat dà lơgar 6 khoá 12 dê.

Pơndu\t dơ\ lơh broă, ồng Nguyễn Phú Trọng Tổng Bí thư, Chủ tịch lơgar sồr pal pơn jăt tai kơlôi sơnơng jrô ơnàng, jơh nùs mờ geh cồng nha jơnau sồr bơh Đảng, Dà lơgar dê bè sơlơ tơnguh tai bơta đơng lam Đảng dê gơ wèt mờ broă lơh gàr niam bơta lơngăp lơngai, rơndăp tăp sèng, rơcăng lài broă lơh gi\t, kơlôi sơnơng, lơh jơnau yal lài broă lơh, cribơyai dipal mờ Đảng, Dà lơgar bè jơnau sồr, broă lơh nàng lơh jăt geh cồng nha kơnòl broă sền gàr lơngăp lơngai, rơndăp tăp sèng ờdo ờdă tàm tu\ tơngai pa.

            Cau mblàng Lơ Mu K’Yến