VOV4.K’ho- Lơh jat broă pơn du\t sồ 79 bơh Bộ Chính trị dê, tàm 2 ngai bơh ngai 23 tus ngai 24 nhai 7 ( poh sơn rờp, dơ\ 1) tàm hìu lơh broă Đảng dà lơgar, Mpồl 1 bơh ồng Nguyễn Xuân Phúc, Uỷ viên Bộ Chính trị, Thủ tướng Chính phủ đơng lam bal mờ ală kuang bàng Bộ Chính trị, Ban Bí thư, ală ban, Bộ, gah sơnah lơh broă dà lơgar neh lơh broă mờ Đảng bộ càr Cao Bằng mờ Sơn La nàng ai jơnau đơs tàm rơndap cih ală sră nggal mờ gùng dà ai mpồl cau lơh broă kấp ủy lài mờ tu\ lơh dơ\ pơrjum dờng Đảng bộ tơngai lơh broă bơh nam 2020 - 2025 jat nùs nhơm tàm Chỉ thị sồ 35 bơh Bộ Chính trị dê.

Jat tàm jơnau đơs pơn du\t bơh kuang đơng lam pơrjum mờ jơnau đơs bơh ală kuang bàng Bộ Chính trị, Ban bí thư, ală ban, Bộ, gah sơnah lơh broă dà lơgar dê, ală Đảng bộ càr Cao Bằng, Sơn La geh pơn jat tai bơtơl, lơh gơs rơndap cih ală sră nggal, gùng dà ai mpồl cau lơh broă tàm dơ\ Pơrjum dờng nàng bơyai lơh geh cồng nha Pơrjum dờng jat broă rơndap lơh neh geh ai; gàr niam ală nùs nhơm đơng lam, ală jơnau kờ`, kơnòl broă tàm dơ\ pơrjum dờng dê geh ai mờ geh lam lơh bơyai lơh niam jat tàm bơta geh ngan, pơgồp tàm broă bơt bơtàu mờ sền gàr Dà lơgar tàm tơngai pa, ală dơ\ lơh broă bơh Bộ Chính trị mờ ală Đảng bộ tàm poh sơn rờp, dơ\ 1 neh gàr niam ală jơnau sồr bal.

Cau mblàng K’ Hạnh