VOV4.K’ho - Drim òr (06/11), hơ jơnau lùp tềng đăp Quốc hội, Bộ trưởng Bộ Giáo dục mờ Đào tạo ồng Phùng Xuân Nhạ neh đơs mùl màl bè khà kes priă tàm broă tam gơl pa sră măi.

                                          Bộ trưởng Bộ Giáo dục mờ Đào tạo ồng Phùng Xuân Nhạ

Mùl màl, Chính phủ k^ rơndăp broă tam gơl pa broă lơh sră măi kờp jơh 80 tơlăk dolar Mỹ, tàm hơ\ geh 77 tơlăk dolar Mỹ priă càn bơh kes priă ODA mờ 3 tơlăk dolar Mỹ priă càn ing lài.

Bơnah ai sền sơwì dùl bơta sră măi bè lơh sơnrờp ngan, Bộ Giáo dục mờ Đào tạo neh yal mờ Chính phủ mờ Chính phủ neh yal mờ Quốc hội là ờ ngui khà priă do tai. Den tàng, Bộ Giáo dục mờ Đào tạo jào wơl 16 tơlăk 500 rơbô dolar Mỹ nàng sền sơwì sră măi, geh tàm tài khoản bơh Ngân hàng dunia (WB) mờ ờ hềt ngui priă do. Tus nhai 12 nam do, lơh ngan ngui 12 tơlăk dolar Mỹ.

 Khà priă gam tai tơnơ\ mờ tu\ sền wơl ală khà priă tă ờ geh kuơ gơrềng tus mờ broă bơsram tàp, tơnguh broă lơh ờ geh cồng nha, Bộ Giáo dục mờ Đào tạo neh ai wơl Chính phủ in kờp jơh khà 29 tơlăk 700 rơbô dolar Mỹ.

Cau mblàng Ndong Brawl