VOV4.K’ho- Thứ trưởng Bộ Giáo dục mờ Đào tạo, ồng Hoàng Minh Sơn pa ki\ sră nggal pơyua ală hìu bơsram đại học, học viện, hìu bơsram cao đẳng sư phạm, trung cấp sư phạm bè broă sơlơ tơnguh broă lơh rơcang sơndră kòp Covid-19. Jat hơ\, tềng đap broă gơlik geh kal ke bơh kòp bơ tờp dê, Bộ Giáo dục mờ Đào tạo sồr ală hìu bơsram jat tàm bơta gơlik geh bơh kòp tàm tiah hơ\ dên nàng tam gơl broă rơndap lơh bơto bơtê mờ bơsram tàm tơngai tu\ do mờ tơnơ\ ơm rlô sa tềp bơhìan yau Tân Sửu; rơcang lài lơh nền ai cau bơsram dờng in rlô bơsram halà tam gơl gơs bơto bơtê mờ bơsram pờ tơlik tơn tàm internet (dilah kuơmàng).

Ală hìu bơsram pal sơlơ mblàng yal, pơlam tus jơh gùt kuang bàng mờ cau bơsram dờng lơh jat nền nòn “Jơnau pơyua 5K”, ờ huan lik bơh tiah ơm kis, dilah cau bơsram dờng rê hờ [òn tờm rlô sa tềp den pal lơh jat nền nòn ală broă lơh gàr ờ do ờ dă, lơh jat nền nòn broă yal gah lơh sơnơm in dilah geh ală tềl tơnggo\ bè bơsia\, duh să, jê rơ nồng dờ mờ neh geh tu\ lòt tus tiah geh kòp halà geh ơm rềp mờ cau F0, F1, F2.

Cau mblàng K’Duẩn