VOV4.K’ho- Bơh ngai do (1/03), Tổng cục Tơrgùm kờp, Bộ Kế hoạch mờ Đầu tư ngan ngồn lơh dơ\ lùp kờp jơh lơh sa tàm làm gùt lơgar. Kờp du\ cồng nha bơh sơnrờp geh yal tàm nhai 12 nam 2021 mờ yal cồng nha ngan ngồn tàm qúi II nam 2022. Lùp kờp jơh lơh sa nam 2021 là dùl tàm 3 dơ\ Lùp kờp kuơmàng bơh gah tơrgùm kờp lơh jăt.

Cồng nha dơ\ lùp kờp, dong Đảng mờ Dà lơgar geh pang rùp lơh sa jơh ală bơta bơh gùt lơgar dê; gi\t geh bơta geh ngan bơh rài lơh sa dê đơs bal mờ bơh tơl gah, tơl tiah nàng bơh hơ\ rơndăp gi\t geh tơl gah, tơl tiah gam ơm tềng tiah lơi tàm ală tu\ bơtàu tơnguh; gi\t nền ală bơta pràn, bơta [ươn pal lơh; đal gi\t geh ală bơta kơryan, bơta lòng pal sơrlèt gan; mờ kuơmàng ngan rlau jơh là ai tơlik geh ală gùng dà broă lơh, jơnau sồr, jơnau đơng lam dipal nàng bơtàu tơnguh rài lơh sa mhar, kơ\ kơl jăp. Bơta lơh bal bềng kơnòl bơh jơh ală bơnah lơh sa dê geh đơs wơl cồng ngan ngồn, niam ngan bơh dơ\ lùp kờp kuơmàng do dê.

Cau mblàng Lơ Mu K’Yến