VOV4.K’ho- Tàm Hà Nội, Bộ Kuang àng mờ Bộ Quốc phòng pơgồp bal bơyai lơh pơrjum tàm jàu broă lơh 6 nhai bồ nam 2020 đah 2 Bộ dê tàm broă pơgồp bal lơh jat broă sền gàr bơta lơngap lơngai dà lơgar, gàr niam bơta lơngap lơngai, ờ do ơ dă mpồl bơtìan, rcang sơn dră mờ cau lơh tìs mờ kơnòl broă sền gàr dà lơgar.

Bơh bồ nam tus tu\ do, mpồl Kuang àng- Ling klàng neh g^t loh, yal tơng^t lài bơta digơlan gơlik geh, rcang lài mblàng yal, sền sơ wì, di tu\ cribơyai mờ bơsong di tu\, lơh geh cồng nha ală bơta gơlik geh kal ke bè sền gàr dà lơgar mờ bơta lơngap lơngai. Tàm broă rcang sơn dră kòp Covid-19, mpồl Kuang àng mờ Ling klàng neh pơgồp bal crơng gơs 1 rơbô 584 mpồl mờ mờr 10 rơbô nă kuang bàng, cau ling tus bal sền gròi, kơryan tàm jơh gùt gơl gùng tiah nhàr lơgar.

Tàm dơ\ pơrjum, 2 mpồl sền g^t, rcang uă rlau tai tàm broă pơgồp bal, sền gròi niam gơl gùng tiah nhàr lơgar, broă lòt tus tàm lơgar ndai, mut tàm lơgar he tàm ală mpồng tiah nhàr lơgar nàng rcang sơndră kòp Covid-19, sền gàr jơh nùs bơta lơngap lơngai, ờ do ờ dă Pơrjum dờng Đảng bộ ală kấp wèt tus Pơrjum dờng cau ala mat gùt lơgar dơ\ 13 bơh Đảng dê.

    Cau mblàng K’ Hạnh