VOV4.K’ho- Ngai 03/02, tàm Hà Nội, Đảng ủy Kuang àng dà lơgar bơyai lơh pơrjum tìp mat tơngkah 91 nam Ngai crơng gơs Đảng Cộng sản Việt Nam mờ yal mhar cồng nha pơrjum dờng dơ\ 13 bơh Đảng dê. Đơs tàm pơrjum, Bộ trưởng Tô Lâm đơs nền, lòt gan 91 nam bơt bơtàu, tam lơh mờ dờng pràn, Đảng he neh đơng lam bồ kac màng Việt Nam sơrlèt gan tơl bơta kal ke, bơta lòng, lơh geh bơh pha lin do tus pha lin ndai. Tàm broă đơng lam bồ kac màng, Đảng he sùm sền gròi bơt bơtàu mpồl Kuang àng làng bol jơh bal bè chính trị, nùs nhơm mờ broă bơyai lơh.

Bè pơrjum dờng Đảng dơ\ 13, Bộ trưởng Tô Lâm pà git, mpồl kuang àng làng bol neh geh ală broă rơcang lài nền nòn ngan, rơcang lài git broă gơlik geh, kai lơh broă dră wơl, lơh aniai bơh ală mpồl sò tơm dê, lam lơh niam broă gàr niam lơngap lơngai, ờ do ờ dă, ờ lời gơlik geh broă rơ mơp dơl, nisơna, drơng pơrjum dờng đảng bộ ală kấp mờ lơh gơs jak ngan kơ nòl broă gàr niam lơngap lơngai, ờ do ờ dă pơrjum dờng dơ\ 13 bơh Đảng dê.

Cau mblàng K’Duẩn