VOV4.K’ho- Mho ngai 29/9, tàm Hà Nội, Bộ Kuang àng Việt Nam mờ Bộ Truyền thông mờ Thông tin lơgar Singapore neh bơyai lơh pơrjum pờ tơlik tơn tàm internet kấp Bộ trưởng bè Lơngăp lơngai internet. Tàm pơrjum, 2 gah tơlik nùs nhơm kơlôi rcăng bè ală bơta lòng, bơta pơhìn bè lơngăp lơngai internet kuơmàng là tềng đăp tu\ tơngai mờ bơta gơrềng kal ke bơh kòp dờng Covid-19 dê mờ Việt Nam bal mờ lơgar Singapore đơs is kung bè ală lơgar tàm kơnhoàl ù tiah do mờ tàm dunia đơs bal gam pal kong; mơkung tam pà bal mờ tàm yal tơngi\t bal jơnau bè broă lơngăp lơngai internet tàm tơl lơgar dê, bơh hơ\ dong pơgồp bal gùng dà, bơsong ală dơ\ broă gơrềng tus 2 lơgar.

Bàr gah dùl nùs bal mờ ală jơnau sồr nàng kờ` dong lơh broă bal đah 2 gah tàm tơngai tus tàm gah broă rcăng sơndră cau lơh tìs internet; kơ\p kờ` bơta gi\t gơ\p lơh broă bal đah Việt Nam mờ Singapore tàm broă lơngăp lơngai internet geh gơ gơs jrô ơnàng rlau tai mờ pơn jăt tai sơlơ tơnguh lơh broă bal mờ jơh ală lơgar tàm kơnhoàl ù tiah do mờ tàm dunia wèt tus dùl ù tiah internet lơngăp lơngai ờdo ờdă.

Cau mblàng Lơ Mu K’Yến