VOV4.K’ho- Mho ngai 2/7, ồng Trần Thanh Nam, Thứ trưởng Bộ Nông nghiệp mờ Phát triển Nông thôn geh dơ\ lơh broă mờ UBND càr Kon Tum bè cồng nha lơh jat broă lơh bơt bơtàu [òn lơgar pa tàm ù tiah ală xã kal ke, tiah kơh bơnơm dê.

Jat jơnau yal, tus tu\ do, càr Kon Tum geh 24 xã geh dờp tơl khà [òn lơgar pa. Tàm 49 xã kal ke uă, pa mìng geh 1 xã Đăk Tờ Lung, kơnhoàl Kon Rẫy geh dờp là xã [òn lơgar pa. Đơs tàm dơ\ lơh broă, ồng Trần Thanh Nam, Thứ trưởng Bộ Nông nghiệp mờ Phát triển Nông thôn tơngkah uă jơnau kơlôi sơnơng tàm broă bơsong bơta kal ke.

Ngan ngồn, càr Kon Tum pal kờp sền wơl rơndap ù tiah bơt bơtàu broă lơh lơh sa suơn sre hữu cơ; ngui niam gơnoar broă bơh Hợp tác xã dê tàm broă bơtàu tơnguh tiah tam phan mờ tăc phan bơna lơh geh bơh gah lơh sa suơn sre dê. Gơ wèt mờ 49 xã kal ke càr pal bơ\t bơtàu rơndap broă lơh ngan ngồn nàng ngui niam priă jền pleh mờ broă lời gơlik geh jơnau bơcri priă  tàm rơndap rơn dồl.

Cau mblàng K’ Hạnh