VOV4.K’ho – Ngai òr, 01/6, Bộ Nông nghiệp mờ Phát triển nông thôn bơyai lơh pơrjum “Rơcang sơndră trồ tiah lơh aniai ală càr tiah kơh bơnơm đah tô dà lơgar”. Jat mờ hơ\, nam lài, trồ tiah lơh aniai gơlik geh bơh ală càr tiah kơh bơ nơm đah tô dà lơgar tus Hà Tĩnh lơh 109 nă cau chơt mờ roh thit. Tàm hơ\, geh tus 49 nă cau chơt mờ roh thit tài bơh dà ko\ dà cò, tơrlah ù, hoàc huơr bè phan bơna git nđờ rbô tơmàn priă. Hoàc huơr bè kòn bơnus mờ phan bơna bơh trồ tiah lơh aniai tàm ală càr tiah kơh bơnơm là bơta lòng uă nam do mờ ờ hềt geh bơsong jơh.

Den tàng, tơngai tus, pơrjum đal git: Ală càr pal chồl pràn pơgồp bal tơngume rơcang sơndră trồ tiah lơh aniai tàm rơndap broă lơh lài, rơndap broă bơtàu tơnguh lơh sa - mpồl bơtiàn. Bơt bơtàu khà tơl broă lơh ờ do ờ dă tềng đap bơta trồ tiah lơh aniai, ngan là hìu ơm, bơh hơ\, kờp sền, kơ lôi sơ nơng mờ ntrờn halà ờ ai mut lơh ală broă lơh, hìu ơm tàm tiah digơlan gơlik geh dà ko\ dà cò, tơrlah ù. Mơkung mhar lòt sền, kơlôi sơnơng tam cah bă tiah bè bơta pơhìn gơbàn dà ko\ dà cò, tơrlah ù lơh bơnàng jă nàng gơnoar atbồ lơgar in git, bơtơl rơndap broă rơcang sơndră mờ yal tus làng bol in.

                                                                             Cau cih mờ yal tơnggit K’Duẩn