VOV4.K’ho- Tàm Hà Nội, Bộ Quốc phòng bơyai lơh pơrjum pờ tơlik tơn tàm internet gùt ling klàng lam lơh ală gùng dà broă lơh jal mhar rcang sơn dră kòp Covid-19 tàm tơngai pa. Thượng tướng Trần Đơn, Thứ trưởng Bộ Quốc phòng, Kuang atbồ Mpồl đơng lam bè rcang sơn dră kòp Covid-19 Bộ Quốc phòng dê đơng lam pơrjum. Bơh tu\ geh gơbàn wơl kòp, Tổng Tham mưu trưởng neh geh Điện đơng lam gùt ling klàng bè broă sơlơ tơnguh broă lơh rcang sơn dră kòp, ơm te\ broă dan ơm rlô, lòt lơh broă tus mờ lòt tàm 2 càr Hải Dương mờ Quảng Ninh.

Mờ Cục Quân y kung sồr jơh gùt mpồl ling klàng lơh jat ală gùng dà broă lơh rcang sơn dră kòp tàm khà jơnhoa ngan rlau jơh. Cục Quân y sồr jơh gùt ling klàng kờp sền broă rơndap lơh rcang sơn dră kòp mờ ală kấp độ kòp, ba` lời gơtìp rơ mơ\p ndơl, kwi kwơ mơ kung bơyai lơh jòi g^t tiah lòt rê ala\ cau geh gơ rềng. Thứ trưởng Trần Đơn sồr gùt ling klàng lơh jat broă rcang sơn dră kòp Covid-19 bè dùl kơ nòl broă tam lơh pa mờ jơnau kờ` gàr niam bơta ờ do ờ dă ngan gơ wèt mờ pràn kơl dang să jan mờ rài kis bơh làng bol dê.

Cau mblàng K’ Hạnh