VOV4.K’ho- Mho ngai 26/10, Bộ Quốc phòng geh điện sồ 72 pơyua tus ală anih lơh broă tàm jơh gùt mpồl ling in rơcăng lài rơcăng, tam dră mờ sơndră wơl mờ mìu càl rbu\t dờng sồ 9. Tơngume điện cih loh: Lơh jăt niam broă lơh drơng broă, sùm yal tơngi\t mờ gi\t nền bơta gơbàn bơh mìu càl rbu\t dờng sồ 9 dê, ờ go\ di sền ờ sơ\p; kờp sền, tam gơl broă rơndăp lơh, broă lơh.

Rơcăng lài ai mpồl cau phan bơna, măy mok rơndeh rơndồ tus tơn tàm ală tiah pơhìn uă nàng rơcăng lài bơsong ală jơnau digơlan gơlik geh jal mhar mờ tus dong kờl mhar, bơsong di tu\ ală jơnau digơlan gơ aniai. Geh broă lơh gàr niam ờdo ờdă ai cau ling, anih prăp phan, pôs đồng ling mờ phàu crong, phan bơna in; rơcăng lài mpồl cau, phan bơna, rơndeh rơndồ rcăng lài dong làng bol sơndră wơl mờ mìu dà ko\, tơrlah ù…

Tơnơ\ dơ\ geh mìu càl rbu\t dờng tơn, rơcăng lài ai mpồl cau, phan bơna, rơndeh rơndồ mhar tus bal lòt jòi dong kờl rềs àr, dong làng bol bơsong jơnau gơlời wơl bơh mìu dà ko\, bơ\t bơtàu wơl phan bơna, gùng lòt, bơ\t niam wơl hìu đam, hìu bơsram; lơh sàng goh tiah ơm kis, rơcăng sơndră kòp bơtờp, pơgồp bơnah kơ\ kơl jăp rài kis mờ broă lơh sa.

Cau mblàng Lơ Mu K’Yến