VOV4.K’ho- Drim ngai 23/11, tàm Hà Nội, Mpồl tài bơta gơguh jak bơh cau ùr Bộ Quốc phòng dê bơyai lơh pơrjum tơn jơh broă lam lơh broă rơndap lơh Tài bơta gơguh jak bơh cau ùr dê mờ ring bal cau klau cau ùr, tơngai bơh nam 2016 tus nam 2020. Tus tu\ do, 3 tàm 10 mpồl gơ wèt Bộ Quốc phòng geh cau ùr lơh kuang đơng lam bồ; 4 nă ùr sĩ quan geh tơnguh groat kấp tướng.

Cau ùr ling klàng ngai sơlơ geh ua\ tă pơgồp ngan ngồn tàm broă tus bal tàm mpồl sền gàr ring lơngai bơh Liên hợp quốc dê mờ ai geh ală khà jờng dờng màng kấp dà lơgar, tàm ală lơgar rềp bal mờ tàm dunia. Bal mờ hơ\, kấp ủy, kuang đơng lam bồ ală kấp neh sền gròi, dong kờl kuang bàng, cau tàm mpồl cau ùr geh rài kis kal ke; tơrgùm chồl pràn srơh “Cau ùr tàm dong kờl bal mờ gơp bơtàu tơnguh lơh sa hìu bơnhă”, “Cau ùr lơh sa jak”.

Đơs tàm pơrjum, Thượng tướng Lê Chiêm, Thứ trưởng Bộ Quốc phòng sồr, tơngai tus, ală anih lơh broă, mpồl ling tàm gùt ling klàng di tu\ bơt bơtàu broă rơndap lơh tài bơta gơguh jak bơh cau ùr dê mờ ring bal cau klau cau ùr, tơngai bơh nam 2021 tus nam 2025.

Cau mblàng K’Duẩn