VOV4.K’ho  - Thủ tướng Chính phủ neh geh Sră nggal bơ tơl Khu công nghiệp Nhân Cơ 2, xã Nhân Cơ, kơnhòal Dak Rlâp, càr Dak Nông mut tàm broă rơndap ù tiah bơtàu tơnguh ală khu công nghiệp tàm Việt Nam tus nam 2020. Khu công nghiệp Nhân Cơ 2 geh bă ù ơnàng 400 lồ. Nàng gàr niam broă rơndap ù tiah, Thủ tướng Chính phủ sồr UBND càr Dak Nông dờp kơ nòl bè bơta dipal bơh ală khà kờp nàng yal dê; ơnàng ù tiah, bă ù ai tơlik bơ tơl tàm rơndap ù tiah Khu công nghiệp Nhân Cơ 2.

Càr Dak Nông gàr niam ờ lời gơlik geh ală tam pìt tam phà, lah yă tu\ lam lơh rơndap ù tiah; tơmut Khu công nghiệp Nhân Cơ 2 tàm rơndap ù tiah càr Dak Nông tơngai bơh nam 2021 tus nam 2030 jat jơnau cih bơh adat boh lam bè rơndap ù tiah mờ adat boh lam geh gơ rềng dê. UBND càr Dak Nông lam lơh broă rơ wah mờ gơ hòi gơ jà cau bơcri pria\ bơt bơtàu phan bơna khu công nghiệp geh bơta pràn bè pria\ jền mờ mờng chài nàng bơcri pria\ Khu công nghiệp Nhân Cơ 2 jat jơnau cih bơh adat boh lam dê.

Cau mblàng K’Duẩn