VOV4.K’ho- Mho ngai 10/9, tàm [òn dờng Dà Làc, Mpồl lơh broă bơh Bộ Tài nguyên mờ Môi trường bơh Bộ trưởng ồng Trần Hồng Hà lam bồ neh geh dơ\ lơh broă mờ càr Lâm Đồng bè broă lơh atbồ dà lơgar, ală bơta kal ke kòl yan tàm broă lơh jat broă lơh, adat boh lam bè phan geh is tàm ù mờ tiah ơm kis tàm càr dê.

                Bộ Trưởng Bộ Tài nguyên mờ Môi trường ồng Trần Hồng Hà đơs tàm dơ\ lơh broă 

Jat UBND càr Lâm Đồng yal, broă lơh jat broă lơh, adat boh lam bè phan geh is tàm ù mờ tiah ơm kis tàm càr tu\ do gam gơtìp uă ngan kal ke, kòl yan. Tàm hơ\, broă crơng gơs broă rơndap lơh ngui ù tiah pah nam gam lơh geh tai uă sră nggal lơh lơngeh lơngă` ai mpồl lơh sa kă bro mờ ală cau bơcri priă in đơs bal.

Bộ trưởng Bộ Tài nguyên mờ Môi trường ồng Trần Hồng Hà cih dờp ală bơta kal ke kòl yan do mờ càr Lâm Đồng neh mờ gam tìp, jat tàm bơta hơ\ geh cribơyai ală gùng dà broă lơh nàng tơnguh broă tă bơsong bơta kal ke kòl yan tàm tơngai tus. Mìng is gơ wèt mờ broă cò pơn ring ù nàng drơng broă lơh sa suơn sre, lơh niam wơl bơnàng ù, Bộ trưởng sồr càr Lâm Đồng pal jơh nùs kơlôi sơnơng nền cê mờ kơrhia.

Cau mblàng K’ Hạnh