VOV4.K’ho - Ngai òr (10/8), ồng Lê Vĩnh Tân, Bộ trưởng Bộ Nội vụ bal mờ mpồl kuang bàng tàm gah lơh broă do neh geh dơ\ lơh broă mờ càr Lâm Đồng bè cồng nha lơh jăt Chỉ thị bơh Thủ tướng Chính phủ bè tơnguh broă lơh glài, lơh jăt tàm ală anih lơh broă sră nggal ală kơnă bal mờ ờ uă kơnòl tòm bơh gah Nội vụ Lâm Đồng dê.

Ồng Lê Vĩnh Tân sồr UBND càr Lâm Đồng sền kuơ broă sền wơl, rơndăp, lơh niam mpồl kuang bàng lơh broă tàm ală anih lơh broă, mpồl lơh broă bơh càr tus kơnhoàl, [òn dờng bè lơi niam, di pal jăt mờ mùl màl càr dê; lơh niam broă tơmù kuang bàng lơh broă ndrờm bal mờ broă ai wơl kuang bàng, cau lơh broă sa priă nhai lơh broă.

Ồng Lê Vĩnh Tân sồr cau lam bồ ală anih lơh broă, mpồl lơh broă pal dờp kơnòl lơh jăt niam broă tơmù khà kuang bàng lơh broă jăt mờ kơrnoăt neh ai.

Càr Lâm Đồng kung pal kah tus mờ broă rơndăp, rơndăp wơl ală mpồl lơh broă dà lơgar, lơh jăt di mờ kơrnoăt bè broă kuang bàng; chồl pràn broă tam pà bơnah lơh broă ai ală sở, gah lơh broă bal mờ ală kơnhoàl, [òn dờng in.

Cau cih mờ yal tơng^t Ndong Brawl