VOV4.K’ho- Mho ngai 28/12, tàm Hà Nội, Ủy ban Dân tộc bơyai lơh dơ\ tìp mat Mpồl kơ nòm bơsram, cau bơsram dờng, ơruh pơnu jơi bơtìan kòn cau pơn rơ jak nam 2020. Kờp jơh ală kơ nòm bơsram, cau bơsram dờng, ơruh pơnu jơi bơtìan kòn cau pơn rơ jak geh jờng rơ nam do là 145 nă gơ wèt 50 jơi bơtìan kòn cau tus bơh 47 càr, [òn dờng tàm gùt lơgar. Ngan là, dơ\ jờng rơ nam do geh 10 nă kơ nòm bơsram là oh kòn làng bol kòn cau  dùl ết nă cau ngan ờ bơsram tàm hìu bơsram jơi bơtìan kòn cau neh pơr lòng gơ kờn đại học.

Tàm dơ\ tìp mat, ala mat Ủy ban Dân tộc, ồng Đỗ Văn Chiến Bộ trưởng, Chủ nhiệm Ủy ban Dân tộc jờng rơ ală bơta lơh ngan, pơđơl pràn bơh ală kơ nòm bơsram, cau bơsram dờng,  ơruh pơnu jơi bơtìan kòn cau dê geh mat tàm dơ\ jờng rơ nam do dê. Tơl nă cau tàm ală mat sơn đan geh jờng rơ dơ\ do, mờ bơta lơh ngan sùm ờ g^t bòl glar, sơr lèt gan ua\ bơta kal ke tàm rài kis, geh cồng nha jak ngan tàm broă bơsram sră ndrờm di pal mờ khà jờng là bơta tă pơgồp bal tàm dơ\ jờng rơ nam do dê.

Cau mblàng K’ Hạnh