VOV4.K’ho – Thứ trưởng Bộ Y tế, ồng Đỗ Xuân Tuyên bal mờ mpồl kuang bàng neh lòt sền bơta geh ngan mờ lơh broă mờ càr Lâm Đồng bè broă lơh bơtàu tơnguh lơh sơ nơm tàm càr, broă rơcang sơndră kòp sốt xuất huyết mờ kòp bạch hầu tàm càr.

Jat jơnau yal bơh Sở Y tế Lâm Đồng dê, lơh jat rơndap broă lơh bơt bơtàu mờ bơtàu tơnguh mpồl lơh sơnơm kấp hơ đơm tàm tu\ tơngai pa, Lâm Đồng tu\ do geh 12 hìu sơnơm gơ wèt kấp càr mờ cau lơh broă jơh tàm gùt gah do là rlau 4 rbô 300 nă. 100% hìu sơnơm xã, sơnah [òn, thị trấn geh tơl bơta nàng kham sơm kòp bảo hiểm y tế. Ală hìu sơnơm kơnhòal, [òn dờng hời rơ hời geh tơnguh bè mờng chài lơh broă, tơnguh pràn jak lơh sơ nơm rơcang gàr lài, tơl pràn sền gròi kòp bơ tờp.

Bè broă lơh rơcang sơndră kòp bơ tờp tàm càr sùm geh gah lơh sơ nơm Lâm Đồng sền gròi. Mìng is bè kòp bạch hầu, bulah Lâm Đồng ờ hềt geh cau lơi gơbàn kòp do mơya tềng đap broă gơlik geh kal ke bơh kòp bạch hầu dê tàm ală càr Tây Nguyên, Sở Y tế Lâm Đồng neh sơlơ tơnguh broă rơcang sơndră kòp bơ tờp mut tàm càr.

Cau mblàng K’Duẩn