VOV4.K’ho- Mho ngai (7/7) tàm Hà Nội, Giáo sư, Tiến sĩ ồng Nguyễn Thanh Long, at bồ ing Bộ trưởng Bộ Y tế đơng lam pơrjum rcang sơn dră kòp bạch hầu bơh Bộ Y tế dê bơyai lơh. Bơh bồ nam tus tu\ do, tàm tiah tây Nguyên sền go\ 63 nă cau bơtờp mờ vi khuẩn bạch hầu, tàm hơ\ 3 nă cau neh chơ\t. 63 nă cau bơtờp mờ vi khuẩn bạch hầu geh cih dờp tơr gùm tàm 4 càr, tàm hơ\ geh Dak Nông 26 nă, Kon Tum 22 nă, Gia Lai 16 nă cau mờ Dak Lak 1 nă.

Bộ Y tế neh jàu Cục At bồ kham sơm kòp in crơng gơs 4 mpồl lơh broă tus tàm 4 càr gam geh kòp nàng dong kờl bơta mờng chài tàm broă lơh ai gah lơh sơnơm in, rcang sơn dră kòp di tu\, mơkung gam sền sơ wì wơl broă sơm kòp. Jàu Hìu sơnơm Bạch Mai pơgồp bal mờ Hìu sơnơm Kơnòm dềt dà lơgar bơto bơtê, pơlam tàp ai kuang bàng lơh sơnơm tàm tiah Tây Nguyên in broă chài gròi sền bơta gơbàn bơh kòp dê kung bè broă sơm kòp ai cau kòp in. Ồng Nguyễn Thanh Long đơng lam gùt gah lơh sơnơm tơr gùm rcang sơn dră kòp bạch hầu mơya ba` sền ờ sơ\p kơnòl broă rcang sơn dră kòp Covid-19 nàng pleh mờ bơta digơlan kòp tàm rơndap rơn dồl.

Cau mblàng K’ Hạnh