VOV4.K’ho- Mho ngai 03/12, Mpồl kuang bàng bơh Bộ Y tế, Cơldŭ lơh broă Quốc hội mờ Hội đồng Dân tộc bơh Quốc hội dê neh geh dơ̆ lơh broă tàm càr Dăk Lăk bè broă lơh rơcang sơndră kòp Covid-19 mờ lòt sền, sền sơ wì bơta gơtùi lam lơh ngan ngồn rơndap broă lơh Hìu sơnơm dờng dà lơgar tiah Tây Nguyên.

Đơs tàm dơ̆ lơh broă, Bộ trưởng Y tế đơs, Dăk Lăk neh geh ală broă lơh ngan mờ lơh niam ngan broă lơh rơcang sơndră kòp Covid-19, càr neh sền sơwì nền nòn, git kơrhia mờ bơsong di. Bơh hơ̆, dong khà cau chơt tài bơh kòp Covid-19 bơh càr Dăk Lăk dê lơyah ngan, mìng ndrờm 1/5 pơndrờm mờ khà kờp bal gùt lơgar dê, càr gơtùi gờñ rê bè bơta bè ờs. Bè rơndap broă lơh Hìu sơnơm dờng dà lơgar tiah Tây Nguyên, Bộ trưởng Y tế pà git, ờ kờp Tây Nguyên den jơh ală tiah ndrờm neh geh hìu sơnơm kuơmàng bơh Bộ dê. Tây Nguyên gam là tiah ờ huan niam, ờ huan pràn bè gah lơh sơnơm, broă lơh hìu sơnơm dà lơgar là kuơmàng ngan.

Cau mblàng K’Duẩn