VOV4.K’ho - Bơh ngai òr (01/3), là tơngai sơn tòm tơnguh khà priă mờr 1 rơbô 900 broă lơh sơnơm jăt kơrnoăt yal sồ 37 bơh gah lơh sơnơm dà lơgar mờ gah priă jền dà lơgar tơl^k nhai 10 nam 2015. Geh 1 rơbô 900 broă lơh sơnơm geh tơnguh khà priă bơh ngai 01/3 tài geh kờp tai jăt khà priă tă reh, lơh niam să jan. Jăt mờ hơ\, khà priă tă tu\ piam kòp tàm hìu sơnơm geh tơnguh di pơgăp 30% jăt mờ tu\ do. Tơnơ\ mờ hơ\, bơh ngai 01/7/2016, tu\ kờp tai priă nhai, priă ơm piam kòp tàm hìu sơnơm geh tơnguh di pơgăp 50% jăt mờ tu\ do. Jăt gah lơh sơnơm dà lơgar yal, tềng đăp măt, broă tơnguh priă lơh sơnơm dơ\ do mìng geh ngui mờ ală cau kòp geh sră kham sơm kòp ờ sa priă mờ tơnơ\ do, cau ờ geh sră kham sơm kòp ờ sa priă kung pal ngui mờ khà priă pa kờ` lam sồr gùt làng bol tus blơi sră kham sơm kòp ờ sa priă. Tơnguh priă lơh sơnơm dơ\ do geh bal tàm broă lơh kờ` wèt tus kờp di, kờp tơl priă lơh sơnơm. Kes priă dà lơgar tă lài do geh tam gơl kờ` dong kờl cau rơ[ah, cau ndrờm mờ rơ[ah blơi sră kham sơm kòp ờ sa priă; priă ơm piam kòp tàm hìu sơnơm geh wèt tus mìng geh kes priă sră kham, sơm kòp ờ sa priă tơm.

        Cau cih mờ yal tơng^t Ndong Brawl