VOV4.K’ho-Daknông là càr geh bơta [ươn nàng bơtàu tơnguh lơh sa sươn sre, geh bal bè broă ròng phan mờ tam phan. Biăp bùm plai chi tam tàm ală kơnhoàl: Dak Song, Cư Ju\t neh geh tăc tus [òn dờng Hồ Chí Minh mờ uă drà ndai. Gah ròng phan tàm càr kung gơguh mhar bè phan ròng mờ sơlơ uă bơta bơta phan. Mơya, geh dùl bơta krơi s[ơi wơl là, khà priă ală bơta phan ris kis tàm drà tờm thị xã Gia Nghĩa, càr Daknông sùm gơ ơm wơl tàm khà là drà kas priă ngan rlau jơh tàm Tây Nguyên.

Drà tờm thị xã Gia Nghĩa, càr Daknông geh rlau 100 cơldu\ ràng tăc phan, tàm hơ\ geh tus 2/3 cơldu\ ràng tăc phan geh tăc ală phan ngui sa. Ală bơta phan tàm do sùm geh tăc mờ khà priă jơnhoa rlau uă ngan pơndrờm mờ drà tàm ală tiah ndai. Mờ do kung là jơnau geh ngan neh jo\ jòng sùm bơh tu\ pa crơng gơs càr, nam 2004 tus tu\ do. Bi Trần Thị Ngọc Thương là cau lòt drà, pà gi\t:

“A` là cau kis tàm uă tiah ngan, a` kung lòt uă drà sơl den jat a` sền go\ tàm thị xã Gia Nghĩa, den jơh ală bơta phan ndrờm tăc kas uă rlau mờ tiah ndai uă ngan. Pơn yơu bè bơta phan bè biăp bùm plai chi den tăc khà priă kas rlau mờ ală drà ndai pơgăp bàr pe jơ\t rbô đong. Đơs bal là jơh ală bơta phan tàm do den khà priă gơguh gơmù nisơna ngan, tu\ lơi kung pal tăc kas rlau mờ ală tiah ndai mờ ờ go\ tu\ lơi tăc ờ kas rlau halà ndrờm bal ờ”.

Dùl tàm ală bơta phan geh tăc kas priă ngan, hơ\ là ală cơldu\ ràng tăc ală bơta phan bè biăp, bùm, plai chi. Biăp lơpuơn geh tăc mờ khà priă gơguh tus 15 rbô đong dùl ki\, jơnhoa rlau dùl dơ\ mờ nggùl pơndrờm mờ drà {uôn Ma Thuột, càr Daklak dê; biăp sơlăt gam tàm tơngai tăc ờ yòm ngan tàm Tây Nguyên, mơya tàm drà Gia Nghĩa kung gam tăc mờ khà priă tus 35 rbô đong dùl ki\. Mờ bùm lô tơn, là phan geh lơh gơlik tơn tàm tiah do, kung tăc mờ khà priă gơguh tus 17 rbô đong dùl ki\ sơl. Mò Hoa, là dùl nă cau kă phan tàm drà Gia Nghĩa, đơs là: Bơh tài geh jơnau bè do là tài tàm do ờ hềt geh mpồl lơh sa kă bro tờm tăc ală bơta phan kờn pal geh ai cau kă phan in. Ală bơta phan kă bro bơh uă anih, uă cau, den tàng kas rlau mờ ală tiah:

“Biăp ờ huan geh ngan. Blơi bơh ală tiah ờ geh biăp, biăp khi tăc mờ he là kas ngan, bè biăp lơpuơn khi tăc mờ he là 13 rbô đong dùl ki\, den a` tăc wơl mờ năc là 15 rbô đong dùl ki\. Khi tăc mờ ală đại lý ndai hơ\ sồng he blơi phan wơl bơh ală cau hơ\ dê mờ he ờ go\ blơi tơn den tàng bơta hơ\ khi geh dùl bơnah priă cồng, tus mờ a` den a` geh dùl bơnah priă cồng tai, bè hơ\ là pal tăc kes rlau dùl êt”.

Ồng Lê Minh Tuấn, Trưởng phòng atbồ kă bro- di Sở Kông thương càr Daknông, pà gi\t: càr gam tìp uă ngan kal ke tàm broă hòi jà mpồl lơh sa kă bro tus bơcri priă tàm broă kă bro. Dùl nam rê hờ lài, thị xã Gia Nghĩa neh lơh siêu thị {ig C, mơya jat jơnau đơs, tiah tờm kă bro do kung gam ờ hềt duh hồl sơl nàng lơh gơlik bơta tàm pơrlòng bè khà priă tăc pơndrờm mờ drà Gia Nghĩa.

Nàng tơn jơh bơta do, càr hòi jà ală cau bơcri priă lơh bàr pe tiah tờm kă bro, siêu thị. Mìng tu\ lơi ală drà kă bro tàm càr, ngan là tàm thị xã Gia Nghĩa geh lơh gơs, khà priă ală bơta phan den hơ\ sồng gơ rê wơl mờ khà priă bè ờs. Ồng Lê Minh Tuấn, đơs:

“Gơ wèt mờ càr Daknông, den ală drà kă bro gam geh jơh nùs lơh nàng drơng hòi jà bơcri priă, hòi jà lơh siêu thị, mờ tiah tờm kă bro. Tu\ broă lơh hòi jà bơcri priă geh lơh niam, crơng gơs geh uă siêu thị mờ tiah tờm kă bro den ngan ngồn broă tàm pơrlòng geh gơ lòt jat khà priă tàm drà”.

Cau cih mờ yal tơngi\t- Lơ Mu K’ Yến