VOV4.K’ho- Tàm gùt ală drà bơkào sa tềp tàm ală càr tàm tiah Tây Nguyên, bơkào đào tiah đah tô dà lơgar pah nam den gơ gơs mờng kuèng ngan. Bơdìh mờ bơkào đào bơh ală cau tam bơkào càr Nam Định, Ninh Bình, là ală tờm  bơkào đào geh tam tàm bơr lu\ bal tàm ù tiah pơr hê bazan bơh tiah Tây Nguyên dê. Bulah ờ geh gơ dờp ngan bè trồ tiah, mơya geh ală cau chài lời ua\ ngan dà kơl hề, tu\ jiơ sơng ka sền gàr bơkào đào tàm ù pơrhê kung gam gơ lì bơkào niam ngan tàm tơngai sa tềp do dê. Mờ bơta niam ngan mờ khà pria\ tăc di pal, ală cau lơh sươn bơkào đào tàm Dak Lak gam gơ hòi gơ jà ua\ năc ngan.

Bi Nguyễn Trường Giang, ơm tàm thôn 5, xã Cư Huê, kơnhòal Ea Kar là dùl tàm ală năc tus tơn tàm sươn bơkào đào tàm thị xã Buôn Hồ, blơi 2, 3 tờm bơkào đào cèng rê sa tềp. Jat bi Giang, bơkào đào Buôn Hồ nam do niam ndrờm bè tàm tiah đah tô dà lơgar dê sơl. Bơta do pà go\ cau tam bơkào neh geh bơta chài sơng ka sền gàr ua\ ngan.

Bulah kòp Covid-19 mơya sền go\ sa tềp neh tus tàm tiah do bloh. Cau tam bơkào tàm do geh bơta chài ua\ ngan, nam do trồ tiah ờ niam mơya bơkào đào kung gam lì niam ngan sơl, di mờ tơngai sa tềp ngan. Bè ờs den a` mìng blơi 2 tờm lơm mơya  bơkào niam bè do den pal blơi tai 5, 6 tờm, ai hìu bơnhă he in [à mờ kung ai oh mi in sa tềp bal sơl.

Bơkào đào tàm ù pơr hê bazan Tây Nguyên

 Dùl năc blơi bơkào đào ndai là bi Giáp Hoàng Việt, ơm tàm [òn dờng Buôn Ma Thuột, kung neh blơi tus 5 tờm bơkào đào tam tàm ù Buôn Hồ dê. Jat bi Việt yal, kal ke ngan gơtùi geh ală bơkào đào niam, cèng bềng lìu bơta niam bơh [òn lơgar dê mờ geh khà pria\ blơi ờ ua\, mìng bơh 300 tus 400 rơbô đong mờ tus hơ đơm 2 tơlak đong dùl tờm lơm.

A` mìng nisơna lòt gan tàm do lơm, mờ sươn bơkào đào do dê niam ngan. Do, gơtùi sền là tờm do, niam ngan, pal geh bơta mờng chài g^t nđờ nam den khi hơ\ sồng tam geh tờm bơkào đào niam bè do. Khà pria\ tăc di pal ngan, ờ ua\, làng bol he bươn ngan blơi geh ală tờm bơkào đào bè do. A` blơi rê sa tềp, den hơ\ sồng dờp, pà ai ală cau mờ he kờ` gơ boh in sơl.

Bulah trồ tiah krơi is bơ kào đào kung gam gơ lì di mờ tơngai sa tềp

Ồng Trần Bình Trọng, [òn tờm tàm Ninh Bình mut ơm kis tàm sơnah [òn Thiện An, thị xã Buôn Hồ pà g^t: lài do hìu bơnhă sùm pal blơi bơkào đào bơh tàm [òn tờm mut tàm do nàng sa tềp. Mơya krơi is bè trồ tiah lơh bơkào gơ lì ờ hoan niam mờ ờ hoan jo\. Bơh hơ\, bơta kơ lôi sơ nơng tam mờ kă bro bơkào đào tàm ù tiah pơr hê bazan dê geh ồng kơlôi sơ nơng sùm mờ mut lơh. Tàm pơgap 3 nam bơh sơn rờp, ồng tìp ua\ ngan kal ke mờ ờ hoàn geh cồng nha. Mơya, mờ bơta kờ` ngan, bơta kơ\ nùs mờ pơn đơl pràn bơsram bal, ồng neh lơh geh cồng nha tu\ ai bơkào đào in gơ lì di tàm tơngai sa tềp.

Tơngai bơh sơn rờp kal ke ngan, dilah ờ kơ\ nùs den ờ gơ tùi tam tàm tiah do ờ. Bơta chài den he pal bơsram ua\ ngan, bơh tàm ală bơta gơ tup pừ bơh sơn rờp den he geh tai bơta mờng chài. Trồ tiah den pal jat tơl nam nàng ai bơkào in gơ lì di mờ ngai sa tềp. Đơs bal là, cồng nha lơh geh bè do là chờ hờp ua\ ngan bloh.

Jat tơl nam broă tam bơkào đào hời rơ hời geh tam ua\ tàm Dak Lak

Jat tơl nam, broă tam bơkào đào hời rơ hời geh tam ua\ tàm Dak Lak. Ờ mìng ală cau dờng sơ nam lơm, 2, 3 nă ơruh pơnu kung pơn đơl pràn ngan bơsram nàng tam tai ală sươn đào niam nàng drơng broă sa tềp. Bi Trần Quốc Vương, ơm tàm sơnah [òn Đoàn Kết, thị xã Buôn Hồ pà g^t, bi neh bơsram mờ tam bơkào đào neh 4 nam do. Sươn đào bơh bi dê geh pơgap bơh 300 tờm bơh sơn rờp tus tu\ do neh gơguh tus ua\ rlau 10 dơ\, tăc ua\ mờ tăc rah rài ai ua\ kơnhòal, thị xã tàm càr in. Nam do, tài bơh kòp Covid-19 gơ rềng tus broă lơh sa làng bol dê, bi Vương neh tơr mù khà pria\ tăc bơkào đào dimơ đau nàng năc in bươn blơi. Kung tài bè hơ\, năc tus sền sươn đào bơh bi dê ua\ ngan:

A` mìng tăc mờ khà pria\ ờ hoan ua\ lơm, tài bơh nam do gơbàn kòp dờng Covid-19, làng bol lơh sa tu\ geh tu\ ờ. Khà pria\ tăc ờ ua\ den làng bol bươn blơi rlau, kờp bal dùl ngai a` tăc rlau 100 tờm, ngai ua\ ngan rlau jơh là 300 tờm.

Cau cih Công Bắc- Cau mblàng K’ Hạnh