VOV4.K’ho- Làng bol pal lòt ngài g^t nđờ jơ\t kơi sồ nàng dan tơl ntờc dà, halà pal ai dà ngui sa bơh tàm ală tơrlung neh soat dà tàm ală blàng sre, croh dà ờ sàng kloh. Do là jơnau geh ngan gam gơlik geh tàm kơnhoàl Di Linh, càr Lâm Đồng. Trồ prang dờng soat dà pah nam ngai sơlơ uă rlau tai neh lơh uă ngan ală broă lơh pà dà ngui sa pah ngai, jơh bal broă lơh rah rài mờ tơrgùm bal neh ờ gam kuơ tai.

Ngai lơi kung bè hơ\ lơm, tus trồ mho, mò Ngô Thị Kim Liên, ơm tàm thôn Hàng Làng, xã Gung Ré, kơnhoàl Di Linh, càr Lâm Đồng, pal pơn diang uă ngan thùng đùh, lòt ngài uă kơi sồ nàng dan dà rê ngui. Mò Liên pà g^t, kàl prang nam do uă ngan, tơrlung dà bơh hìu bơnhă dê neh soat dà bơh rlau 2 nhai lài, ală tơrlung dà tờ bơh cau rềp [òn bal kung neh soat sơl, den tàng nàng kờ` geh dà ngui sa tơl ngai, hìu bơnhă cau lơi kung pal lòt ngài ngan nàng dan dà. Cau lòt dan dà gal bè lòt drà lơh broă dan dà ngai sơlơ kal ke, mờ ờ g^t lơh bè lơi ngan.

 Lòt pơn diang dà gơ lơh bòl ngan, mờ geh tu\ den ờ geh dà nàng pơn diang rê sơl, dan dilah cau pà den hơ\ sồng he pơn diang, dilah ờ go\ pà den kung kong bè hơ\ sơl.  Làng bol tàm do ờ tơl dà uă ngan, cau lơi kung lòt pơn diang sùm. Hìu bơnhă a` tài bơh tu\ do ờ geh dà den pal lòt dan tàm tiah ngài ngan tus tàm Cầu 2, kơ\p tus trồ mho cau lòt lơh broă rê den he tus dan geh 2 dơ\ pơn diang là 6 thùng, pal ngui tềm pềr ngan den hơ\ sồng geh dà ngui. Ai pìh phan den geh tu\ 1 poh hơ\ sồng pìh dùl dơ\.

Dùl tàm ală broă lơh tơrlung dà ai dà ngui sa pah ngai tơrgùm pal ơm lơh bropă tài bơh ờ tơl dà.

Jat ồng K’Keo, Bí thư Chi bộ thôn Hàng Làng, g^t nđờ nam do, nàng bơsong jơnau kờ` dà ngui sa pah ngai ai làng bol tiah do in, Dà lơgar neh lơh 2 nơm tơrlung dà tờ tơrgùm mờ 2 nơm tơrlung dà tàm tơrbo\ mờ ală ding dà lam dà tus tàm tơl hìu bơnhă…

Mơya, khà dà tàm ù neh soat uă ir, ală bơtơ\t drơng dà ngui sa neh pal ơm ờ lơh broă tai, tài bơh ală tơrlung dà ndrờm soat jơh. Làng bol mờ gơnoar atbồ tiah do neh jòi tơl broă lơh nàng bơsong, mơya ndrờm ờ go\ cèng wơl cồng nha lơi.

 Bơh uă nam lài den bol a` neh dan mờ càr, kơnhoàc bơcri priă, dong kờl lơh niam wơl mơya tus kàl prang là ờ tơl dà ngui sa sơl. Dilah gơbàn bè do sùm den ờ gơs lơh niam tai, ờ tơl dà den bulah geh lơh tai kung hoàc huơr priă jền bơh dà lơgar dê. Tu\ do làng bol ngui dà tơrlung hìu bơnhă a` lơm, mơya mìng ngui geh tàm kàl mìu lơm ai kàl prang den tơrlung dà ờ gam dà tai. Uă ngan làng bol pal đìh rơndeh, cèng bal thùng dà lòt ai dà bơh tàm tiah ngài, tu\ do, pal kong mờ uă ngan bơta bòl glar kal ke bè do.

Làng bol lòt dan dà tơl kan dà rê ngui dùl bă tềm pềr

Ồng Lê Văn Thanh, Phó Chủ tịch UBND xã Gung Ré, kơnhoàl Di Linh, pà g^t, soat dà pah nam den ngai sơ lơ uă ngan. Ală kàl prang pa do, làng bol tàm xã neh pal ngui ală dà bơ\, ngan là làng bol kòn cau tàm thôn Hàng Làng.

Làng bol tu\ do uă ngan là ngui dà tơrlung tờ is,  gơtìp nam trồ prang dờng soat dà uă tàm bàr pe tiah bè do den kal ke ngan bè dà ngui sa, bơdìh mờ dà căt ờ tơl nàng ai làng bol in, dà kung ờ sang kloh sơl. Den tàng bè hơ\, tàm tiah do tus kàl prang sùm kơlôi sơnơng mờ sơnđàc ngan làng bol bè broă dà ngui sa pah ngai ờ tơl. Tu\ do, jơnau do tàm thôn Hàng Làng là kal ke ngan rlau jơh, jat broă rơndap lơh den tus do kơnhoàl geh ai priă bơcri bè broă lơh dà sàng kloh sền gròi bè broă do.

Bơdìh mờ xã Gung Ré, jơnau ờ tơl dà ngui sa pah ngai tàm kàl prang dờng soat dà kung gơlik geh tàm ală xã ndai bơh kơnhoàl Di Linh dê bè: Gia Hiệp, Đinh Lạc, Tân Nghĩa, Tân Lâm, Tân Thượng, Tân Châu, Đinh Trang Thượng, Bảo Thuận, Sơn Điền, Gia Bắc… 

Jat jơnau kờp du\ lài, broă trồ prang dờng soat dà nam do tàm Tây Nguyen digơlan gam pơn jat tai jo\ jòng. Broă ờ tơl dà ngui sa tàm tiah kơh bơnơm Di Linh geh ngai sơlơ uă ngan. Jơh bal làng bol mờ gơnoar atbồ tàm tiah do kung gam ờ hềt g^t pal lơh mbè lơi sơl tàm tơngai tus. Tài bơh jat UBND kơnhoàl Di Linh, broă ai dà ma\y bơh tiah tàm gùl kơnhoàl tus tàm ală xã tiah sar lơgar ngài mìng digơlan mut lơh tàm tơngai jo\ jòng.

Cau mblàng K’ Hạnh