VOV4.K’ho- Tơrgùm bơsong jơnau gơlời wơl bơh mìu nhàc dà ko\ dà cò, sền gàr niam ờdo ờdă màng kis làng bol in lài, tàm mờ tơnơ\ dơ\ mìu càl rbu\t dờng sồ 7 là jơnau sồr bơh ồng Trịnh Đình Dũng, Kuang jat jơng gơs gơnăp gơnoar atbồ hơđang rlau jơh dà lơgar dê tàm dơ\ pơrjum pờ tơn tàm internet bơh Mpồl đơng lam Dà lơgar bè rơcang sơndră trồ tiah lơh aniai mờ Anih duh broă Dà lơgar jòi sền dong kờl rềs àr mờ 17 càr mờ [òn dờng bơh Quảng Ninh tus Khánh Hoà geh lơh mho ngai òr 16/10. Ồng Trịnh Đình Dũng sồr: Kờp sền wơl ală tiah ròng tam phan tàm dà rềp kềng gah dà lềng mờ rơcang lài ntrờn làng bol tàm ală tiah ngòt rơngơ\t, pơhìn uă, ală broă lơh bơ\t bơtàu ờ kơ\ kơl jăp. Ală tiah pal geh broă rơndăp lơh loh làng dilah mìu càl rbu\t dờng geh tàm pơn jat sùm, tài bơh tu\ mìu càl rbu\t dờng sồ 7 Sarika tus tàm ù gờl geh bal mìu dờng lơh ngơr bam jrô dà, den dơ\ mìu càl rbu\t dờng pa geh mat sơnđan dunia dê là Hai-Ma gam geh tàm tiah dà lềng lơgar Philippines, digơlan tus tàm Dà lềng đah mat tơngai Lik geh lơh gơlik mìu càl rbu\t dờng sồ 8. Jat yal mhar bơh ală càr tiah đah tàm gùl lơgar dê, tus mho ngai òr, mìu nhàc dà ko\ dà cò neh lơh 15 nă cau chơ\t, 9 nă cau roh thi\t, 18 nă cau gơtìp sồt să.

Tềng đăp mờ mìu dờng dà tih dà cò uă tàm ală càr tiah tàm gùl lơgar, drim òr (16/10), Mpồl dong kờl sơnơm sơm ba phan bơna dà lơgar Việt Nam neh geh kơrnoăt dong kờl mhar lài ngan priă bal mờ phan geh 2 tơmàn priă ai 4 càr: Nghệ An, Hà Tĩnh, Quảng Bình mờ Quảng Trị in kờ` di tu\ dong kờl làng bol sơrlèt mờ ală kal ke lài ngan, ring niam rài kis.

Cau cih mờ yal tơngi\t- Lơ Mu K’ Yến mờ Ndong Brawl