VOV4.K’ho - Bơ\t bơtàu gùng nhàr dà lơgar lơngăp lơngai, ring niam, g^t gơ\p lơh bơyô bal, lơh broă bal mờ tơnguh bơtàu kơl jăp bơh 2 lơgar Việt Nam mờ lơgar Campuchia sùm là tơngu me tòm kuơ màng, geh kuang bàng đơng lam dờng màng bơh 2 lơgar sền kuơ mờ lơh jăt bal. Ngai 26/12 lài do, Gơnoar atbồ lơgar 2 lơgar neh bơyai lơh mu\t ngui `jrong sồ 30 mờ 275 tàm gùng nhàr dà lơgar ù gờl bơh 2 lơgar dê mờ broă tus bal bơh ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar bal mờ ồng Samdeck Techo Hunsen, kuang gơs gơnăp gơnoar atbồ hờ đang rơlao jơh lơgar Campuchia dê. Do là broă lơh kuơ màng ngan tàm broă lơh bal bơh lơgar Việt Nam mờ lơgar Campuchia dê. Cau ai tơng^t jơnau đơs Việt Nam tàm Tây Nguyên geh jơnau yal.

~jrong nhàr dà lơgar sồ 30 geh lơh tềng gơl nhàr dà lơgar rềp bal bơh kơnhoàl Đức Cơ, càr Gia Lai, lơgar Việt Nam mờ kơnhoàl Oyadav, càr Ratanakiri, lơgar Campuchia. Do là `jrong dờng geh to\p [àng kì dà lơgar tềng mpồng nhàr dà lơgar dunia Lệ Thanh mờ Oyadav mờ là 1 tàm 10 nơm `jrong dờng geh to\p [àng kì dà lơgar bơh 2 lơgar dê. Bơta kuơ màng tềng mpồng nhàr dà lơgar dunia Lệ Thanh mờ Oyadav là geh lơh tàm gơl gùng 19 lơgar Việt Nam, tơrbo\ mờ gùng 78 lơgar Campuchia dê, là 1 tàm ală gơl gùng kuơ màng tơrbo\ ală càr Tây Nguyên lơgar Việt Nam mờ ală càr tiah đah tô măt tơngai l^k lơgar Campuchia dê. Broă lơh gơs `jrong nhàr dà lơgar mờ tơbo\ bal gùng lòt bơh 2 anih sền gròi mpồng nhàr dà lơgar dunia Lệ Thanh mờ Oyadav geh ai tơl^k bơta [uơn kờ` lơh jơh bơta geh bè lơh sa, nhơl chờ, chồl pràn broă kă bro, bơcri priă, bơta chài rơgơi, bơto bơtê; mờ ai tơl^k bơta niam làng bol kis tàm tiah nhàr dà lơgar bơh 2 lơgar dê tus tìp bal, tam klăc bal. Tus bal dơ\ mu\t ngui `jrong nhàr dà lơgar sồ 30, ồng Siu Duch, kis tàm [òn Mook Đen, ntum Ia Dom, kơnhoàl Đức Cơ, càr Gia Lai đơs: “Làng bol kòn cau Jarai bal mờ làng bol ală kòn cau bơh lơgar Campuchia neh geh rài bơhiàn tam klăc bơh lài do đềt mềr ngan. Mu\t ngui `jrong sồ 30 mờ gơl gùng tơrbo\ 2 mpồng nhàr dà lơgar, tơrbo\ 2 lơgar là broă lơh kuơ màng. A` chờ hờp ngan, tài geh ai tơl bơta niam kờ` làng bol 2 lơgar tơnguh tai nùs nhơm tam klăc, đềt mềr mờ tơnguh bơtàu bal”.

Lơgar Việt Nam mờ lơgar Campuchia là 2 lơgar rềp bal neh geh rài lơh broă bal bơh jo\ ngan. Tiah nhàr dà lơgar tàm ù gờl bơh 2 lơgar jòng di pơgăp 1 rơbô 200 kơi sồ, lòt gan 10 càr lơgar Việt Nam mờ 9 càr lơgar Campuchia dê. Broă tơnguh broă lơh g^t gơ\p, lơh bơyô bal tơl ală bơta bơh lơgar Việt Nam mờ lơgar Campuchia đơs bal mờ bơ\t bơtàu gùng nhàr dà lơgar lơngăp lơngai, ring niam, g^t gơ\p, lơh broă bal mờ tơnguh bơtàu kơl jăp bơh 2 lơgar đơs is sùm là tơngu me tòm kuơ màng, geh kuang bàng đơng lam dờng 2 lơgar sền kuơ mờ lơh jăt bal. Tài tơngu me kuơ màng do, 2 lơgar neh k^ ală kơrnoăt hơ bal jơh gùng nhàr dà lơgar tàm ù gờl.

Bal mờ broă mu\t ngui 2 `jong nhàr dà lơgar sồ 30 mờ 275 pa do, tus tu\ do, 2 lơgar neh wah nhàr mờ tồt `jrong geh mờr 90% khà gùng nhàr dà lơgar tàm ù gờl; lơh gơs broă ai tơl^k, bơ\t bơtàu ală `jrong geh to\p [àng kì 10 tàm 10 bă mpồng nhàr dà lơgar dunia; bal mờ `jrong tàm anih lài ngan tềng sơne\ 3 gùng nhàr dà lơgar Việt Nam, Lào mờ Campuchia mờ `jrong du\t ndơl sồ 314 tàm gùng nhàr dà lơgar ù gơl bơh lơgar Việt Nam mờ lơgar Campuchia neh geh 297 nơm `jrong tòm geh lơh. Tàm dơ\ mu\t ngui `jrong sồ 30, ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar Việt Nam neh đơs tòm: “Do là broă lơh kuơ màng ngan, tơl^k broă lơh ngan bơh kuang bàng đơng lam bal mờ làng bol 2 lơgar dê tàm broă chồl pràn mờ gờ` lơh gơs jơh ală broă wah nhàr dà lơgar mờ tồt `jrong nhàr dà lơgar tàm ù gờl bơh lơgar Việt Nam mờ lơgar Campuchia dê, lơh bal gùng nhàr dà lơgar lơngăp lơngai, g^t gơ\p, lơh bơyô, lơh broă bal mờ tơnguh bơtàu kơl jăp. Ai tơl^k bơta [uơn tàm broă sền gàr tiah nhàr dà lơgar, tìp bal, kờ` bal, dong kờl bal tàm ală gah, tàm hơ\ uă ngan là lơh sa, kă bro, bơcri priă, nhơl chờ bơh 2 càr Gia Lai mờ Ratanakiri mờ 2 lơgar he dê”.

Bu\ lah neh geh ală cồng nha kuơ màng, mơya Gơnoar atbồ lơgar Việt Nam mờ Gơnoar atbồ lơgar Campuchia gam uă broă pal lơh kờ` lơh gơs kơnòl wah gùng nhàr dà lơgar mờ tồt `jrong nhàr dà lơgar Tàm dơ\ mu\t ngui `jrong nhàr dà lơgar sồ 30, kuang gơs gơnăp gơnoar atbồ hờ đang rơlao jơh dà lơgar 2 lơgar Việt Nam mờ Campuchia sồr mpồl lơh broă wah mờ tồt `jrong nhàr dà lơgar, ală gah, mpồl lơh broă dà lơgar bal mờ ală càr gơrềng bal bơh 2 lơgar pal pơn jăt tai lơh ngan mờ pơgồp bal nền nòn rơlao tai tàm broă bơsong ală broă gam gơl^k geh kờ` gờ` lơh gơs jơh broă wah gùng nhàr dà lơgar mờ tồt `jrong nhàr dà lơgar tàm ù gờl bơh 2 lơgar Việt Nam mờ Campuchia dê; sền gàr niam bơta tàm nhàr dà lơgar kờ` bơ\t bơtàu tiah nhàr dà lơgar bơh lơgar Việt Nam mờ lơgar Campuchia gơs gùng nhàr dà lơgar lơngăp lơngai, ring niam, lơh broă bal, tơnguh bơtàu kơl jăp. Ồng Samdeck Techo Hunsen, kuang gơs gơnăp gơnoar atbồ hờ đang rơlao jơh dà lơgar Campuchia đơs: “Ală broă neh geh tàm tơngai do, tàm hơ\ geh broă wah gùng nhàr dà lơgar bal mờ tồt `jrong nhàr dà lơgar, broă lơh ngan tơnguh bơtàu, lơh broă bal bơh 2 lơgar geh bơh broă jòi bal 1 broă lơh bal, tàm nùs nhơm lơh broă bal song dơ pă, tam pà bal mờ he neh geh lài tàm g^t nđờ 10 nam do. Hơ\ là bơta kuơ màng ngan mờ he pal ai bơh tàm tơngu me neh geh kờ` ai tơl^k mùl màl ală gùng dà broă lơh bal tàm tơnơ\ do mờ pơn jăt tai bơsong ală broă gam gơl^k geh, sơlèt mờ ală kal ke kờ` geh bơta niam tềng đăp măt, drơng broă lơh kuơ màng dà lơgar bal mờ làng bol 2 lơgar in geh cồng nha niam”.

Mu\t ngui `jong nhàr dà lơgar sồ 30 mờ 275 là nroă lơh kuơ màng ngan, tơl^k nùs nhơm di pal bơh boă wah gùng nhàr mờ tồt `jrong nhàr dà lơgar mờ 2 lơgar Việt Nam mờ Campuchia neh mờ gam lơh jăt, tơl^k broă lơh ngan bơh kuang bàng đơng lam bal mờ làng bol 2 lơgar dê tàm broă gờ` lơh gơs jơh broă wah gùng nhàr mờ tồt `jrong nhàr dà lơgar tàm ù gờl bơh lơgar Việt Nam mờ lơgar Campuchia; pơgồp bal tàm broă lơh ngan mờ tơnguh broă lơh g^t gơ\p, lơh bơyô bal ờs mờng bơh 2 lơgar dê.

Cau cih mờ yal tơng^t Ndong Brawl