VOV4.K’ho - Càr Gia Lai geh gùng nhàr dà lơgar jòng 90 kơi sồ rềp mờ càr Rattanakiri, lơgar Campuchia. Tàm ală nam do, mpồl ling sền gàr tiah nhàr dà lơgar càr Gia Lai neh tơnguh geh gơnoar là mpồl tòm tàm broă atbồ, sền gàr gơnoar ù tiah, bơta lơngăp lơngai chính trị, ờ do ờ dă gùt mpồl bơtiàn tàm tiah nhàr dà lơgar; di tu\ pơlam, pơgồp bal mờ cấp uỷ, gơnoar atbồ ală tiah bal mờ mpồl lơh broă geh gơnoar ai geh gùng dà broă lơh di pal tàm ală bơta gơl^k geh, kuơ màng là cau tìs ma tuý mờ broă lơh bơh mpồl “tin lành đêgar”, pơgồp bal tàm broă sền gàr bơta lơngăp lơngai ờ do ờ dă tàm tiah nhàr dà lơgar.

Đại tá Vũ Trung Kiên, kuang atbồ đơng lam mpồl đơng lam ling sền gàr tiah nhàr dà lơgar càr Gia Lai pà g^t loh rơlao bè broă lơh bơh cau ling sền gàr tiah nhàr dà lơgar tàm càr do.

-Ơ Đại tá, broă lòt sền gròi, gàr niam gùng nhàr dà lơgar, `jrong nhàr dà lơgar neh geh ling sền gàr tiah nhàr dà lơgar càr Gia Lai lơh bè lơi?

Đại tá Vũ Trung Kiên: Broă lòt sền gròi, sền gàr gùng nhàr dà lơgar, `jrong nhàr dà lơgar là dùl kơnòl kuơ màng bơh mpồl ling sền gàr tiah nhàr dà lơgar dê. Kờ` lơh jăt broă do, tàm ală mpồl ling geh dùl mpồl, gam sơnđan là mpồl phào crong, bơyai lơh lòt sền gròi, bơ\t bơtàu rơndăp broă lơh sùm, jăt tơngai mờ ni sơna.

Tàm hơ\ bol a` kung hòi jà broă pơgồp bal lòt sền gròi bơh ală mpồl kuang àng, cau ling, ling gàr [òn, hơ\ sồng geh bal làng bol tàm do. Den tàng, ală broă tàm tiah nhàr dà lơgar bu\ lah geh dùl nă cau ha là dùl nơm rơndeh lơi lòt gan tàm tiah nhàr dà lơgar bol a` ndrờm atbồ nền nòn, sền gàr niam gùng nhàr dà lơgar, `jrong nhàr dà lơgar.

Geh tu\ geh bal ală broă lơh bơh ù tiah geh is, bơh phan ròng, bơh phan kis tàm brê bol a` kung di tu\ go\ mờ kơrian mờ lơh niam wơl, lơh bè lơi tu\ gùng nhàr dà lơgar, `jrong nhàr dà lơgar sùm geh sền gàr kơl jăp, ai go\ geh gơnoar ù tiah tàm tiah nhàr dà lơgar he dê.

-Mpồl ling sền gàr tiah nhàr dà lơgar bal mờ gơnoar atbồ, làng bol tàm tiah nhàr dà lơgar càr Gia Lai neh geh broă pơgồp bal bè lơi kờ` bơ\t bơtàu tiah sơndră kơl jăp ơ Đại tá?

Đại tá Vũ Trung Kiên: Broă lơh jăt kơrnoăt pơgồp bal bơh Đảng uỷ mpồl ling sền gàr tiah nhàr dà lơgar mờ Tỉnh uỷ Gia Lai den bol a` neh rơcang lơh kơrnoăt pơgồp bal mờ Huyện uỷ pe kơnhoàl tiah nhàr dà lơgar.

Jăt mờ hơ\, bol a` pơgồp bal mờ cấp uỷ, gơnoar atbồ ală xã, tơrgùm bơ\t bơtàu ală bơta pràn bè chính trị bè ling klàng, bè lơh sa, bơta chài rơgơi mpồl bơtiàn tàm tiah nhàr dà lơgar. Ală kuang bàng sền gàr tiah nhàr dà lơgar tus bal tơn mờ cấp uỷ, gơnoar atbồ xã kờ` tơnguh broă bơ\t bơtàu ală bơta pràn.

Bơta tòm là bol a` rơwah 7 nă kuang bàng pràn kơl dang, geh nùs nhơm niam, geh kơnòl mờ geh bơto bơtê niam kờ` tus bal cấp uỷ xã. Mờ bol a` neh rơwah geh 50 nă kuang bàng tàm ling sền gàr tiah nhàr dà lơgar bơh ală pôs ling kờ` tus bal lơh broă mờ ală chi bộ [òn.

Mờ bol a` tam pà broă lơh ai kuang bàng bơh ală pôs ling lơh broă bal mờ hìu nhă. Bơh ală mpồl cau do geh pah ngai bal mờ cấp uỷ, gơnoar atbồ xã tơnguh broă bơ\t bơtàu ală bơta pràn bè chính trị bè lơh sa; chồl pràn broă lơh jăt ală rơndăp broă mờ lam sồr kờ` làng bol lơh jăt gùng dà broă lơh bơh Đảng; mờ tơnguh jơnau g^t wă, g^t bè kơnòl bè `jrong nhàr dà lơgar.

Bơdìh hơ\ tai, bol a` pơgồp bal nền nòn mờ mpồl kuang àng, ling klàng bơ\t bơtàu ală tiah sơndră gùt làng bol, tiah sền gàr bơta lơngăp lơngai làng bol. Gơtùi đơs, ală broă gơrềng tus mờ sền gàr gơnoar ù tiah nhàr dà lơgar den ndrờm geh hòi jà geh bal jơh ală gah, mpồl lơh broă chính trị, broă tus bal niam bơh gùt làng bol.

-Broă pơgồp bal bơh mpồl ling sền gàr tiah nhàr dà lơgar càr Gai Lai mờ ală mpồl tàm tiah nhàr dà lơgar, lơgar Campuchia tàm broă gàr niam gơnoar ù tiah, bơ\t bơtàu nùs nhơm tam klăc bal, ring lơngai, g^t gơ\p, lơh bơyô bal neh geh lơh bè lơi ơ Đại tá?

Đại tá Vũ Trung Kiên: Tàm tơngu me gùng dà broă lơh bal mờ lơgar bơdìh Đảng, Dà lơgar dê, den bol a` lơh jăt broă bơ\t bơtàu kơrnoăt pơgồp bal gơwèt mờ ală mpồl lơh kơnòl bơh lơgar Campuchia, tàm càr rềp bal. Bè bol a` geh kơrnoăt pơgồp bal mờ mpồl ling, mpồl ling gàr [òn bal mờ mpồl kuang àng càr Rattanakiri.

Tàm tơngu me do, ală pôs ling lơgar Việt Nam kung neh bơ\t bơtàu ală kơrnoăt pơgồp bal mờ ală mpồl sền gàr jăt gah nhàr dà lơgar, lơgar đah ne dê, bè mpồl kuang àng càr gàr tiah nhàr dà lơgar, cau ling sền gàr tiah nhàr dà lơgar, mpồl lơh broă tàm mpồng nhàr dà lơgar...

Mờ bol a` kung pơlam cấp uỷ, gơnoar atbồ xã he dê bơyai lơh chồl pràn broă lơh bal mờ lơgar ndai làng bol. Tus tu\ do, den neh geh bơyai lơh oh mi bal mờ 4 [òn bơh bàr tiah nhàr dà lơgar.

-Cồng nha bơh broă pơgồp bal, lơh broă bal mờ lơgar ndai tiah nhàr dà lơgar geh lơh bè lơi ơ Đại tá?

Đại tá Vũ Trung Kiên: Broă lơh bal mờ lơgar ndai tiah nhàr dà lơgar mờ bol a` đơng lam bơyai lơh tus tu\ do neh geh cồng nha uă ngan. Ală mpồl ling tàm ală pôs ling cau ling sền gàr tiah nhàr dà lơgar càr Gia Lai mờ ală mpồl ling tiah nhàr dà lơgar, lơgar Campuchia bal mờ gơnoar atbồ bơh bàr đah neh geh broă lơh bal đềt mềr ngan.

Tu\ lơi kung rơcang tam pà bal, lòt sền gròi bal, cri bơyai ring bal bơsong ală broă gơl^k geh tàm tiah nhàr dà lơgar, gàr niam ba` ai geh gơbàn ală tiah kal ke. Ală [òn lơh oh mi bal neh dong kờl bal tàm broă tơnguh bơtàu lơh sa, bơta chài rơgơi mpồl bơtiàn.

Bol a` gam lơh jăt broă dong kờl oh lòt bơsram, ờ mìng dong kờl ală kơnòm bơsram jăk geh rài kis kal ke lơgar Việt Nam mờ gam dong kờl bal ală kơnòm bơsram là cau lơgar Campuchia. Bol a` gam dong kờl mờr 10 nă oh cau lơgar Campuchia bơsram jăk mơya hìu nhă kal ke, pah nhai 500 rơbô priă.

Tàm bồ nam bơsram den blơi sră măi, sră cih, rơndeh coh. Hơ\ sồng bol a` kung tus bal kham, sơm kòp cau lơgar Campuchia in, tus bal dong kờl cau gơtìp rề sàr tu\ gơbàn trồ tiah lơh aniai. Mờ ală broă lơh mùl màl hơ\ den bàr gah geh tus bal bơ\t bơtàu tiah nhàr dà lơgar ring lơngai, lơh broă bal, g^t gơ\p lơh bơyô bal mờ tơnguh bơtàu.

-Ơi, dan ưn ngài Đại tá bè dơ\ cri bơyai do.

Cau mblàng Ndong Brawl