VOV4.K’ho -  Sa tềp do là sa tềp dơ\ 4 kờp bơh tu\ gùng đah mattơngai lik Trường Sơn lòt gan ntum Sơn Lang, kơnhòal Kbang càr Gia Lai geh lơh gơs. Tơ nơ\ 4 nam, muh mat bòn lơgar tiah do neh tam gơl, hìu đăm hời rơ hời niam rlau, broă kă bro bơ sềt linh chi, `ha chi kim tuyến mờ ală bơta kuơ ndai bơh brê bơh làng bol kòn cau Bahnar dê kung buơn rlau. Den tàng, làng bol kòn cau Bơnhàr tàm do cau lơi kung chờ hờp, pin dờn tàm 1 sơnam pa hờm răm rlau. Lo\  Đinh Thị Hoàng, deh nam 1985, ơm tàm bòn Điện Biên, ntum Sơn Lang, kơnhòal Kbang đơs:“ Nam 2015, làng bol geh gùng lòt bơh đah mattơngai lik Trường Sơn tus bòn, ntum, làng bol lòt rê buơn rlau, lơh broă sa suơn rlau, cau kă bro blơi kơphe làng bol dê ờ huan bơ klơn khà priă tai. Kơp kờ` lơh bè lơi, làng bol lơh broă sa ngai sơ lơ bơtàu tơnguh rlau. Nam do, hìu nhă kờp du\ lài blơi uă phơng nàng ơn tờm kơphe in, kờ` geh cồng nha tơnhàu uă rlau mờ nam lài, broă lơh sa bơtàu tơnguh mờ sền gròi oh kòn lòt bơsram tus gùng tus dà.”