VOV4.K’ho- Lồi poh lài, tàm [òn dờng Dà Làc, càr Lâm Đồng dê, Ban Tuyên giáo Dà lơgar pơgồp bal mờ Anih Jơnau đơs Việt Nam mờ Anih Sơ`io rùp Việt Nam bơyai lơh tìp mat cau pơnrơ jak tàm broă bơsram mờ lơh jat nùs nhơm, bồ tơngoh, rài kis mờ broă lơh jak Hồ Chí Minh dê tiah tàm gùl lơgar mờ Tây Nguyên nam 2019.

Do là broă lơh geh kuơ ngan bal mờ jơh gùt Đảng, gùt làng bol, gùt ling klàng he tơngkah 50 nam Ngai Bác Hồ kờ` gơboh bol he dê lòt ngài, sền wơl 50 nam tam klac, lơh ngan pơđơl pràn lơh jat Jơnau nting bơr dờng màng ngan bơh Bác Hồ dê.

Ồng Võ Văn Thưởng Kuang atbồ Ban Tuyên giáo dà lơgar pà gai lòng lời kir sơnrai ai ală cau pơnrơ jak in

Tus bal dơ\ tìp mat lơh quèng là ală cau pơnrơ jak, ală krơh àng sơndah mờ uă broă lơh jak, bơta mờng chài kuơmàng tàm jơh ală broă. Tàm hơ\, geh cau pơnrơ jak bè bơta dùl nùs bal tàm jơnau gi\t wa\ mờ broă lơh nàng bơ\t bơtàu, rề ơnàng lơh uă geh cồng nha srơh jơh gùt làng bol sền gàr lơngăp lơngai Dà lơgar bơh Kuang àng kơnhoàl Triệu Phong, càr Quảng Trị dê pơgồp bal mờ ală cau duh broă yàng tàm bàr pe hìu yàng bàp. Bơh broă lơh do neh dong ală srơh tàm pơrlòng kờ` gơboh dà lơgar, pơgồp bơnah lơh tam gơl uă [òn lơgar lài do là tiah pơneh ờ niam ngan mờ kal ke ngan bè lơngăp lơngai ờdo ờdă.

Jat Đại tá Nguyễn Ngọc Minh, Kuang atbồ Kuang àng kơnhoàl Triệu Phong yal, cồng nha do là jơh dùl tu\ lơh ngan lơh ngan bơsram, đòm jat mờ lơh jat nùs nhơm bồ tơngoh bơh Bác Hồ dê bè ngui bơta pràn bơh mpồl tam klac dờng gùt jơi bơtiàn.

Lơh jat jơnau bơto sồr bơh Bác Hồ dê bè nùs kờ` gơboh dà lơgar mờ bơta dòn bơh gah jat yàng dê ờ go\ krơi is uă ir, mờ kơnòl broă bơh bol a` dê là pơgồp bal bơta dòn bơh gah jat yàng dê mờ nùs kờ` gơboh dà lơgar nàng lòt bal, dùl nùs bal tàm gùng lòt bơ\t bơtàu [òn lơgar Triệu Phong. Mờ bơta kuơ hơ\, bol a` neh crơng gơs ală broă lơh gơguh jak bè lơngăp lơngai ờdo ờdă tàm gah yàng phờk, hìu yàng bàp tam klac bal sền gàr lơngăp lơngai Dà lơgar.

                                        Tìp mat mờ ală cau pơnrơ jak

Dùl jơnau niam lơh gơdùh nùs cau, hơ\ là nùs kờ` gơboh kòn bơnus geh lơh geh bơh Hìu Tín Thác tàm xã Lộc Thanh, [òn dờng Bảo Lộc, càr Lâm Đồng là tiah ròng siam sền gàr rlau 100 nă kơnòm kòn đời gơtìp lời sang bơh tu\ pa deh bơh tàm ndul mè tài bơh bơta kờ` gơboh, dong kờl, jơm glòm bơh ală sơ dê.

Ala mat Hìu Tín Thác là sơ Nguyễn Thị Hường đơs là, Chủ tịch Hồ Chí Minh hòi jà ală jơi bơtiàn, ală gah jat yàng tam klac bal, kis niam tàm rài kis, lơh àng sơndah jơnau yàng, tàm kờ` gơboh bal. Lơh jat jơnau bơto sồr hơ\, sùm 10 nam lòt gan, Hìu Tín Thác sùm pờ ơnàng nùs nhơm dờp ròng siam sền gàr ai kơnòm dềt bềng bơta ờ bơtuah bơtoài tàm rài kis in.

Jơnau nting bơr lời wơl bơh Bác Hồ dê là kờ` ai làng bol he sùm geh hờm ram, lơngăp lơngai chờ hờp mờ ală sau geh lòt bơsram. Rài kis bơh sơnrờp gơ tơngo\ tềng đap mat bol a` là tàm ngai 12/6/2009 lài do, tu\ a` tìp oh lời dùl đah kềng gùng, a` pờ sền den oh jơgloh tơhìr ngan, să jan ơm kuh lời rồ lơm, mìng geh dùl nơm chèu pơrhê pồt bơdìh mơya neh gơ jur jù jơh. Tu\ hơ\, nùs nhơm a` jê sồt ngan, sơnđàc sơngi\t ngan, sơnđàc oh gi\t lơh, a` ò gi\t lơh bơta lơi, bol a` là cau lòt jat yàng bơsram jơnau yàng là mìng geh bàr đah mpàng tê soh lơm, mờ tu\ do jun sau rê ơm tềng anih lơi? Mơya geh dùl jơnau đơs tàm să jan a` là “lơngai a` ai pà tơl kòn in”, den tàng a` khin cha mờ a` kơnđu sau, a` đơs là “Ơ kòn! Ờ geh cau lơi wa\ rò kòn den ngai do kòn là kòn sơ dê yơ”.

Nam do, jơh gùt Đảng, gùt làng bol mờ gùt ling klàng he tơngkah kir sơnrai 50 nam ngai Bác Hồ kờ` gơboh lòt ngài, sền wơl 50 nam tam klac, lơh ngan pơđơl pràn lơh jat Jơnau nting bơr lời wơl dờng màng Bác Hồ dê. Den tàng bè hơ\, dơ\ tìp mat nàng kờ` lơh pràn broă lơh mblàng yal bè cồng nha lam lơh jat Chỉ thị sồ 05 bơh Bộ Chính trị dê, pơn jat tai dùl nùs bal mờ lơh geh bơta pràn lơh gơrề uă tàm jơh gùt Đảng, gùt làng bol mờ gùt ling klàng lơh pràn bơsram mờ lơh jat nùs nhơm bồ tơngoh, rài kis mờ broă lơh jak Hồ Chí Minh dê, tơngkah kir sơnrai 50 nam lơh jat Jơnau nting bơr bơh Chủ tịch Hồ Chí Minh dê.

Ồng Nguyễn Thế Kỷ Kuang atbồ dờng Anih Jơnau đơs Việt Nam mờ Kuang đơng lam bồ càr Lâm Đồng pà bơkàu ai ală mpồl tus bal tìp mat in

Do là dơ\ lơh broă chính trị dờng mờ geh kuơ ngan nàng tơl tiah, tơl anih lơh broă, tơl mpồl cau, tơl nă kuang bàng, đảng viên, tơl nă làng bol sền swì is să tờm, lơh ngan bơsram mờ đòm jat Bác Hồ, lơh jat Bác Hồ bơ\t bơtàu [òn lơgar, dà lơgar pas sơm pràn kơldang, bơtàu tơnguh, jak chài. Ală cau pơnrơ jak yal tàm dơ\ tìp mat neh đơs ngan bơta gơrề bơh ală bơta kuơ niam bơne\ tàm nùs nhơm, bồ tơngoh, rài kis mờ broă lơh jak Hồ Chí Minh dê.

Cau mblàng Lơ Mu K’Yến