VOV4.K’ho - Sư đoàn Bộ binh 2 gam sơndan la “Sư đoàn lòs” geh crơng gơs ngai 20 nhai 10 nam 1965. Ala\ jau pha khin cha pơnrơ ngan bơh Sư đoàn 2 geh bal mờ ua\ tiah rài kah yau ngan, bè: Hiệp Đức-Đồng Dương, gùng 9 Nam Lào, Đắc Tô –Tân Cảnh. Sư đoàn neh 2 dơ\ dờp geh khà jờng cau ling khin cha jak chài ling klàng phàu crong làng bol.  

            Sư đoàn cau đang gờl 2 geh sơnđan la sư đoàn krà` kơdang, pơnrơ ngan “neh lòt la tus, neh lơh la jai”. Đại tá Trần Như Tiếp kuang atbồ cơldu\ lơh broa\ khoa học công nghệ  tiah kis Quân khu 5 lài do, mờ la  kuang dong broa\ lam lơh tam lơh bơh Trung đoàn 1, Sư đoàn 2 ai git,  nam 1965, Sơ đoàn 2 geh crơng gơs nàng geh lơh di bơta kờ` broa\ lơh kac màng pa. Tơnơ\ geh crơng gơs di 20 ngai,  Sư đoàn neh lơh geh broa\ lơh dờng tàm  dơ\ tam lơh Hiệp Đức-Đồng Dương. Đại tá Trần Như Tiếp, đơs:“Tu\ crơng gơs sư đoàn den geh gùng la lik lơh broa\ sơnrờp den tàng Sư đoàn geh  lơh ngan pal geh jai. Dơ\ tam lơh Hiệp Đức - Đồng Dương pal mut lơh ala\ broa\ geh lơh la ai bol sò tơm mut tam lơh mờ bơta la he pal sơrlèt kal ke, bồm mền, đùh bồm ơm pồn lài. Cồng nha dơ\ 2 la geh bơta geh lơh bal mờ cau ling mờ làng bol [òn lơgar den tàng bơsong tiah tam lơh pal mhar nàng tơnơ\ hơ\ geh rcang tai dơ\ tam lơh pơnjat tai”.

Cau ling Sư đoàn 2 gam tàp ling.

            Kung kơnờm bơh bơta geh pơnrơ bơh “Mpồl ling krà` kơldang” bơh dùl Đại đội di Trung đoàn 1-Trung đoàn Ba Gia, Sư đoàn 2 neh geh dùl jai pha pơnrơ ngan. Mìng mờ 18 na\ cau ling, cau atbồ bơh đại đội neh chài jak ngan ngui bơnga\ he dê bơh Trung đoàn “Ba Gia” mờ Sư Đoàn 2 geh lơh  gơsơt jơh dùl tiểu đoàn bol sò tơm geh tus nđờ rhiang na\ cau sò tơm. Đại uý Trần Ngọc Thuận kuang atbồ gah gùng dra\ bal lài di bơh đại đội 6 di Tiểu đoàn 2, Trung đoàn 1, Sư đoàn 2, kah wơl, jat jơnau lam sồr bơh  cau hờ đang,  4 jiơ mho ngai 17/5/1970, tàm dà croh Cát, Đồi Tranh, Tây Nam Hiệp  Đức (Quảng Nam), ờ ua\ mpồl ling bơh Trung Đoàn Ba Gia  geh lơh bal cuh bơrtoh  phàu dùl ròt nàng gơsơt Tiểu đoàn 2, Trung đoàn 25, Sư đoàn 2 bơh  quân lực Việt Nam Cộng hoà. Bulah bè hơ\,  tus tu\ jiơ pơrgon mờ ờ go\ mpồl lơi  cuh phàu. Tàm tu\ hơ\, 18 na\ cau  bơh đại đội 6 bơh ồng Thuận atbồ neh tus anih tam lơh ơm ờm ngan tàm gùl bol sò tơm. Jơnau tu\ do gơbàn kal ke ngan taà 18 na\ cau ling neh pal kong mờ dùl Tiểu đoàn ling au tus nđờ rhiang na\. Đại uý Trần Ngọc Thuận kah wơl:“He neh mut tàm gùl cau ling cau bloh,  he pal pờ gùng mhàm  nàng geh lik lòt gơ. Ai kơp đại đội gam wơl di 17 na\, mờ a` tai la 18 na\, mờ jơh dùl Tiểu đoàn mbè he nàng  geh lơh. Tu\ mờ geh mut cuh phàu la ờ ngui phàu Ak, phàu grang ờ ngui mờ mìng ngui gar nat lơm”.

            La mpồl cau tờm ngan bơh mpồl  ling cơ động bơh Quân khu 5, Sư đoàn 2 neh sùm lơh geh jai pha broa\ lơh tàm làm tiah tam lơh. Jai pha Gùng 9 Nam Lào bơh bồ nam 1971 la dùl jai pha geh ai go\ ngan. Mờ broa\ lơh geh wàng se, geh ơm kơp lài, Sư đoàn 2 neh lơh jai pha Sư đoàn 1- Quân lực Việt Nam cộng hoà. Bơh hơ\, geh pơ gồp bal ala\ mpồl cau tờm  bơh ling klàng lơgar he geh lơh jai dơ\ tam lơh Lam Sơn 719 bơh bol sò tơm. Đại tá, cau ling khin cha jak chài bơh ling klàng làng bol Việt Nam Nguyễn Đức Chuyển, la kuang jat jơng cơldu\ quân báo Quân khu 5, mờ la kuang atbồ mpồl ling trinh sát  lài do Trung đoàn Bộ binh 1, Sư đoàn 2, tus bal dơ\ tam lơh gùng 9 Nam Lào, yal:“Ai kơrnuat tus tam lơh geh jai Lam Sơn 719 Nam Lào lài jơh la bơta geh đơs lài, geh đơs wơl bơta cau sò tơm di pal ngan bơh dà  lơgar, bơh Gah sền gàr dà lơgar.  Mut tàm broa\ lơh di bè bơta kờp du\, broa\ kờ` he dê. Mơ kung, dơ\ tam lơh do, bơta atbồ, đơng  lam bơh gah tề lam gùng 9 Nam Lào neh di pal mo, di ngan, dờp geh di pal bè bơta kờ` bơh bol sò tơm tu\ geh tus sơ gràm, tu\ lik dô. Bơh hơ\, geh ai bơh tu\ geh, ai tus jơh ala\ mpồl tus bal tam lơh, tam lơh di pal,  cau sò tơm ờ thàn trơ wơl tê,  he mhar geh jai pha”.

Ala\ cau ling lài do mờ cau ling pa gam pơlam tàp tàm tiah  ai tàp.

            Tơnơ\ geh jai pha tàm gùng 9 Nam Lào, Sư đoàn 2 gam  lơh geh jai pha tàm ala\ tiah tam lơh ndai bè: Tus tam lơh tơng klàs Đak Tô-Tân Cảnh (Kon Tum),  ngan la pôs đồng ling klàng pràn ngan bơh Quân lực Việt Nam Cộng hoà tàm đah tô Tây Nguyên, tus sò tơm bal mờ ala\ mpồl ling ndai tơng klàs Đà Nẵng mờ bồt Trường Sa…

            Sơrlèt gan 20 nam tam lơh tơng klàs jơi bơtìan, sền gàr dà lơgar mờ lơh broa\ lơh dunia tàm lơgar Campuchia, Sư đoàn 2  neh tus bal tàm rlau 20 dơ\ tam lơh, lơh geh di 3.400 dơ\ tam lơh dờng-dềt. Sư đoàn neh pơnỳơ ngan dờp geh khà jờng khin cha jak chài ling klàng phào crong làng bol. Tàm Sư đoàn geh 4 Trung đoàn, 8 Tiểu đoàn, 18 Đại đội mờ 18 na\ cau kung  geh jờng dờp geh khà jờng kuơ màng ngan do.

            Nhai 4 nam 1988 Sư đoàn 2 geh lơh pôs tàm [òn drà An Khê, càr Gia Lai, mpồng mut bơh broa\ lơh kuơ màng bơh Tây Nguyên mù tus tiah tàm gùl lơgar. Chồl guh bơhìan bơh Sư đoàn 2  dơ\ geh khà khin cha jka chài, cau kuang,  cau ling Sư đoàn 2 gam ngai pah ngai lơh ngan bơsram tàp, lơh geh Sư đoàn kràn pràn tơl làm nàng rcang lơh di bơta kờ` mờ lơh gơs jak ngan tơl broa\ lơh tàm tơngai pa. Đại tá Đoàn Văn Nhất kuang atbồ đơng lam Đảng ling klàng Bộ Binh 2, Quân khu 5, đơs: “Tàm tơngai kac màng pa,  nàng pơnjat tai chồl guh bơhìan bơh Sư đoàn khin cha jak chài, cau kuang, cau ling bơh Sư đoàn pơnjat tai mut lơh niam ala\ tơnggu me, bè: Sùm geh bơto bơtê, lơh geh  ơnà sa\ pràn gùng dra\ bal tus mpồl cau kuang, cau ling ala\ kơna\ nàng geh broa\ lơh kràn gùng dra\ bal, kơljap. Rcang dờp mờ lơh gơs niam ala\ broa\ lơh geh jào, ntàu tam lơh geh lơh ờ jai bơh ala\ broa\ jòi kai bơta gơlik geh  ngap lơngai, ntàu  lơh tung lơtang nàng ala\ rnàng bol pơrlơ\ dra\  mờ lơh gơbàn geh is, tam gơl is tàm mpồl cau kuang, cau ling bơh Sư đoàn”.

Ala\ cau ling lài do mờ cau ling kơnòm sa\ Sư đoàn 2, gam tam tìp tơr`a broa\.

            “Neh lòt pal tus, neh lơh pal jai” la broa\ sơnđan lơh kung la  broa\ lơh krà` kơldang ngan bơh Sư đoàn 2 neh pơ gồp lơh geh jai pha, ala\ pang pơnrơ  khin cha jak chài bơh ling klàng mờ làng bol he. Khà krà` kơldang bơh Sư đoàn gam pơnjat tai geh ala\ rnàng bơsram tàp nàng gàr geh bơhìan kơljap bơh Sư đoàn 2 dơ\ khin cha jak chài.

                                      Cau cih mờ yal tơnggit K’ Brọp.