VOV4.K’ho- Kơnhòal Dam Rong, càr Lâm Đồng là dùl tàm 62 kơnhòal r[ah geh dờp bơta dong kờl Broă lơh 30a bơh Chính phủ dê. Gùt kơnhòal geh 35 thôn, [òn kal ke ua\ ngan. Do kung là kơnhòal geh khà làng bol jơi bơtìan kòn cau ua\ ngan rlau jơh càr Lâm Đồng dê, mờ 8 rơbô 800 hìu bơnhă, geh mờr 75%. Lơh jat broă lơh dong kờl  lài ngan bơh Dà lơgar dê, tàm ală nam lài do, khà hìu bơnhă r[ah tàm do neh gơ mù ua\ ngan, rài kis làng bol sùm geh tam gơl pa mờ tơnguh ua\.

Ồng Triết Y Biêng ơm tàm thôn Păng Pế Dơng, xã Dà Rsal, kơnhòal Dam Rong, càr Lâm Đồng geh sền là dùl  nă “cau lơh cơng” bè bơta tam gơl krơi is ngan tàm tiah brê bơ nơm Dam Rong dê- tiah rềp nhàr bal đah 2 càr Lâm Đồng mờ Dak Lak. Nam do, neh rlau 75 sơ nam, mơya ồng kung gam kah ală ngai bòl glar kal ke ngan tàm ù tiah do dê. Bơh dùl nă kuang bàng lơh broă sền gròi ù tiah, ồng geh ai lòt bơsram, den hơ\ sồng lơh ua\ gơ noar broă krơi is tàm ală broă lơh chính trị bơh kơnhòal tus kơ nă hơ đơm dê. Ngan là tơ nơ\ tu\ at gơ noar broă Chủ tịch Ủy ban Mặt trận kơnhòal Lâm Hà, ồng geh sồr lơh Bí thư Đảng ủy xã Roh Men (tu\ do là xã Dà Rsal, kơnhòal Dam Rong dê). Tu\ jơh tơngai lơh broă, mờ bơta pin dờn mờ bơta jak chài bơh ồng dê, ồng Triết Y Biêng  geh làng bol tàm thôn Păng Pế Dơng pồ lơh Kra [òn. Ồng Triết Y Biêng đơs:

Lài do, xã Roh Men do r[ah lơ ời ua\ ngan. Tu\ ờ hềt geh gùng lòt, dùl gar boh kung pal lòt gan gùng brê jòng ngan, kal ke ngan nàng tus Lâm Hà, Lạc Dương hơ\ sồng geh. Tơ nơ\ do, Đảng, Dà lơgar sền gròi lơh gùng rơndeh dờng 27. Kơ nờm oh mi cau yoan ơm kis tàm bơr lu\ bal den làng bol bơsram g^t ală bơta pa, gơguh jak tàm rài kis, bè sơng ka sền gàr kơphê, tam tờm zơu ròng tu, tam tơngời geh tơn hào ua\, oh kòn geh g^t mờ ală bơta pa, gơguh jak rlau tai. Đảng, Dà lơgar neh lơh lài hìu bơsram tàm [òn, buơn boài ngan bloh, ngan là cau mè pal bơ to tơngkah oh kòn kòn sau tàm hìu pal lơh ngan bơsram sră. Đảng mờ Dà lơgar rềp ngan mờ làng bol, g^t wă làng bol, jơh ală bơta là tài bơh làng bol lơm. Tơl gùng dà broă lơh gùng lòt bơh Đảng, broă lơh adat boh lam bơh Dà lơgar dê geh lơh geh ngan ngồn bè ală broă lơh gùng lòt, hìu bơsram, hìu sơ nơm. Tu\ do, tu\ sền go\ rài kis làng bol dê ngan ngồn tam gơl, là dùl nă cau kra [òn, a` chờ hờp, chờ hờ` ngan mờ dùl nùs sùm pin dờn jat Đảng, Dà lơgar.

Broă lơh ròng tu tàm kơnhòal Dam Rong geh rề ơ nàng

“Đơs lòt bal mờ lơh broă”, bơta hơ\ neh tơngo\ tàm hìu mpàn bal hia\ bơh hìu bơnhă ồng Triết Y Biêng dê. Ồng lời dùl cơl du\ tàm nggùl hìu kuơ màng ngan nàng yồng bùng bi, rùp hìn Chủ tịch Hồ Chí Minh dê mờ ală sră bằng khen mờ ồng lơh geh tàm tơngai lơh broă. Rùp hin hơ\ tơngkah să tờm ồng mờ oh kòn kòn sau ồng dê sùm prap gàr bơhìan yau mờ kung pơn đơl pràn lơh ngan.

Bơh kơnhòal Lâm Hà mut tàm tiah sar lơgar ngài Liêng Srônh, kơnhòal Dam Rong lơh broă sa, ồng Cil Ha Kròng gơ gơs là cau pơn rơ jak cau lơh broă sa jak ngan tàm tiah làng bol kòn cau dê. Hìu bơnhă ồng tu\ do geh rlau 8 lồ kơ phê, pah nam tơnhào rlau 24 tấn kơ phê gar. Bơdìh mờ hơ\, hìu bơnhă ồng gam tam tàm bơr lu\ bal tờm sầu riêng, bơ mờ ròng phan poan jơng, iar, ơda. Kờp jơh pria\ lơh geh bơh hìu bơnhă ồng Cil Ha Kròng dê pah nam mờr 1 tơmàn đong. Đơs bè cồng nha lơh geh bơh he dê, ồng Cil Ha Kròng đơs là, kơ nờm bơsram g^t nùs nhơm “Tryang tryồng- Tềm pềr” bơh Bác Hồ dê, hơ\ là tryang tryồng lơh broă sa bơceh pa, mơ kung tềm pềr mờ ngui sa di pal. Cih dờp bơta hơ\, nam 2020 pa do, ồng Cil Ha Kròng chờ hờp ngan geh Chủ tịch Ủy ban Nhân dân càr Lâm Đồng pà sră jờng rơ tài bơh neh geh cồng nha jak ngan tàm broă lơh jat Chỉ thị sồ 05 bơh Bộ Chính trị dê bè “Lơh pràn bơsram mờ lơh jat nùs nhơm, bồ tơngoh mờ rài kis Hồ Chí Minh dê”  tơngai bơh nam 2016-2020. Ồng Cil Ha Kròng đơs:

A` chờ hờp ngan tu\ dờp geh sră jờng rơ do mơya kung gơ lơh basìl sơl tài bơh să tờm gơ lơh ờ hềt ngan ngồn di pal. A` dan hơ geh lơh ngan rlau tai tàm rài kis tơ nơ\ do dê. A` kơ\p kờ` jơh ală làng bol Việt Nam he dê, kung bè ală jơi bơtìan oh mi tàm Lâm Đồng do dê lơh jat krơh niam Bác Hồ dê, tam klăc bal dùl nùs. Kah kơ lôi dà kơl hề bơh Bác Hồ dê, bol he pal tam klăc dùl nùs bal bè jơnau nting tơngkah bơh Bác Hồ dê hơ\ là: bulah cau Yoan halà cau kòn cau, bulah kon cau  Prum jalà Rơđê, Jarai halà Bahnar, jơh ală cau tàm klăc bal. Pas halà r[ah kung kờ` gơ boh bal mờ dong kờl bal tàm rài kis. Di mờ jơnau kơ\p kờ` bơh Bác Hồ dê, bol he pal tam klăc bal nàng lơh rài kis do in ngai sơlơ  bơtàu tơnguh mờ lòt hơ đap.

Kơnhòal Dam Rong càr Lâm Đồng gam hời rơ hời lơh ngan brồ guh

Kơnhòal Dam Rong, càr Lâm Đồng là dùl tàm 62 kơnhòal r[ah geh dờp geh bơta dong kờl bơh Broă lơh 30a bơh Chính phủ dê. Tơ nơ\ 10 nam lam lơh jat Nghị quyết 30a bơh Chính phủ dê, broă lơh tơr mù r[ah bơh tiah do dê neh lơh geh ua\ cồng nha pal cih dờp ngan. Bơh nam 2009 tus nam 2020, kơnhòal geh kes pria\ dong kờl mờr 420 tơmàn đong nàng bơt bơtàu phan bơna. Kơ nờm bơh hơ\, ală gùng lòt tus ală gơl gùng tờm sền bal là neh lơh sir mờ lơh kơ\ kơl jap, jơh 8 xã geh gùng lă cài tus tàm anih tờm bơh xã dê. Bơdìh mờ hơ\, ală Tập đoàn, công ty, mpồl lơh sa kă bro gam dong kờl mờr 160 tơmàn đong, nàng bơt bơtàu phan bơna kuơ màng. Bal mờ hơ\, mờ ală khà pria\ bơcri krơi is, ală nam lài do, kơnhòal Dam Rong, càr Lâm Đồng gam dong kờl 717 nơm hìu ơm ai hìu bơnhă r[ah in mờ kờp jơh pria\ tă lơh mờr 16 tơmàn đong.

Bơta mpờl go\ ngan tàm tơngai lài do, là kơnhòal neh lơh jat niam broă bơtàu tơnguh nisơna, tơnguh kơ nòl broă tơr mù r[ah mhar mờ kơ\ kơl jap. Kơnhòal neh rơn dap broă dong kờl hìu ơm ai hìu bơnhă r[ah in, hìu bơnhă r[ah làng bol jơi bơtìan kòn cau in lơh sa, ròng phan, tam phan mờ lơh ua\ broă lơh tơr mù r[ah, mờ pria\ tă lơh mờr 7 tơmàn đong, tàm hơ\ geh: 2 broă lơh [làng sre dờng lơh tơr lòng lài tàm xã Dà Mròng, 2 broă lơh tam bơ sềt tồr mèo mờ 27 broă lơh ròng be bách thảo, bal mờ ală broă lơh tam plai bung kơl tau tơlir, tàm tờm zơu ròng tu, tam mờ tam jo\ nam kơ phê bơkiar, tờm sầu riêng, tam tàm bơr lu\ bal mờ tờm mắc ca… ai 365 hìu bơnhă in, ală broă lơh do gam cèng wơl cồng nha lơh sa ua\. Dilah bè nam 2016, khà hìu bơnhă r[ah tàm kơnhòal Dam Rong dê geh tus 37% den tu\ do mìng gam hơ đơm 12% lơm.

Cau cih Lơ Mu K’ Yến – Cau mblàng K’ Hạnh