VOV4.K’ho – {òn nhơl chờ mpồl bơtiàn Sin Súi Hồ, kơ nhoàl Phong Thổ, càr Lai Châu là dùl anih nhơl chờ pa, lơh gơkờn ngan cau tài bơh bơta niam ngan bơh ù tiah [òn lơgar brê bơnơm geh is gam bè ờs bơh yau, ală hìu geh lơh pồn pơndơ\p tàm chàr bơnơm ơn prăp ală bơta kuơ chài rơgơi niam bơne\ ngan. Mìng kờn tus dùl dơ\ lơm, bơyô digơlan kờn lòt còp tai bal mờ ală kòn bơnus geh nùs nhơm song dơ pă, mềr năc mờ broă lơh nhơl chờ mờng chài ngan bơh làng bol cau Mông tàm tiah do dê.

Ngài mờ [òn dờng Lai Châu 35 kơi sồ, ơm lờt hờt tềng hơđang bơnơm jơnhoa 1400 thơk pơndrờm mờ mat dà lềng, ntum Sin Súi Hồ, kơnhoàl Phong Thổ, càr Lai Châu, đơs jat dà kòn cau tàm tiah do dê là Dà croh geh biàng, là dùl [òn kòn cau Mông ơm kis bơh jo\ rài ngan.

Tàm khà mờr 100 [òn nhơl chờ mpồl bơtiàn geh bơh rlau 10 nam do tàm tiah kơh bơnơm đah tô mat tơngai mu\t dà lơgar, Sin Súi Hồ pa geh dờp bơh nhai 6 nam lài. Jak ngan bè bơta mờng chài tàm broă lơh mơya kung gam sền gàr geh bơta niam bơne\ ngan bơh [òn nhơl chờ mpồl bơtiàn Sin Súi Hồ là tềng k[àng lơh mờ jàl jù kèp mờ 2 nrang gle tàm mpồng mu\t hờ [òn geh sèng akhar sềr tàn mờ che drang “Anih nhơl chờ mpồl bơtiàn, [òn Sin Súi Hồ”.

Tàm Sin Súi Hồ, mat cau tờm hìu tu\ lơi kung geh cih tềng pang k[àng lơh mờ dơm chi tềng đap mpồng, halà tềng đah mpồng dờng tềng gùng bal mờ ală tơngume mờ năc lòt còp kờn gi\t bè sồ điền thoại, geh Wi-Fi…crăp mờ lu\ dềt bò, halà che rơyah pồt gơklồn gơ gơs akhar.

Tàm gùng lòt tus [òn Sin Súi Hồ, năc lòt nhơl sền go\ dùl tiah lơh drà bơh làng bol cau Mông dê, tăc uă ngan bơta phan pơn rơ is bơh kòn cau he dê, bè: sur mán, [ang sràt, mbar, tơngời, thảo quả, ồi mbơn, àu mpha, chèu kòn cau…Tàm trồ tiah geh mhual bò uă ngan, jat gùng lòt tus hờ [òn, kềng 2 gah gùng lòt halà tềng hơđơm ală tờm chi dờng là ală sơvàk bơkàu tòng ù niam ngan lơh bơ yô gơlơh bè mu\t hi\u tàm tiah bềng bơkàu lơm tàm tiah brê bơnơm đah tô mat tơngai mu\t dà lơgar dê. Lòt nhơl nàng gi\t bè bơta chài rơgơi, dơ\ lơh chờ bơh cau Mông dê là jơnau lơh uă năc lòt nhơl in kờn ngan. Bi Vàng A Lai, cau Mông ơm tàm [òn Sin Súi Hồ pơ`ìơ să đơs bè bơta chài rơgơi bơh kòn cau he dê bè do: “Rơkèl, kơl wào là bơhiàn chài rơgơi bơh yau krơi is ngan bơh cau Mông dê. Rơkèl cau klau cau ùr ngui di lơm tu\ hòi bơ yô là bơhiàn chài rơgơi is bơh cau Mông dê ”

Bàr pe nam rềp ndo, broă nhơl chờ ơm sa bal tàm hìu làng bol bơtàu tơnguh uă ngan. Năc lòt nhơl geh sa ală phan sa bơh làng bol tru\ gơm is bè puăc sur tam bà, biăp brê ală bơta, [ang sràt, biăp nha bùm blàng…Gơ wèt mờ ală năc lòt nhơl kờn gi\t, lòt sền bơta chài rơgơi gơ rềng tus bơta niam chài tru\ gơm phan sa, ală bơta tam ya, săp ntas uh rơkèl, jơnau đơs pơnđick bơh cau Mông dê, cau tờm hìu să tờm tơn bơto pơlam năc lòt nhơl in bơtê lơh. Tàm ală ngai geh gal năc lòt còp, làng bol tàm [òn geh lơh đơs crih tam ya nàng wa\ rò năc. Bi Vàng A Chỉnh kuang atbồ [òn Sin Súi Hồ, pà gi\t: Jơh ală [òn geh rlau 100 hìu làng bol, den geh 6 hìu lơh nhơl ơm sa bal mờ làng bol, tơl hìu drơng bơh 8 tus 10 nă năc pah ngai. Hìu lơi kung geh internet lơm, geh hìu jă brê ờ [ơ\ [ơl rơcang drơng năc in. Broă lơh do neh lơh geh priă jền sùm ai làng bol in: “Bơh tu\ lơh nhơl chờ là hìu bơnhă a` bơtàu tơnguh rlau, pơn yơu bè priă ròng kòn lòt bơsram geh tơl rlau. Lơh nhơl chờ he drơng geh năc in ngai sơlơ gal, dùl mang khà priă tàm do là 80 rbô đong dùl nă. Lài mờ tu\ lơh broă nhơl chờ, hìu bơnhă a` geh Anih duh broă làng bol càr bơto pơlam 2 ơdu\ mờ tàm [òn là 1 ơdu\. Tu\ do a` neh bơsram geh den a` neh gơtùi lơh broă nhơl chờ. Tu\ do, làng bol sền go\ jơh tơl nă cau tàm [òn lơh broă nhơl chờ, wa\ rò năc niam ngan”.

Đơs bè tiah nhơl chờ mpồl bơtiàn Sin Súi Hồ, ồng Lê Quang Minh kuang atbồ Cơldu\ lơh broă nhơl chờ Gah chài rơ gơi tàp pràn să jan mờ nhơl chờ càr Lai Châu, pà gi\t: Tài bơh jơh ală hìu làng bol tàm do ndrờm là cau Mông lơm, đơs, cih mờ dà Mông là uă ngan, den tàng rài kis khi dê là jơh dùl jơnau yal nàng năc lòt nhơl in kờn gi\t. Bơta lơh gơkờn ngan năc lòt nhơl tàm do là broă tam bơkàu tòng ù, lơh thảo quả, tàn ồi, phan lời kir sơnra mờ dơm chi halà mờ đơr, gle…Gah chài rơgơi, tàp pràn să jan mờ nhơl chờ càr Lai Châu gam geh broă dong kờl bè broă lơh mờng chài nàng làng bol cau Mông in lơh broă nhơl chờ. “Tus nam tơnơ\ geh dong kờl bàr pe phan ngui tru\ gơm phan sa, jà cau pơgru bơto ơn pơdơng ỳơ phan sa. Tu\ do, làng bol ờ hềt duh pal tă priă dia ờ. Dilah lòt tus nhrjùh dà Trái Tim tàm [òn Sin Súi Hồ nàng lòt sền brê bơnơm dờng gam bè ờs bơh yau, năc lòt nhơl mìng pal blơi ve\ 10 rbô đong lơm, kung là nàng làng bol cau Mông tàm do geh tai priă jền lơh kloh niam tiah ơm kis. Bol a` kờn Sin Súi Hồ gàr geh bơta chài rơgơi kòn cau Mông dê, ờ gơtìp bơtàu tơnguh gơ jă gơ jal ir, kă bro uă ir”.

Càr Lai Châu neh geh broă lơh dong làng bol càn priă ờ sa priă cồng uă lơh broă nhơl chờ, pơn jat tai dong kờl bơto pơlam bơta mờng chài tàm broă lơh ai cau lơh broă nhơl chờ mpồl bơtiàn in. Rơcang tàm nam do geh bơcri 180 tơmàn priă lơh ơnàng gùng lòt bơh Lai Châu tus Sin Súi Hồ, lơh geh jơnau kờn lòt rê bơh năc lòt nhơl dê. Tu\ hơ\, Sin Súi Hồ geh gơ gơs là anih nhơl chờ mpồl bơtiàn lơh gơkờn ngan năc lòt nhơl bơh tiah rềp tiah ngài!

          Cau cih mờ yal tơngi\t- Lơ Mu K’ Yến