Mùl màl tàm càr Kon Tum, do là tiah geh khà gơtìm brê uă ngan Tây Nguyên dê pà go\, tơnguh uă priă geh, pờ ơnàng ală broă lơh sa mờ rài kis ai mpồl bơtiàn kis rềp mờ brê in, là broă lơh niam ngan, geh cồng nha ngan.

Cau ai tơng^t jơnau đơs Việt Nam geh yal ờ uă tam gơl lài ngan tàm xã Đăk Psi, kơnhoàl Đăk Hà, do là tiah gơtùi sền là tiah lam lài nàng rài kis bơh brê bal mờ rài kis [òn lơgar gơs dùl bơta sinh thái kơl jăp.

{òn Krong Duôn, xã Đăk Psi geh mờr 100 hìu, ơm kis tàm ală bồ bơnơm lơyah jăt gah gùng bơh xã Đăk Đrinh-Đăk Psi. Ntào tềng gah gùng iăt kơno dà hòr soào soào bơh rơbòng dà lòt gan [òn hòr bơh brê tô dà tus tàm [làng sre đah jum thòng dê.

                                            Dùl bă brê tô dà geh tơm priă sền gàr tiah kis brê

Dà sàng niam gùt nam gam dong kờl làng bol [uơn tàm broă bơcri priă tai tus mờ broă lơh sa kă bro pa.

Bè bi A Điện, neh wah dà bơh rơbòng kờ` tus tàm suơn hìu nàng tuh dà phan tam in mờ ròng iar, ơda bal mờ jơrke sơntìl pa. Bi A Điện yal, broă lơh pa là geh xã bơto sồr, priă lơh là geh kes priă rài kis lơh sa brê bơnơm [òn ai càn:

-Tơngai do a` neh lơh wàng nàng ròng phan. Mờ broă lơh do, lài ngan là dong kờl a` tam gơl broă lơh sa, kơ\p kờ` rài kis geh riong niam mờ tơnguh uă priă ai hìu nhă in.

Jơh ală khà priă do a` ndrờm bơcri lơh wàng, lơh pơngàr gùt dar mờ blơi sơntìl... jơh 13 tơlăk priă. Do là priă geh [òn ai a` càn mờ ai tơl bơta niam a` in lơh jăt broă ròng jơrke do.

Đăk Psi geh 5 [òn mờ 470 hìu dờp sền gàr mờr 6 rơbô 500 lồ brê, pah nam dờp geh mờr 5 tơmàn đong priă bơh broă sền gàr tiah kis brê. Tàm hơ\, geh 470 hìu dờp tơn rơlao 3 tơmàn 500 tơlăk đong. 5 [òn dờp 1 tơmàn 500 tơlăk đong. 30% tàm khà do, ndrờm mờ rơlao 400 tơlăk đong pah nam, neh geh ală mpồl lơh broă ngui nàng lơh kes priă, ai ală hìu tàm [òn in càn nàng rề ơnàng broă lơh sa.

         Ròng ơda, ơda siam bal mờ jơrke sơntìl pa là ală broă lơh sơnrờp ngan bơh kes priă lơh broă sa ală [òn tàm xã Đăk Psi dê

Lo\ Lê Thị Loan, kis tàm [òn 3 pà g^t bơta niam bơph kes priă là tơm priă cồng ờ uă, pah dơ\ càn ndrờm geh bơsram tàp den tàng ală cau tàm mpồl iang nùs bơcri priă:

-Bè a` den a` ờ kơ\p mờ broă càn geh priă pa blơi jơrke mờ a` neh lòt blơi lài. Den tàng, tus tàm tu\ geh càn priă pơgăp mờ do rơlao 1 nhai den mpồl jơrke hìu a` neh dờng mờr 40 k^ tàm 1 nơm. Bè hơ\, den tàng di gơlan là tàm nam do a` tăc geh, geh priă nàng tơm wơl [òn in.

Đăk Psi là xã geh uă brê ngan kơnhoàl Đak Hà dê, mờ mờr 25 rơbô lồ brê mờ ù brê. Do kung là dùl tàm ală tiah geh pơnrơ ngan tàm broă jào brê ai mpồl bơtiàn mờ geh uă bơta rài kis broă lơh sa bơh brê dê.

Tu\ do, bơdìh mờ priă geh bơh lơh sre, mìr, priă sền gàr tiah kis brê, tơl pah nam ală [òn tàm xã geh di pơgăp 400 tấn [ăng gle ris, geh di pơgăp 2 tơmàn 500 tơlăk đong bal mờ uă phan brê ndai. Mìng is [ang gle Đăk Psi gam geh lơh gơs phan OCOP xã dê.

Lo\ Lương Thị Kiều Nga, dùl nă cau kă bro kis tàm [òn Kon Kơ La, xã Đăk Psi pà g^t, ală hìu kă bro lơi tàm xã kung blơi [ang ris, lơh, ìs ra` mờ tăc cau tus blơi in. Ală nam lài, ală hìu neh cau lơi kung lơh lơm mờ ală phan geh lơh ndrờm geh tàm bơta ờ geh khà măt phan kă bro, geh tăc mờ ală cau tus blơi, den tàng khà priă tăc ờ kas.

Geh nam, [ang ro geh bơh 200 rơbô đong tàm 1 k^, mơya kung geh nam mìng geh 120 rơbô đong tàm 1 k^. Bè nam 2019 pa do, tu\ [ang gle Đăk Psi geh khà măt phan kă bro, lơh gơs phan ngui sa geh tàm tiah do, ală cau tus blơi bè lo\ Nga neh sền go\ mờ broă lơh pa di gùng dà rơlao:

-Broă lơh phan sa bơh [ang gle do den tàm xã rơ\p ai bơh nam lài do, den tàng bol a` kung ờ hềt wă uă sơl. Tus do, tu\ neh wă den bol a` geh rơhời lơh mờ bol a` tăc tus tàm ală [òn dờng.

Jăt ồng Phan Văn Học, Phó Chủ tịch UBND xã Đăk Psi yal, cồng nha pờ ơnàng broă lơh sa mờ brê bơh ală mpồl bơtiàn tàm xã mìng rơ\p lơh lài ngan, mơya neh ai go\ cồng nha loh làng ngan. Khà cau sơgràm mờ brê gơmù uă ngan mờ geh ờ uă bă mìr neh geh lời gơs brê wơl:

-Tu\ do, bă ù brê kờ` ngui nàng lơh mìr mờ tòm chi brê geh hòn wơl, den làng bol lời nàng gơs brê tơn ờ geh mus tai. Tàm nam pa do den xã neh sền wơl ờ uă tiah. Bè tềng đăp uỷ ban, tàm dòr đah ne, bi go\ kung geh rơlao 10 lồ brê neh hòn is.

Lồi nam do geh jà kes priă sền gàr brê càr tus nàng sền, di lah tơl bơta den geh ai tàm mpồl geh tơm priă sền gàr tiah kis brê, jào ai mpồl bơtiàn [òn lơgar rềp tềng hơ\ in nàng sền gàr.

Priă sền gàr tiah kis brê dong kờl tơnguh priă geh tàm rài kis, kes priă lơh sa mờ brê mpồl bơtiàn dong kờpl ală hìu pờ ơnàng bơto sồr lơh sa kă bro, phan geh lơh bơh brê gơs phan sa geh khà măt phan kă bro mờ ală bă mìr neh geh lời wơl nàng gơs brê… gam là broă lam lơh chờ hờp ngan ai broă sền gàr tơnguh bơtàu brê tàm xã Đăk Psi dê.

Gùng dà broă lơh do gam pơn jăt tai geh lơh uă mờ geh cồng nha tai tu\ geh broă tus bal bơh ală mpồl lơh sa kă bro, mờ ală broă sền gròi tam tòm dổi, tòm ươi nàng sa gar mờ ai chi. Mpồl lơh sa kă bro lam lài [òn lơgar lơh jăt bal, bơta kuơ bơh brê di gơlan geh pờ ơnàng, tơnguh uă; rài kis mpồl bơtiàn bal mờ rài kis bơh brê geh gơs dùl bơta sinh thái đềt mềr bal mờ ngai sơlơ hòn gơs niam mờ kơl jăp.

Cau cih Đình Tuấn-Cau mblàng Ndong Brawl