VOV4.K’ho - Tu\ gam kis, Bác Hồ neh geh tu\ đơs “Nàng đơng lam bồ kac màng, Đảng pal pràn kơldăng. Đảng pràn kơldăng là bơh mpồl duh broă niam. Mpồl duh broă niam là bơh cau geh Đảng niam”. Nùs nhơm Bác Hồ dê neh geh ai ngui tàm broă lơh bơt bơtàu Đảng tàm 85 nam do. Mơya kung gam bơta sa kuề sa kùa, ờ niam bè nùs nhơm gùng dră bal, ơnà kis tàm ờ uă kuang bàng, cau geh Đảng. bơta geh ngan do kờ` pal tơnguh jơnbhua bơta pràn jak đơng lam bồ mờ bơta pràn lơh broă Đảng dê, lài ngan mờ sơn đờm bơh broă lơh bơt bơtàu mpồl cau geh Đảng ngan ngồn geh bơta niam, rềp mềr mờ làng bol.

Tơ nơ\ 10 nam crơng gơs bơh nam 2005-2015, bal mờ gơnuar atbồ, ală mpồl lơh broă, mpồl Đảng sơnah bòn Dịch Vọng Hậu, kơnhoàl Cầu Giấy, bòn dờng Hà Nội geh lơh kơ\ kơl jăp, ngai sơlơ brồ guh gơnuar broă rềp mềl ngan tus mờ rài kis bơh làng bol dê. Mờ jơnau đơs “Cau geh Đảng lòt lài, làng bol bòn lơgar jăt tơ nơ\”, ồng Thái Ngọc Oanh kuang atbồ Mpồl Đảng 14, sơnah bòn Dịch Vọng Hậu pà gi\t: mpồl cau geh Đảng tàm do là ală cau kuơmàng ngan dong sơnah bòn Dịch Vọng Hậu gơ gơs là mpồl lam bồ lài tàm srơh “ Gùt làng bol tam klăc bal bơ\t bơtàu rài kis ngăc ngar jak chài tàm tiah ơm kis”, sền gàr bơta ngăp lơngai gùng dră bal kơ\ kơl jăp, ờ gam hìu rbah, tiah ơm kis geh sền gàr kloh niam. Ồng Thái Ngọc Oanh, đơs:“Ală dơ\ pơrjum Đảng sùm đơs uă tàm ală bơta gơ rềng tus tus mờ rài kis bơh làng bol dê tàm bòn lơgar. Pơnyơu bè geh ală cau lơh sơ nơm tàm gah lơh sơ nơm, ală kuăng bàng dong kờl bơto pơlam, kham sơm kòp ai tơl nă cau in; halà ală cau lơi geh bơta pràn den kung tus bal tàm ală srơh bơ\t bơtàu bòn lơgar niam sàng kloh, loh kloh niam gùng lòt tàm bòn, kung bè bơ\t bơtàu làng bol bòn lơgar bơh mpồl làng bol bòn drà dê geh bơta tam klăc, tàm dong kờl bal, wa\ wờng bal mờ tam pà bal mờ gơ\p. Mpồl đơng lam Đảng geh bơta ring bal, tam klăc bal den hơ\ sồng lơh geh bơta pràn, den hơ\ sồng đơng lam geh làng bol bòn lơgar, tàm tiah làng bol ơm kis bơh he dê”.

Dilah ờ geh ală cau geh Đảng jơh nùs jơh tồr mờ broă lơh, gi\t kơlôi rcăng ai làng bol in, den bulah geh uă kơr nuăt sồr, kơr nuăt đơng lam den kung kal ke ngan gơtùi mu\t ngui tàm rài kis. Bơta geh ngan, neh geh ờ dùl ê\t cau geh Đảng đơs krơi, mơya tu\ lơh den krơi. Khi blàng yal den jak ngan, niam ngan, mơya lơh den ờ gơtùi, lơh gơlik bơta tàm gơ jra` tàm làng bol bòn lơgar. Ờ mìng tàm mpồl cau kuăng bàng geh gơnuar broă hơ\ sồng geh ală bơta gơ tơngo\ geh nùs nhơm lơh broă ờ niam, ờ ơm rềp mờ làng bol, mờ tàm cau geh Đảng bè ờs tơn tàm tiah do, tiah ne, tàm tu\ do, tu\ ndai…kung geh ală bơta gơ tơngo\ ờ rềp mềl mờ làng bol, lơh roh bơta pin dờn bơh làng bol dê. Ồng Phạm Đức Lượng kuang jăt jơng atbồ Mpồl sền sơ wì păng bău Nhân dân lài do, đơs la: mpồl cau geh Đảng tu\ do tàm lơgar he gal mơya ờ hềt ngan ngồn pràn, ờ hềt brồ guh geh jơh gơnuar broă bơh rlau 4 tơlăc nă cau geh Đảng dê tàm broă lơh bơ\t bơtàu, bơtàu tơnguh dà lơgar. Bè jơnau bơh tài gơbàn bơta geh ngan do, ồng Lượng, đơs: “Geh dùl bơnah kwi kwơ tàm broă lơh bơ\t bơtàu Đảng. Să tờm cau geh Đảng kung să tờm is nùs nhơm ờ geh niam tai, ờ brồ guh geh jơh gơnuar broă bơh he dê. Mờ cau geh Đảng là pal là cau tàm khăt tiah lơi pal geh gơnuar broă tàm làng bol, tam klăc rềp mềl mờ làng bol. Tài làng bol crơng gơs Đảng. Jơi bơtiàn khin cha jak chài crơng gơs Đảng lam lài. Đảng pal gơ jăt mờ làng bol, tài làng bol mờ ờ go\ di là pal tài bơh să tờm gơ dê ờ. Bal mờ bơta kuơ tus mờ jơtiàn, Đảng he ờ geh bơta kuơ lơi ndai tai. Ai ală cau lơi tài bơh bơta kuơ să tờm is, gah mpồl dê mờ hi\u te\ jơnau hơ\ den ờ di là cau cộng sản ờ. Cau cộng sản tu\ lơi kung pal tài bơh làng bol”.

Bơta geh ngan ai go\, Đảng pràn là kơnờm bơta pràn kơldăng kơ\ kơl jăp bơh ală mpồl Đảng, bơta sàng kloh, pràn kơldăng kơ\ kơl jăp bơh mpồl kuăng bàng, cau geh Đảng dê mờ bơta tàm gơ rềng đềt mềr, sùm sùm bơh Đảng dê tus mờ làng bol. Jăt Phó giáo sư, Tiến sĩ Nguyễn Minh Tuấn kuang atbồ Anih kơlôi sơ nơng bơ\t bơtau Đảng, hìu bơsram dờng gùng dră bal dà lơgar Hồ Chí Minh, nàng lơh niam bơta tơnguh jơnhoa cồng nha mpồl kuăng bàng, cau geh Đảng, den tơl nă cau geh đảng ngan là kờn pal lơh niam nùs nhơm geh kơ nòl tàm broă lơh, brồ guh nùs nhơm lam lài, lơh lài bơh să tờm he dê:“ Cồng nha mpồl cau geh Đảng ờ gơ jăt tàm bơta geh uă halà dùl ết cau ờ. Den tàng lơh ngan ờ ntoăt jăt khà mìng gơ lơm, mờ pal sền gròi tus cồng nha cau mờ bol he tơmu\t Đảng. Cồng nha tàm do geh gi\t là cồng nha bè bồ tơngoh jak, nùs nhơm gùng dră bal, bơta dùl nùs mờ gùng dà broă lơh bơh Đảng, kơr nuăt boh lam dà lơgar dê. Mơkung khi pal la cau lam lài, lơh lài tàm uă broă, ngan là broă mut lơh kơ nòl broă gùng dră bal bơh bòn lơgar dê, broă lơh jăt kơrnuat boh lam, lam lài tàm làng bol bòn lơgar, tàm hìu bơnhă. Hơ\ là ală jơnau kràn ngan bơh tơmut Đảng cau in, kờn lơh geh cồng nha”.

Cau geh Đảng pal kis tài bơh làng bol, jơh nùs jơh tồr mờ làng bol, tài làng bol mờ drơng broă. Hơ\ kung là jơnau bơsram mờng chài ai geh bơh 85 nam bơ\t bơtàu mờ bơtàu tơnguh bơh Đảng dê.

                                                            }au mblàng Lơ Mu K’ Yến.