VOV4.K’ho – Tàm [òn dờng Dà Làc, càr Lâm Đồng pa geh bơyai lơh pơrjum sền wơl mut ngui adat Hợp tác xã nam 2012 tàm gah lơh sa suơn sre tiah Tây Nguyên mờ tiah kềng gah dà lềng đah jum tàm gùl lơgar. Pơrjum bơh Phó Thủ tướng Chính phủ Vương Đình Huệ, kuang atbồ mpồl đơng lam tam gơl pa, bơtàu tơnguh lơh sa bal đơng lam, geh bơta tus bal bơh ala mat ală gah, sơnah lơh broă dà lơgar, gơ noar atbồ tàm [òn lơgar, ală Hợp tác xã mờ mpồl lơh sa kă bro:

Jat jơnau yal tàm pơrjum, bơh 4 nam mut ngui adat Hợp tác xã, ală Hợp tác xã tàm gah lơh sa suơn sre tiah Tây Nguyên mờ tiah kềng gah dà lềng đah jum tàm gùl lơgar neh geh ală tam gơl niam ngan, ngan là ală Hợp tác xã jat broă lơh pa, di mờ jơnau kờ` rơndap sap sèng wơl gah lơh sa suơn sre mờ bơt bơtàu [òn lơgar pa. Tàm hơ\, uă Hợp tác xã mut ngui kỹ thuật công nghệ cao tàm broă lơh sa, công nghệ prap gàr tơ nơ\ mờ tu\ tơnhàu, mơkung sền gròi broă lơh sa gơ jat bal mờ phan bơna tờm ngan bơh bă tiah dê, mut lơh tam klac jat ròt bơta kuơ, rề ơnàng drà kă bro blơi phan lơh gơs, tơnguh cồng nha lơh broă bơh Hợp tác xã dê.

Ngan ngồn mut ngui adat Hợp tác xã nam 2012 kung ai go\ uă bơta kal ke mờ ờ niam, hơ\ là: ală sră nggal crơng gơs Hợp tác xã gam kal ke, ală sră nggal pơlam mut ngui gam ờ hềt loh làng, jơnau cih bè khà tac phan bơna, broă drơng ala ai cau nac ờ di là cau geh jơng tàm Hợp tác xã ờ dipal lơh kòl yan tus broă lơh, ờ hềt geh jơnau pơlam bè khà mờ sră nggal dong kờl bơcri priă bơtàu tơnguh phan bơna ai Hợp tác xã lơh sa suơn sre in. Kuơ màng, uă ngan ală Hợp tác xã ndrờm ờ tơl priă bơcri lơh sa kă bro, ờ tơl bơta pơlam bơh mpồl kuang bàng kỹ thuật mờ pràn jak đơng pơlam ờ hềt tơl jat jơnau kờ`… Do là ală bơta kòl yan dờng ngan lơh broă mut ngui adat Hợp tác xã nam 2012 tàm Tây Nguyên mờ tiah kềng gah dà lềng đah jum tàm gùl lơgar ờ lơh geh cồng nha uă.

Kờ` bơsong ală bơta kal ke, ờ niam, pơrjum kung neh lời tu\ tơngai nàng cribơyai, mblàng mờ ai tơlik uă broă lơh. Jat ồng Trần Châu, Phó Chủ tịch UBND càr Bình Định, bơdìh mờ priă càn, bơta kal ke ngan rlau jơh tu\ do bơh ală Hợp tác xã dê là jơnau kờ` bè ù tiah nàng bơtàu tơnguh. Ồng đơs: “Pal đơs là bơh tu\ geh broă lơh tam gơl pa jat adat Hợp tác xã den kal ke ngan rlau jơh bơh ală Hợp tác xã dê là bơta ù tiah. Đơs bè ù lơh sa den lơh tềng lơi ndrờm pal ơpah, den tàng broă rề ơnàng broă lơh sa, rề ơnàng broă lơh bơh ală Hợp tác xã dê gơtìp uă ngan kal ke. Den tàng, bol a` dan Chính phủ pal geh broă dong kờl ală Hợp tác xã lơh sa suơn sre in bè bơtàu tơnguh ù tiah, pal geh broă lơh bal nàng dong kờl ù Hợp tác xã in.”

Đơs tàm pơrjum, Phó Thủ tướng Chính phủ Vương Đình Huệ đơs tờm, broă bơtàu tơnguh Hợp tác xã mờ bơta mpồl bal tàm Tây Nguyên mờ tiah kềng gah dà lềng đah jum tàm gùl lơgar gam uă ngan bơta ờ niam, khà Hợp tác xã geh khà tơl dùl êt ngan pơn drờm mờ gùt lơgar. Khà Hợp tác xã gùt tiah do mìng geh 11,8% pơn drờm mờ khà Hợp tác xã tàm gùt lơgar, tàm hơ\ mìng geh 16,5% Hợp tác xã tam klac mờ mpồl lơh sa kă bro, 1/3 phan bơna lơh gơs bơh suơn sre tac uă ngan là bơh cau kă bro mờ khà priă tac lơyah rlau 2/3 pơn drờm mờ drà kă bro.

Den tàng, nàng chul chồl Hợp tác xã jat broă lơh pa pal chồl prà broă mblàng yal, tơnguh jơnhua git wă ai gùt mpồl lơh broă chính trị, cau geh Đảng mờ cau lơh broă sa in bè bơngă, gơ noar bơh Hợp tác xã jat broă lơh pa dê. Bal mờ hơ\, broă bơtàu tơnguh mpồl lơh broă kờ` mut lơh geh cồng nha rơndap sap sèng wơl gah lơh sa suơn sre kung pal geh sền gròi. Phó Thủ tướng Vương Đình Huệ tơngkah ală gah, sơnah lơh broă dà lơgar mờ ală tiah pal tơr gùm bơsong ală bơta ờ niam, kòl yan tàm broă mut ngui adat Hợp tác xã, bơsong jơh ală Hợp tác xã cih mat tam gơl mờ ală Hợp tác xã neh ơm ờ lơh broă nàng ai ală Hợp tác xã jat broă lơh pa in geh crơng gơs. “A` sồr ală càr, ală gah, sơnah lơh broă dà lơgar tơr gùm bơsong nàng bơtàu tơnguh Hợp tác xã jat 2 bơta dờng nàng bơsong ală bơta kòl yan, kal ke: lài ngan là bơta càn priă, ù tiah; dơ\ 2 là tơnguh pràn jak đơng lam bồ bơh ală Hợp tác xã dê, tơr gùm tàm broă bơ to bơtê, pơlam kuang bàng. Mơkung pơnjat tai lơh sir kơrnuat dong kờl mờ ală sră nggal pơlam mut ngui adat Hợp tác xã, geh kờp sền nàng tơlik jơnau pơlam mut ngui adat Hợp tác xã tu\ do gơ in dipal. Hơ\ sồng pơnjat tai broă rơndap lơh, sră nggal tam gơl Hợp tác xã gơs mpồl lơh broă ndai; pal bơ tơl tai broă dong kờl prap gàr tơ nơ\ tơnhàu, mut ngui công nghệ cao, ngui ală khà tơl bè ờ do ờ dă phan sa tàm adat Hợp tác xã.”

Phó Thủ tướng Chính phủ Vương Đình Huệ kung đơng lam ală gah, sơnah lơh broă dà lơgar mờ ală càr sơlơ tơnguh rlau tai broă atbồ dà lơgar, ngan là bơtàu tơnguh bơngă atbồ bơh Mpồl đơng lam lơh sa bal mờ Hợp tác xã tàm [òn lơgar, kờ` lơh geh bơta tam gơl niam mờ loh làng ai bơtàu tơnguh lơh sa bal mờ Hợp tác xã in tàm tơngai tus.

                                                              Cau cih mờ yal tơnggit K’Duẩn