VOV4.K’ho – Drim òr, 31/8, tàm Hà Nội, mpồl ơruh pơnu Cộng sản Hồ Chí Minh dà lơgar, Anih tờm bơtàu tơnguh Khoa học công nghệ mờ jak chài kơnòm să mpồl ơruh pơnu dà lơgar bơyai lơh cribơyai rơndap broă kuơ màng bơtàu tơnguh jak chài kơnòm să dà lơgar tàm tơngai mut gơrờm bal dunia. Tàm dơ\ cribơyai, ală kuang bàng neh cribơyai uă bơta gơ rềng tus broă lơh bơtàu tơnguh pràn jak, ringbal uă bè bơngă mờ ală tă pơgồp bơh ală jak chài kơnòm să dà lơgar in, kuơ màng tàm tơngai mut gơrờm bal dunia tu\ do. Bơh ală bơta cribơyai, ồng Nguyễn Long Hải kuang atbồ mpồl ơruh pơnu dà lơgar pà git, ală jơnau đơs tàm dơ\ cribơyai do geh dong crơng gơs jơnau bơceh bơt bơtàu rơndap broă kuơ màng bơtàu tơnguh ai jak chài kơnòm să in. Do kung là bơnàng jă nàng mpồl ơruh pơnu dà lơgar cribơyai mờ Đảng, dà lơgar ai tơlik ală broă lơh dong chồl pràn broă lơh jak chài kơnòm să tàm tơngai tus.

               Cau cih mờ yal tơnggit K’ Duẩn.