VOV4.K’ho - “Bơto cau lơh broă, ai broă lơh tàm [òn in pal pơgồp bal mờ broă bơ\t bơtàu tai gah lơh sa suơn sre, tàm hơ\ pal tơrgùm bơto cau lơh broă ai broă lơh sa suơn sre công nghệ cao in”.

Do là jơnau đơs geh uă kuang bàng ai tơl^k tàm pơrjum tam jào broă lơh “Bơto broă lơh tàm broă tơnguh bơtàu cau lơh broă sa suơn sre công nghệ cao” ai ală càr tiah tàm gùl lơgar mờ Tây Nguyên in geh bơyai lơh tàm [òn dờng Buôn Ma Thuột, càr Dak Lak lồi nhai 9 pa do.

Pơrjum geh Tổng cục bơto broă lơh gơwèt Bộ Lao Động, Thương binh mờ Xã hội pơgồp bal mờ Cục Kinh tế hợp tác mờ Phát trểin Nông thôn gơwèt Bộ Nông nghiệp mờ Phát triển Nông thôn bơyai lơh.

Jăt Cục Kinh tế hợp tác mờ Phát triển nông thôn yal, gùt lơgar geh mờr 18 tơlăk nă cau lơh broă tàm gah lơh sa suơn sre brê bơnơm phan tàm dà, tàm hơ\ geh 4 tơlăk 310 nă cau lơh broă neh geh bơto. Tơngai bơh nam 2010 tus 2020, neh geh 2 tơlăk 500 rơbô nă cau lơh broă tàm [òn geh bơto broă lơh sa suơn sre jăt rơndăp broă 1956.

Tàm 10 nam do, gùt lơgar geh di pơgăp 850 hìu bơsram tus bal mờ broă bơto cau lơh broă gah lơh sa suơn sre in. Bộ Nông nghiệp mờ Phát triển Nông thôn gam atbồ 32 hìu bơsram Đại học, Cao đẳng geh bơto cau lơh broă sa suơn sre công nghệ cao; neh bơ\t bơtàu geh 140 mpồl broă lơh, sră bơto mờ 34 jơnau ngăc ngar lơh broă sa suơn sre drơng broă bơto, bơsram, bơsram tàp in.

Tu\ do, gùt lơgar geh rơlao 52 rơbô anih lơh sa kă bro lơh, kă bro phan geh lơh bơh broă lơh sa suơn sre, brê bơnơm, phan tàm dà, tàm hơ\ geh 44 công ty geh dờp mpồl lơh sa kă bro ngui công nghệ cao.

Tàm pơrjum, ală kuang bàng neh đơs uă jơnau bè bơta tu\ do bè broă bơto broă lơh tàm broă tơnguh bơtàu cau lơh broă sa suơn sre công nghệ cao. Uă kuang bàng đơs là, làng bol lơh broă sa ờ hềt sền gròi mờ ờ hềt gơboh mờ broă bơsram broă lơh. Làng bol lơh broă sa rơcang dờp broă lơh sa suơn sre công nghệ cao, mơya di lah khà priă phan geh lơh jăt công nghệ cao mìng ndrờm mờ khà priă tàm drà kă bro bơh phan geh lơh bè ờs den ờ ndrờm bal.

Uă kuang bàng geh ai geh jơnau lùp, ală phan ngui tàm broă bơto broă lơh tu\ do kung pal geh sền gròi sơl. Jăt mờ hơ\, pal geh ai phan mùl màl gơtùi ngui tơn ala mờ phan geh lơh tơrlòng gời mờ gùng rùp. Ồng Hoàng Trọng Vinh, kuang atbồ anih bơto broă lơh, gơwèt Sở Lao động, Thương binh mờ Xã hội càr Lâm Đồng đơs:

-Pal sền gròi bơcri priă ai broă tơnguh bơtàu lơh sa suơn sre công nghệ cao, bơto broă lơh gơwèt mờ broă bơto broă lơh ai cau lơh broă tàm [òn in, pleh mờ broă blơi măi, phan bơto lơh gời.

Blơi broă lơh tus ờ di pal mờ mùl màl bơh làng bol dê. Bè hơ\, he pal bơcri priă, bè bơcri priă nàng làng bol lơ-òr jơh bă ù den pal blơi rơndeh lơ-òr mùl màl cèng rê nàng lơ-òr den hơ\ sồng bơto làng bol g^t tàm broă lơh niam wơl rơndeh lơ-òr.

Mờ geh uă ngan ală bơta tàm măi rơndeh lơ-òr den kung ndrờm bal sơl, den tàng làng bol gơtùi lơh is, ờ go\ di cih rùp tàm gang sră den làng bol ờ gơtùi bơsram.

Uă kuang bàng ring nùs bal mờ nùs nhơm pal geh bơto cau lơh broă sa suơn sre công nghệ cao, mơya pal lơh niam wơl, ala bè broă lơh, cau bơsram, hìu bơto broă lơh, cơ chế broă lơh geh bal.

Broă bơto pal tơrgùm tàm công nghệ lơi, gah broă lơi pơgồp bal mờ broă lơh jo\ jòng tàm broă bơ\t bơtàu wơl broă lơh sa suơn sre; pal sền sơwì wơl jơnau bơto, jơnau mblàng di pal mờ pơn jăt tai dong kờl kòn bơnus, cau pơgru bơto, phan bơna, cơ chế lơh broă ai hìu bơsram in.

Bơta kuơ màng là bơto pal geh bal ngui jơnau bơto tàm broă lơh mùl màl; jòi geh phan công nghệ cao, pơgồp bal lơh broă mờ mpồl lơh sa kă bro, pơgồp bal broă lơh gơs mờ broă kă bro.

Ồng Lê Đức Thịnh, kuang atbồ Cục Kinh tế hợp tác mờ Phát triển Nông thôn đơs là, ală jơnau đơs do là tơngu me kuơ màng nàng pơn jăt tai pơlam, lam sồr bơ\t bơtàu cơ chế broă lơh bè bơto broă lơh tàm broă tơnguh bơtàu cau lơh broă sa suơn sre công nghệ cao ai tơngai lơh broă pơn jăt tai in.

-Ală jơnau đơs tơrgùm uă ngan mờ ring bal tàm ală bơta bè pal pơn jăt tai bơto cau lơh broă, tàm hơ\ uă ngan là cau lơh broă geh bơta niam uă.

Tàm broă lơh sa suơn sre den cau lơh broă ngui công nghệ cao tàm broă lơh là bơta pal geh mờ do là dùl broă lơh jo\ jòng gơwèt mờ dùl gah broă, geh tàm bơta tòm nàng he gơtùi chồl pràn broă tơnguh bơtàu [òn lơgar đơs bal mờ broă lơh sa suơn sre đơs is gơwèt mờ broă tơnguh bơtàu rơnàng tơnơ\ do dê.

Cau cih H’ Xíu-cau mblàng Ndong Brawl