VOV4.K’ho – Drim òr, 14/4, tàm Hà Nội, Gah lơh broă – cau ling sồt să mờ mpồl bơtìan dà lơgar pơ gồp bal mờ Anih duh broă dà lơgar tài bơta gơguh jak bơh cau ùr Việt Nam dê bơyai lơh bơto pơlam bơta git wă, bơta chài tus mờ cau tơlik mat te\ khà kuang bàng Gơnoar ala mat dà lơgar. Tus bal ơdu\ bơto pơlam geh ală cau ùr dơ\ sơn rờp tus bal tơlik mat te\ khà kuang bàng Gơnoar ala mat dà lơgar bơh ală càr tiah ring đah tô dà lơgar. Tàm dơ\ bơto pơlam, ală cau ùr tơlik mat te\ khà kuang bàng Gơnoar ala mat dà lơgar geh bơto pơlam ală bơta chài, bơta git wă kuơ màng tu\ tìp mat mờ cau te\ khà; mblàng broă lơh; lơh broă mờ ală anih yal jơnau tơngit nàng dong cau ùr tơlik mat te\ khà pin dờn mờ geh cồng nha rlau tàm tu\ tus bal tơlik mat te\ khà tàm [òn lơgar. Bal mờ hơ\, ală cau tus bal ơdu\ bơto pơlam geh bơto bơta git wă bal bè gơnoar ala mat dà lơgar, adat bơyai lơh gơ noar ala mat dà lơgar, gơ noar cau ùr dê tàm gùng dră bal, bơta ringbal cau klau cau ùr tàm ală kơrnuat boh lam gam geh ngui tu\ do. Cau tus bal bơto pơlam kung geh yal bè broă lơh, bơta chài bơt bơtàu broă lơh niam, bơta chài mblàng broă lơh dùl bă gơ hòi gơ jà tàm pơrjum tìp mat mờ cau te\ khà.

                                 Cau cih mờ yal tơngit K’ Duẩn.