VOV4.K’ho- Pa mu\t tàm kàl mìu lơm, mơya tàm càr Daklak neh geh dà ko\ dà cò nisơna, lơh 1500 lồ chi tam gơtìp aniai, yal lài digơlan bơta kal ke bơh nhai mìu dà ko\ dà cò nam do dê. Tàm tu\ hơ\, ờ dùl êt bơtơ\t tơnau dơng dà tàm càr do gơ ơm wơl tàm bơta gơtìp ờdiơng te\, tơrlah tơrlơm halà ờ gơtùi ngui tai. Tàm uă jơnau lơh gơlik bơta ờ niam ngan do, geh jơnau gơbàn bơh broă tam pà gơnoar atbồ ală bơtơ\t tơnau dơng dà ờ hềt dipal mờ ờ hềt loh làng.

Bơtơ\t kơryan dà glòm gùt dar Quảng Điền, tàm kơnhoàl Krông Ana là dùl tàm ală bơtơ\t tơnau dơng dà gam gơtìp ờdiơng tai uă ngan tàm càr do, gơbàn jơnau do uă ngan là tài bơh broă atbồ ờ kràn cê jơh nùs.

Bơtơ\t kơryan dà glòm gùt dar Quảng Điền, tàm kơnhoàl Krông Ana là bơtơ\t kơryan dà glòm gùt dar lơh mờ bê tông dờng ngan rlau jơh càr Daklak dê, mờ geh ai ngui bơh tàm nam 2014 lài do. Mờ bơnah priă bơcri lơh là rlau 312 tơmàn, bơtơ\t do geh lơh geh kơ\p kơnờm geh sền gàr jo\ jòng ai mờr 3 rbô lồ sre tàm tiah do in.

Mơya, rơ\p mìng pa sơrlèt gan dùl dơ\ dà ko\ dà cò lơm, bơtơ\t kơryan dà do neh gơtìp ờdiơng te\ uă ngan. Tàm jơh dùl bơtơ\t kơryan dà do bơh trạm [ồm T21 tus trạm [ồm T22, gơ wèt [òn 1, xã Quảng Điền, kơnhoàl Krông Ana jòng 1 kơi sồ, bơnàng dă mờ bê tông tềng hơđang măt bơtơ\t do dê gơtìp gơplồ jơh.

Ală nsàng bê tông kìng rơkàng bơtơ\t kơryan dà kung gơtìp gơdùh gơ pơrdô sơl, gơ pừ mờ lơh gơlik ală rbòng dà jrô ngan. Geh tu\ là geh ală anih gơtìp aniai lơh gơlik geh ală bơtô dờng bơh 30 tus 40 phơng. Tàm pơn jat tai mờ bơtơ\t kơryan dà do, bulah bơtơ\t kơryan dà ờ gam gơplồ mơya kung gam sùm geh ală gơl bê tông kìng gơtìp tơrlah sơl, bơta jòng tơrlah bơh rlau 100 thơk tus mờr 1 rbô thơk.

Mờ bơta geh ngan ờdiơng bè tu\ do, mìng geh tai bơh dùl tus bàr dơ\ dà ko\ dà cò tai, là bơtơ\t kơryan dà Quảng Điền digơlan gơtìp tơrlah. Jat làng bol tàm tiah do yal, bơta ờdiơng, tơrlah tơrlơm gơlơh ngòt rơngơ\t ngan bè tu\ do là tài bơh tu\ lơh bơtơ\t do ờ go\ geh lơh niam mờ kơ\ kơl jăp.

Ồng Lê Văn Sơn, kis tàm xã Quảng Điền, pà gi\t:

“Bơtơ\t kơryan dà do mìng geh lơh mờ bràs bal mờ lu\ là uă ngan, ai sơmang den ờ huan geh uă. Tu\ do, pah tu\ dà gơmu\t tàm bơtơ\t là bềng ngơr jơh tơn. Hơ\ là bơtơ\t kơryan dà glòm tu\ do gơtìp ờdiơng te\ uă ngan, dilah tu\ do mờ geh tai dùl dơ\ dà ko\ dà cò tai den là bơtơ\t kơryan dà do ngan ngồn là ờ go\ gơ gam tai ờ”.

Tềng đap bơta geh ngan gơtìp ờdiơng te\ uă ngan bơtơ\t kơryan dà dê mờ jơnau pin wil wơl bơh làng bol dê bè bơta niam, ồng Y Hương Niê, Phó Kuang atbồ Ủy ban Nhân dân kơnhoàl Krông Ana, đơs là: Ală anih lơh broă geh gơnoar bơh kơnhoàl mờ bơh càr dê neh lòt sền ală gơl bơtơ\t kơryan dà neh jơh lơh, den tàng bè hơ\, ờ go\ geh cơng tàng nàng đơs là jơnau lơh tơrlah tơrlơm là tài bơh bơtơ\t ờ go\ geh lơh niam kơ\ kơl jăp.

Jat ồng Y Hương Niê, bơtơ\t kơryan dà gơtìp tơrlah là tài gơtìp ngơr bam dà sùm tàm rlau 1 nhai dà ko\ dà cò gơbàn tàm lồi nam lài. Ồng Y Hương Niê, đơs:

“Ală tu\ ngui mờ lơh, den bơta geh ngan là bơtơ\t kơryan dà glòm tu\ do neh gơtìp ờdiơng te\ là tài bơh jơnau trồ tiah lơh aniai tàm nam 2016 lài do mờ bồ nam 2017 pa do lơh gơtìp ngơr bam dà tàm dùl tu\ tơngai jo\ jòng kung lơh aniai sơl tus bơnàng bơh bơtơ\t kơryan dà dê mờ tàm ală jơnau hơ\ den hiòng dà hòr bơh dà dờng dê kung lơh aniai tus bơnàng bơh bơtơ\t kơryan dà dê, geh ală gơl bơtơ\t gơtìp tơrlah tus rềp tơn kềng să bơtơ\t kơryan dà dê”.

Pa mu\t tàm bồ kàl mìu, mơya Daklak neh geh dà ko\ dà cò dờng, lơh ngơr bam dà rlau 1.500 lồ phan tam tàm gùt càr, tơngo\ bơta ngòt rơngơ\t ngan bơh mìu nhàc dà ko\ dà cò nam do dê. Tàm tu\ hơ\, bơtơ\t kơryan dà kờn sền gàr ờdo ờdă ai rlau 3 rbô lồ kòi, gơrềng tus rài kis bơh gi\t nđờ jơ\t rbô hìu làng bol tàm kơnhoàl Krông Ana dê, kung gam gơ ơm tàm bơta gơtìp tơrlah tơrlơm sơl, bal mờ 20 anih gơtìp tơrlah uă ngan jòng bơh 800 thơk tus 1.200 thơk; gi\t nđờ jơ\t anih tơrlah uă bàr pe tiah.

Jơnau do gam lơh aniai uă ngan tus bơta ờdo ờdă kơ\ kơl jăp bơtơ\t tơnau dơng dà dê. Mơya, tus tu\ do kung gam ờ hềt geh sơl broă lơh lơi geh ai lơh kờn lơh niam wơl kơ\ kơl jăp wơl bơtơ\t tơnau dơng dà.

Jơnau pal đơs ngan là, ndrờm bè geh bơta ờ niam tàm broă tam pà kơnă atbồ, den tàng kơnòl gơ wèt tus mờ bơtơ\t kơryan dà glòm Quảng Điền ờ hềt loh làng. Tài bơh jat sră cih mat ală bơtơ\t tơnau dơng dà geh tam pà kơnă atbồ jat Quyết định sồ 38 nam 2014 bơh Ủy ban Nhân dân càr Daklak dê, ờ geh mat bơtơ\t kơryan dà glòm do.

Dilah ờ go\ lơh niam wơl di tu\, bơtơ\t kơryan dà glòm geh lơh jơ\t gi\t nđờ rhiang tơmàn priă do digơlan gơtìp dà cò pơrdồ tus tàm dơlam dà dờng. Mờ tu\ hơ\, ờ mìng ală rài kis bơh làng bol dê gơtìp kal ke lơm gời ờ mờ jơnau lùp: Jơnau bơh tài gơbàn ngan ngồn lơi bơh broă bơtơ\t kơryan dà glòm geh kơ\ kơl jăp ngan jai di broă rơndăp lơh, mơya pa ai ngui neh gơtìp tơrlah, digơlan ờ go\ geh jơnau hơ!

Cau cih mờ yal tơngi\t- Lơ Mu K’ Yến