VOV4.K’ho – Drim do, 30/9, cribơyai cau ùr mờ lơh sa APEC nam 2020 geh lơh jat broă lơh pờ tơlik tơn tàm internet, kờp du\ geh bơta tus bal bơh mpồl kuang ala mat 21 rài lơh sa geh jơng tàm mpồl APEC. Bộ Lao động Thương binh mờ Xã hội đơng lam bơyai lơh nàng mpồl kuang bàng lơgar Việt Nam in tus bal cribơyai tàm anih pờ tơlik tơn tàm Hà Nội. Do là broă lơh gơ ơm tàm broă lơh bal bơh APEC dê bè cau ùr mờ lơh sa, bơh lơgar atbồ mpồl APEC nam 2020 là Malaysia đơng lam.

Mờ tơngume “Chồl pràn broă dong kờl tơnguh gơnoar broă lơh sa bơh cau ùr dê”, cribơyai cau ùr mờ lơh sa APEC nam 2020 geh là tu\ niam nàng ală rài lơh sa in tam pà bè ală broă lơh ngan, mơkung ai tơlik ală jơnau bơceh pa nàng kờ` bơtàu tơnguh wơl broă lơh sa tài gơ rềng bơh kòp Covid-19. Tàm hơ\, sền gròi tus cau ùr là cau [uơn gơtìp gơ rềng ngan rlau jơh. Kờp du\, ală Bộ trưởng, Kuang atbồ mpồl kuang bàng geh ring bal Jơnau yal bơr bơh cribơyai dê nàng yal pơrjum dờng màng ală kuang đơng lam bồ APEC in.

Cau mblàng K’Duẩn