VOV4.K’ho - Mho òr 11/02, tàm hìu lơh broă Kuang atbồ lơgar neh bơyai lơh pơrjum bal bè ờs bơh Gơnuar atbồ lơgar mờ anih duh broă gah tề lam gùng dră bal Việt Nam. Ồng Nguyễn Tấn Dũng kuang gơs gơnăp gơnuar atbồ hờ đang rơlao jơh dà lơgar neh đơs loh, nam 2015 là nam geh uă broă lơh kuơ màng dà lơgar dê, nam bơyai lơh pơrjum dờng Đảng ală kơnă mờ wèt tus bơyai lơh pơrjum dờng Đảng gùt lơgar, den tàng, Gơnuar atbồ lơgar mờ anih duh broă geh tề lam gùng dră bal Việt Nam pal pơn jăt tai pơgồp bal lơh jăk ală kơnòl tơnguh bơtàu lơh sa-mpồl bơtiàn, lơh ngan geh mờ sơlèt ală khà geh ai, bal mờ hơ\ là bơyai lơh geh cồng nha pơrjum dờng Đảng ală kơnă, pơn jăt tai gàr kơl jăp dà lơgar, niam bơne\ gùng dră bal-mpồl bơtiàn, ai bơta chờ, tam klăc bal 1 nùs gùt làng bol kờ` bơ\t bơtàu mờ tơnguh bơtàu dà lơgar. Ồng Nguyễn Tấn Dũng sồr anih duh broă gah tề lam gùng dră bal Việt Nam pơn jăt tai pơgồp mờ lơh jăk broă bơ\t bơtàu, tơnguh mpồl tam klăc gùt làng bol, lơh niam broă pơgồp bal bơh tơl broă pơlòng mùl màl. Ală gah, mpồl lơh broă, gơnuar atbồ tơnguh ai jơnau tơng^t, mblàng, hơ, dờp wơl ală jơnau đơs ha la jơnau bơceh pa geh kuơ bơh làng bol dê kờ` lơh gơs broă lơh.