VOV4.K’ho - Phước Cát lá xã geh pơnrơ tàm broă bơ\t bơtàu [òn lơgar pa kơnhoàl Cát Tiên, càr Lâm Đồng dê. Nam 2015, Phước Cát geh càr Lâm Đồng dờp là xã [òn lơgar pa. Broă bơ\t bơtàu bal mờ rài kis phan bơna, nùs nhơm làng bol tàm xã Phước Cát geh tam gơl sùm, tơnguh bơtàu.

Nggùl nam 2018, Phước Cát neh geh Uỷ Ban Thường vụ Quốc hội tơl^k nghị quyết crơng gơs thị trấn Phước Cát – do là [òn drà pa geh crơng gơs tàm gùl bă ù rềp bal bơh 2 càr Lâm Đồng, Đồng Nai mờ Bình Phước.

Bơh nam 2005 rê hờ do, kơnờm mờ broă lơh hìu măi pờ tơl^k ồs đèng tàm dà dờng Đồng Nai tam pà dà tàm kàl mìu, den tàng xã Phước Cát ờ gam gơbàn gơbam dà tai. Bơta do ai geh bơta [uơn làng bol kis tàm xã Phước Cát in tam phan jo\ tơngai, tòm chi sa plai, kuơ màng là lơh sre tàm bă ù m[ùr jăt gah dà dờng.

Bơh tàm ù tiah sùm geh dong kờl phe sa bơh dà lơgar, Phước Cát neh gơs tiah tòm lơh kòi sơntìl mờ phe geh măt phan kă bro “Kòi – phe Cát Tiên” neh geh đah ai ngui gơnoar ngăc ngar gơwèt Bộ Khoa học mờ Công nghệ ai sră dờp ngui phan kă bro geh anih lơh gơs.

Ồng Lê Văn Bảy, kuang atbồ Hợp tá xã kă bro mờ broă lơh drơng ơla Lê Gia yal: nam 1982,ồng là dùl tàm ală cau sơnrờp ngan bơh càr Bình Định tus ơm kis tàm xã Phước Cát, kơnhoàl Cát Tiên do. Rơlao 35 nam kis mờ lơh broă sa tàm ù tiah do, bơh bàr mpàng tê soh, tu\ do ồng Bảy neh lơh geh broă lơh sa kơl jăp.

Brồ guh bơh broă lơh sa suơn sre, mơya tàm ală nam pa do, ồng Bảy neh tam gơl lơh broă drơng ơla, kă bro. Hợp tác xã Le Gia ồng dê ờng sơntìl phan tam, tăc phan lơh broă sa suơn sre, mờ geh blơi mờ lơh gar điều tăc mờ lơgar bơdìh. Mìng kờp bơh bồ nam tus tu\ do, Hợp tác xã Lê Gia neh blơi bơh làng bol tàm do geh rơlao 600 tấn gar điều kờ` lơh phan tăc mờ lơgar bơdìh. Ồng Bảy neh ai broă lơh mờ geh rài kis ring niam 80 nă cau in:

-A` pal geh nùs nhơm geh kơnòl mờ ală cau gùt dar, mờ [òn lơgar a` dê, geh bal ală cau lơh broă tàm hợp tác xã. Den a` dong kờl bal tu\ geh cau gam ờ tơl, gam kờ` dong kờl. Uă ngan tus 120 nă cau lơh broă tàm hợp tác xã.

Geh uă cau lơh broă den broă lơh kal ke rơlao, den tàng priă nhai kung uă rơlao. Mơya mìng geh bơh 4 tơlăk 500 rơbô priă tàm 1 nă 1 nhai.

Dùl nă cau lơh broă jăk geh pơnrơ ndai tai hơ\ là ồng Nguyễn Văn Thịnh, kuang atbồ Hợp tác xã Nông nghiệp Phước Cát. Nam 2010, ồng Thịnh bơcri priă blơi dùl nơm măi plai kòi mờ lơh wàng ròng sur. Bơh dùl hìu măi kòi dềt, tu\ do ồng neh gơs hìu măi kòi mờ bơta pràn 18 rơbô tấn tàm 1 nam. 6 nhai bồ nam do neh tăc tàm drà mờr 10 rơbô tấn phe geh khà măt kă bro “Phe Cát Tiên”.

Wàng ròng sur ồng Thịnh kung geh tơnguh bơtàu sùm. Rơlao 100 nơm sur me tàm pơdar deh kòn ndrờm bal. Jơh ală sur ồng Thịnh ndrờm ròng gơs sur poăc hơ\ sồng tăc. Pah nhai tăc 8 tấn poăc sur, geh rơlao 50 tơlăk priă cồng. Ồng Thịnh là cau geh pơnrơ jăk bè broă lơh nùs nhơm dong kờl kơnhoàl Cát Tiên dê.

Lơh pas să tòm, mơya ồng gam dong kờl làng bol [òn lơgar, kuơ màng là ală cau tàm mpồl cau ling yau, ai geh priă, ai broă lơh ală cau do in kờ` sơlèt mờ rơ[ah. Bàr nam pa do, ồng Thịnh pờ lơh tai broă lơh sa kă bro pa. Hơ\ là tam tòm jơu ròng tu. Tu\ do, Hợp tác xã Phước Cát ồng Thịnh dê neh geh 12 lồ ù tam tòm jơu ròng tu geh lơh tơn, ai tai uă làng bol tàm do in geh broă lơh. Bè gùng dà tơnguh bơtàu, ồng Nguyễn Văn Thịnh pà g^t:

-Tềng đăp măt pal lơh bè lơi ròng tu geh cồng nha. Gam broă ai cau lơh broă tàm do den geh lơh rơhời, geh cồng nha den Hợp tác xã geh ai tai cau mu\t lơh broă, hòi jà ală cau lơh broă di pal. Tàm tơngai pa do den hợp tác xã kung neh ai broă lơh làng bol in mờ khà priă nhai di pal tus mờ làng bol tàm do, den tàng làng bol chờ hờp ngan kờ` mu\t lơh broă bal mờ hợp tác xã.

Ồng Võ Trung Linh, Chủ tịch UBND thị trấn Phước Cát pà g^t priă geh tơl nă làng bol tàm thị trấn nam 2018 geh 48 tơlăk priă, nam 2019 do lơh ngan geh rơlao 50 tơlăk priă. Mơya, priă geh do mìng geh bơh broă lơh sa suơn sre, mìng là bơh broă lơh kòi sơntìl mờ phe bơkah.

-Gùng dà broă lơh bơh thị trấn dê tu\ do gam gơmù rơhời broă lơh sa suơn sre. Bu\ lah uă làng bol lơh broă sa suơn sre, mơya bol a` gam lơh jăt broă tam gơl broă lơh sa suơn sre, tam gơl broă lơh. Tài gơwèt mờ thị trấn Phước Cát geh bơta pràn tơnguh bơtàu broă lơh drơng ơla.

Tàm hơ\ tu\ do, càr neh geh dong kờl pờ tai broă nhơl chờ tàm 3 anih tàm do là jòi phan tềl kah yau Cát Tiên, tus tàm tiah tam lơh tiah 6 mờ hìu yàng phờk lơh mờ mpàn Phước Cát.

Phước Cát tu\ do là thị trấn. Hìu `hoa cờn geh lơh uă, ală gùng tòm neh geh ồs đèng àng. Dùl [òn drà pa neh geh lơh gơs tàm dùl tiah [òn lơgar ngài. Ồng Nguyễn Hoàng Phúc, Phó Chủ tịch UBND kơnhoàl Cát Tiên đơs là: Phước Cát geh tơl bơta pràn kờ` pơn jăt tai tơnguh bơtàu gơs tiah geh pơnrơ jăk tàm broă bơ\t bơtàu [òn lơgar pa kơnhoàl Cát Tiên dê.

-Phước Cát geh tơl bơta pràn tơnguh bơtàu lơh sa suơn sre mờ tơnguh bơtàu kă bro, broă lơh drơng ơla. Bè lơh sa suơn sre den Phước Cát geh uă ù m[ùr niam jăt gah dà dờng di pal mờ broă lơh kòi, mờ tòm jơu ròng tu bal mờ tòm chi sa plai.

Đảng uỷ xã neh tơrgùm đơng lam tam gơl phan tam, tơrgùm bơcri priă tam phan geh cồng nha uă. Bè broă tơnguh bơtàu kă bro, broă lơh drơng ơla den Phước Cát geh bơta [uơn tàm broă kă bro phan mờ tơnguh bơtàu broă lơh drơng ơla, lơh gơs phan bè gar điều, kòi phe.

Neh geh ală broă lơh geh pơnrơ bè broă ròng kơnrồ, tơnguh bơtàu tam jơu ròng tu. Xã geh [òn làng bol kòn cau, kơnhoàl tơrgùm đơng lam chồl pràn broă tơnguh bơtàu broă tà` ồi yau mờ [e\ tơrnờm drơng cau năc nhơl chờ in.

Cau mblàng Ndong Brawl