VOV4.K’ho - Neh gơs bè ờs, pah nam, tu\ tus kàl rơlô bơkang, mpồl ơruh pơnu Lữ đoàn pháo phòng không 234, Quân đoàn 3 tus tàm tiah dờp lơh oh mi là [òn drà Nhơn Hoà, kơnhoàl Cư\ Pưh, càr Gia Lai nàng mut lơh broă lơh dong kờl is kàl rơlô bơkang. Tàm do, ală bi neh jơh nùs dong kờl làng bol uă broă lơh ngan ngồn, mblàng yal gùng dà, broă lơh, kơrnuat boh lam bơh Đảng mờ dà lơgar dê; lơh pa, lơh niam gùng lòt tàm [òn lơgar:

Tông Will là [òn rơbah ngan rơlau jơh, kal ke ngan rơlau jơh tàm khà 15 [òn bơh [òn drà Nhơn Hoà, kơnhoàl Cư\ Pưh, càr Gia Lai dê. Jơh ală làng bo tàm do ndrờm là cau Jarai, mờ bơhiàn lơh broă sa gam bơr ngơl gơla, rài kis ờ hềt gơguh jak, bơta git wă ờ huan geh den tàng [uơn ngan gơtìp bol ờ niam bơchồt, dô gan tiah nhàr dà lơgar. Kờ` pơgồp bơnah dong tam gơl ală bơta tàm [òn lơgar, kàl rơlô bơkang nam do, 25 nă ơruh pơnu di Tiểu đoàn 1, Lữ đoàn pháo phòng không 234, Quân đoàn 3 neh rơwah do là tiah nàng bơyai lơh ală broă lơh dong kờl is. Ngai sơn rờp pa tus tàm [òn, gam ờ hềt wă dà đơs mờ krơi bè bơhìan kis, mơya tơnơ\ mờ tu\ go\ ală cau ling jơh nùs tus bal tàm ală broă lơh [òn dê, den bơta git gơp đah ling klàng mờ làng bol gơ gơs rềp mềl ngan. Trung sỹ Văn Hồng Phúc, atbồ mpồl, Tiểu đoàn 1, Lữ đoàn pháo phòng không 234 đơs: “Bơh sơn rờp tus ndo, bol a` kal ke ngan nàng gơtùi boh bơr mờ làng bol tài dà đơs làng bol dê bol a` ờ hềt wă. Mơya làng bol tàm do niam ngan, kis gơ rờm bal, go\ cau ling den kờ` ngan. Bol a` go\ pơnyờ să ngan tu\ geh sồr tus ndo mờ làng bol, bal mờ làng bol pơgồp bơnah tàm broă lơh tam gơl pa bơh làng bol tàm [òn Tông Will do dê.”

Tơnơ\ mờ tu\ tơl niam anih ơm tàm hìu bơsram ơdu\ bơh sơn rờp, mpồl ling sơn đờm bơh broă lơh niam, jì wàs rơlau 3 kơi sồ gùng lòt tàm [òn, lơh niam dà mbòr, hìu cri bơyai [òn, kơbàng, cơ ge\, ơdu\ bơsram kơnòm bơsram in. Trồ mho, ală cau ling Lữ đoàn bơyai lơh tàp pràn să jan, đơs crih tamya mờ ơruh pơnu tàm [òn lơgar, lơh gơs nùs nhơm chờ hờp ngan. Tu\ làng bol neh pin dờn tàm cau ling, den cau ling pơnjat tai mut lơh kơnòl mblàng yal gùng dà, broă lơh bơh Đảng, kơrnuat boh lam, bơta dong kờl bơh dà lơgar dê, lam sồr làng bol ba` iat jat jơnau bol ờ niam dê bơ chồt, pơn dờm dô gan tiah nhàr dà lơgar. Ală broă lơh bơh ơruh pơnu Lữ đoàn dê tàm [òn Tông Will geh làng bol tàm [òn lơgar kờ` ngan. Bi Rahlan Mít, ơm tàm [òn do pà git: “Poh pa do Lữ đoàn 234 tus, ơruh pơnu neh dong mut lơh ală broă bè jì nhơt kềng gah gùng, pơndiang lu\, bồr wơl ală gơl gùng gơtìp ờ diơng. Broă lơh hơ\ geh kuơ ngan nàng dong làng bol tàm [òn lơgar lòt rê [uơn [uài rlau. Chờ hờp ngan tu\ geh Lữ đoàn 234 tus ndo dong kờl làng bol”.

Mờ ală broă lơh ngan ngồn, geh cồng nha, mpồl ơruh pơnu lơh broă dong kờl is Lữ đoàn pháo phòng không 234, Quân đoàn 3 neh dờp geh bơta kờ` gơboh, sền ngềr bơh làng bol, bơt bơtàu mờ bơtàu tơnguh bơta pin dờn, bơta rềp mềl mờ gơnoar atbồ tàm [òn lơgar. Mò Phạm Thị Hương, kuang jat jơng atbồ mpồl đơng lam Đảng [òn drà Nhơn Hoà, kơnhoàl Chư Pưh đơs: “Tàm tơngai lài, bol a` bơt bơtàu nùs nhơm rềp mềl ngan mờ mpồl ling. Bol a` bơyai lơh ală dơ\ tìp mat, cribơyai, sền ală cồng nha lơh geh đah 2 mpồl dờp lơh oh mi mờ tàm broă pơ gồp bal bơh tàm broă lam sồr làng bol, tàm nùs nhơm đah ling klàng mờ làng bol, den 2 mpồl đơs bal là rềp mềl ngan”.

Kờ` wă rơlao tai bè ală broă lơh do, cau ai tơng^t jơnau đơs neh lùp Thượng uý Võ Văn Điệp, dong broă lơh ơruh pơnu, kuang jăt jơng atbồ mpồl ơruh pơnu Lữ đoàn.

- Ơ Thượng uý, tu\ bơyai lơh broă, broă lơh nùs nhơm dong kờl is kàl rơlô bơkang nam 2016 tàm [òn Tông Will, do là [òn mìng geh gal làng bol kòn cau ơm kis, mpồl ling neh tìp ală kal ke ha là bơta [uơn lơi?

Thượng uý Võ Văn Điệp: Ơi, lòt lơh broă, broă lơh nùs nhơm ơruh pơnu dong kờl is tàm tiah ndrờm mìng geh là làng bol kòn cau Jarai lơm den mpồl ling neh ai do là 1 kal ke, tài broă lơh sa tàm do gam ờ ngăc ngar ngan, bơta g^t wă tàm broă lơh làng bol dê gam ờ ndrờm bal. Lài ngan, broă lơh jăt geh kuơ màng ngan, bơh jơnau đơs kuang bàng, cau ling dê, tus broă tìp bal mờ làng bol, broă cri bơyai bal tàm tu\ rơlô ndrờm lơh jăt bơh lài, mờ pal g^t jơnau bal tus mờ bơhiàn làng bol dê. Den tàng, bơta kal ke lài ngan là bơhiàn tàm rài kis. Mơya bơdìh mờ kal ke, geh bơta [uơn là làng bol kis tàm do song dơ pă ngan, pơgồp bal mờ cau ling là ờ ngòt broă lơh lơi.

- Thượng uý đơs bè lơi bè cồng nha bơh broă lơh nùs nhơm dong kờl is mpồl ling dê tàm [òn Tông Will?

Thượng uý Võ Văn Điệp: Ù tiah mpồl ling ơm lơh broă dong kờl, jăt broă sền gròi là rơwah [òn kal ke ngan tàm [òn drà do dê. Mìng is [òn drà Nhơn Hoà, kơnhoàl Cư\ Pưh geh 15 [òn tàm [òn drà do, tàm hơ\ geh [òn Tông Will là [òn làng bol kòn cau Jarai mờ kòn cau Bơnhàr bal mờ ờ uă cau yoan ơm kis bal. Bè gùng dră bal, bơh tàm broă g^t den làng bol gơboh mờ kăc màng, lơh ngan lơh broă sa. Lơh jăt rơndăp broă, bol a` neh dong kờl làng bol mus chi che jăt gah gùng. Tu\ do, gùt dar gùng tàm [òn Tông Will neh jơh mus rơlao 3 kơi sồ gùng lòt tòm tàm [òn, pơgồp bal mờ rơndeh lơ-òr hoài rơmo\k làng bol pơn diang lu\ pă wơl tàm ală tiah gơbàn tơrlah ờ niam. Ală gơl gùng ndrờm neh mus jơh chi che, lam sồr làng bol lơh hìu đì ndul kloh niam, ntrờn wàng kơnrồ ngài mờ hìu ơm. Kơnòl tòm là lơh gùng lòt, lơh niam wơl ală dà mbòr gùt dar [òn. Bơdìh hơ\ tai, bol a` gam lơh ală broă ndai tai, dong kờl làng bol, hìu nhă lơi kal ke bè: tờ bơtô tam phan, pà sơnơm, siăt so\ kơnòm dềt in. Bơdìh hơ\ tai, tìp bal coh plai, nhơl bơlai mờ ală ơruh pơnu tàm [òn. Tơn jơh dơ\ lơh broă nùs nhơm dong kờl is den bơyai lơh pơgồp bal mờ [òn drà Nhơn Hoà, bơyai lơh tìp bal đơs crih tamya bal mờ làng bol.

- Dan Thượng uý pà g^t, bơta kuơ bơh broă lơh nùs nhơm dong kờl is mờ Lữ đoàn pháo phòng không 234 neh lơh tàm kơnhoàl Cư\ Pưh, càr Gia Lai tàm ală nam do?

Thượng uý Võ Văn Điệp: Pal đơs là, broă lơh ơruh pơnu nùs nhơm dong kờl is là lơh jăt broă lơh bơh gơnoar atbồ ai. Mơya pal đơs là do là broă lơh gơpồp bal đềt mềr bơh làng bol mờ mpồl ling tàm broă lơh jăt broă lam sồr mờ mpồl ơruh pơnu Lữ đoàn pháo phòng không 234 dê. Bơdìh mờ broă lơh, mơya broă lơh tòm tàm do là kờ` tơnguh tai nùs nhơm bơh làng bol tàm do dê tus mờ cau ling. Tơngu me do là kuơ màng ngan. Hơ\ là broă lơh tơl^k nùs nhơm niam.

- Ơi, ưn ngài Thượng uý!

Cau cih mờ yal tơng^t K’ Duẩn – Ndong Brawl