VOV4.K’ho - Gùl nhai 9 pa do, 1 dơ\ mìu dà ko\ dà cò nisơna gơguh tih tềng dà croh Đôi, gơl hòr gan ntum tiah nhàr dà lơgar Ia Dom, kơnhoàl Đức Cơ tàm gùl trồ mang. 6 nă cau ơm tàm bơta ngòt rơngơt, gơtìp dà cò tam cah is neh geh kuang bàng, cau ling pôs ling sền gàr mpồng nhàr lơgar dunia Lệ Thanh, mpồl ling sền gàr tiah nhàr dà lơgar càr Gialai dong klàs. Nùs nhơm khin cha jak chài bal mờ bơta rơcang lài tơl niam ală rơndap broă dong kờl rềs àr neh geh ală kuang bàng, cau ling pôs ling sền gàr mpồng nhàr lơgar dunia Lệ Thanh ai tơnggo\ tàm broă lơh do:

Neh rlau gùl nhai, tơnơ\ mờ tu\ geh mpồl ling sền gàr tiah nhàr dà lơgar dong klàs bơh dà ko\ dà cò, mò Kpuih H’Lem, ơm tàm [òn Ó, ntum Ia Dom, kơnhoàl Đức Cơ kung gam gơ lơh ngòt ngan tu\ kah bè dà ko\ dà cò. Mò pà git, ngai 16/9, mò bal mờ 5 nă cau jơi nòi lòt lơh mìr mờ ơm wơl tàm hìu kù rềp dà croh Đôi. Bơh mho tus mang hơ\, tàm tiah do geh mìu sơr ngan. Àng drim ngai tơnơ\, tơl nă cau gam bic lơhă den ni sơna nrơt kah bic tài dà ko\ dà cò neh ngơr bam tus gùl hìu kù. Dà ko\ dà cò guh tih mhar mờ nisơna ngan, jơh 6 nă cau hàu đang dùl tờm chi brê mơya dà sơlơ gơguh tih. Tàm tu\ ngòt rơngơt, 1 nă cau tàm mpồl neh di tu\ hòi điện thoại mpồl ling sền gàr tiah nhàr dà lơgar in lài mờ tu\ jơh ală điện thoại ndai ờ gơtùi hòi tài sùh. Mìng pơgap 20 phút tơnơ\ mờ tu\ hòi, mpồl ling sền gàr mpồng nhàr lơgar dunia Lệ thanh neh tus mờ tàm bơta chờ hờp bơh 6 nă cau tàm [òn Ó dê. Gơ wèt mờ mò H’Lem, do là dơ\ 3 tơnơ\ 3 nam sùm, mò geh mpồl ling sền gàr tiah nhàr dà lơgar dong klàs bơh dà ko\ dà cò bơh dà croh Đôi dê. Mò đơs: “ Tu\ hơ\, dà ko\ dà cò guh tih ngan, a` ngòt ngan, a` `ìm sùm, `ìm tài bơh rơngòt, tài kah kòn dềt tàm hìu, ngòt chơt hơ\ sồng ờ geh cau ròng kòn. Tu\ sền go\ rơndeh mpồl ling dê tus dong kờl den a` chờ hờp ngan, a` ờ gam ngòt mờ ờ `ìm tai.”

Kung bơtuah geh mpồl ling dong klàs bơh dà ko\ dà cò tàm nhai lài là ùr bơklau ồng Ksor Gao, ơm tàm [òn Ó sơl. Ồng Gao kung là cau neh hòi điện thoại yal mpồl ling sền gàr mpồng nhàr lơgar dunia Lệ Thanh in nàng hòi dong kờl. Ồng pà git, đah mpồl ling sền gàr tiah nhàr dà lơgar mờ làng bol tàm tiah nhàr lơgar geh bơta gơ rềng rềp mềl ngan. Mpồl ling sền gàr tiah nhàr dà lơgar kung neh uă dơ\ dong kờl làng bol tàm ntum tàm ală nhai mìu nhàc dà ko\ dà cò. Den tàng, tu\ gơtìp ngòt rơngơt ồng Gao sơnơng mơ là hòi điện thoại mpồl ling sền gàr dà lơgar in. Ồng đơs: “ Go\ dà guh tih ngan, tu\ hơ\ ngòt rơngơt ngan, mờ bol a` den ờ git re, mìu sùh jơh, tu\ hơ\ mìng git hòi điện thoại dan dong kờl bơh mpồl ling sền gàr tiah nhàr dà lơgar. Tu\ go\ rơndeh mpồl ling sền gàr tiah nhàr dà lơgar dê tus bol a` chờ hờp ngan, git là he geh dong klàs. Bol a` chờ hờp ngan mờ ưn ngài mpồl ling sền gàr tiah nhàr dà lơgar uă ngan.”

Thượng tá Lê Thuần Chất, lơh broă gùng dră bal pôs ling sền gàr mpồng nhàr lơgar dunia Lệ Thanh pà git, pơgap 4 jiơ drim ngai 17/9, pôs ling klo jơnau yal bơh làng bol dê gơtìp dà wềl tam cah is. Pôs ling neh sồr mpồl ling geh 11 nă, rơcang tơl phan bơna dong kờl lòt mơ dong kờl làng bol. Bulah gùng lòt kal ke, ngài rlau 10 kơi sồ, mơya tài geh bơta rơcang lài tơl niam bè rơndap broă dong kờl rềs àr, neh mờng mờ ù tiah tàm do, mìng tơnơ\ 15 phút mpồl ling sền gàr tiah nhàr dà lơgar neh tus tềng tiah gơlik geh bơta aniai. Ală kuang bàng, cau ling sền gàr tiah nhàr dà lơgar neh khin cha re dà ko\ dà cò, ngài rlau 200 thơk nàng tus tềng tiah làng bol gơtìp aniai. Tơnơ\ 3 jiơ tam dră mờ dà ko\ dà cò, mpồl ling sền gàr tiah nhàr dà lơgar neh jun tơl nă cau tàm 6 nă cau rê hờ gah ờ do ờ dă. Thượng tá Chất kung pà git, do ờ di là dơ\ sơn rờp, neh uă dơ\ kuang bàng, cau ling bơh pôs ling dê dong klàs làng bol tàm tiah do bơh dà ko\ dà cò. Ồng pà git: “ Neh uă dơ\ dong kờl làng bol sơr lèt gan dà ko\ dà cò gơguh tih. Bơh ală mờng chài hơ\, pah nam, pôs ling kung rơcang lài bơt bơtàu rơndap broă dong kờl rềs àr, mơkung bơyai lơh pơlam tàp tus mờ kuang bàng, cau ling in ti\ gơlik geh bơta dà ko\ dà cò guh tih. Den tàng tu\ bơsogn ală broă gơlik geh pal gàr niam ờ do ờ dă mờ mhar sơbac.”

Kờ` wă rơlao tai bè ală broă lơh mùl màl, ală broă rơcang kờ` sơndră mờ ală bơta gơbàn bơh mìu dờng, dà cò lơh aniai, di tu\ dong klàs cau bơh ală kuang bàng, cau ling tàm mpồl ling sền gàr tiah nhàr dà lơgar mpồng nhàr dà lơgar dunia Lệ Thanh, cau ai tơng^t jơnau đơs do geh dơ\ lùp Thượng tá Lê Thuần Chất, kuang geh jơng tàm mpồl đơng lam Đảng mpồl ling sền gàr tiah nhàr dà logar mpồng nhàr dà lơgar dunia Lệ Thanh.

- Nùs nhơm bơh Thượng tá kung bè ală kuang bàng, cau ling tàm mpồl ling sền gàr tiah nhàr dà lơgar mpồng nhàr dà lơgar dunia Lệ Thanh tu\ dong klàs làng bol gơbàn dà cò là mbè lơi?

Thượng tá Lê Thuần Chất: Cau ling tàm mpồl ling sền gàr tiah nhàr dà lơgar kờ` lơh gơs kơnòl den pal kơnờm mờ làng bol, mpồl gal bơh làng bol kờ` lơh kơnòl sền gàr gơnoar ù tiah, bơta lơngăp lơngai tiah nhàr dà lơgar. Den tàng, kis đềt mềr mờ làng bol, mờ tu\ làng bol gơbàn rềs àr den bol a` tơl^k kơnòl là dong klàs làng bol lài ngan. Tu\ dong klàs geh 6 nă làng bol l^k bơdìh tiah gơbàn dà cò, kuang bàng, cau ling bol a` chờ hờp ngan. Tàm do, he neh lơh broă kờ` ai tơl^k nùs nhơm đềt mềr rơlao bơh kuang bàng, cau ling tàm mpồl ling sền gàr tiah nhàr dà lơgar mờ làng bol. Dơ\ 2, kờ` làng bol pin dờn tàm mpồl ling sền gàr tiah nhàr dà lơgar mờ bal mờ cau ling bơ\t bơtàu, sền gàr ù tiah, sền gàr bơta lơngăp lơngai tiah nhàr dà lơgar.

- Kờ` dong kờl geh ală làng bol tàm dà cò bè hơ\, di gơlan mpồl ling sền gàr tiah nhàr dà lơgar mpồng nhàr dà lơgar dunia Lệ Thanh kung pal geh broă rơcang lài nền nòn tus mờ ală bơta gơbàn ni sơna bè mìu càl dờng mờ dà cò. Mùl màl, nùs nhơm rơcang bơh mpồl ling dê bè lơi ơ Thượng tá?

Thượng tá Lê Thuần Chất: Lơh kơnòl dong klàs rềs àr, tàm hơ\ uă ngan là tàm dơ\ dà cò là 1 broă lơh geh ai tơl^k kal ke mờ ngòt rơngơ\t ngan. Den tàng, pah nam bol a` ndrờm bơ\t bơtàu rơndăp broă dong klàs cau gơbàn rềs àr mờ bơyai tàp cau ling in. Mờ tàm tu\ dong klàs den bol a` ai tơl^k bơta niam ờ do ờ dă lài jơh, den tàng, broă rơcang pal geh lơh nền nòn ngan. Bol a` sồr cau ling pal lơh niam ờ do ờ dă, dơ\ 2 là rơcang jơh ală phan kờ` tơl niam broă dong kờl geh cồng nha mờ ờ do ờ dă.

-  Tàm tiah nhàr dà lơgar den ù tiah kal ke mờ kung ờ di geh mìu dờng, dà cò lơi ndrờm bal. Mờ dơ\ dong klàs, kuang bàng, cau ling tàm mpồl ling sền gàr tiah nhàr dà lơgar mpồng nhàr dà lơgar dunia Lệ Thanh neh geh ală broă rơcang lài mờ bơceh pa bè lơi kờ` dong klàs làng bol ndang mờ tơl niam ờ do ờ dă tus mờ cau ling ndang ơ Thượng tá?

Thượng tá Lê Thuần Chất: Lài mờ broă dong klàs kung geh ală kal ke mờ tàm broă dong klàs den ờ di ù tiah lơi kung ndrờm bal lơm. Den tàng, tu\ tìp mờ ù tiah, bol a` pal geh broă sền gròi mờ geh ai tơl^k gùng dà, broă lơh kờ` kuang bàng, cau ling tàm mpồl dong klàs ai broă lơh niam ờ do ờ dă. Mờ bol a` pal ai geh broă lơh lơi niam ngan, mhar ngan, ndrờm bal ngan kờ` geh niam ờ do ờ dă mờ geh cồng nha uă ngan tàm broă dong klàs. Drim ngai hơ\, tu\ tus tềng tiah dà cò den dà gam tih ngan, den tàng 6 nă làng bol pal ơm hờ đang tòm chi. Tu\ hơ\, bol a` sồr 4 nă cau ling pràn ngan, re chài ngan mờ ală broă lơh niam ờ do ờ dă là bol a` ai che kơ\t tềng tòm chi bơh đah do, hơ\ sồng 4 nă cau ling re ndang mờ tam tề bal kơ\t tơl tòm chi ndang, kờ` che dang bơh tòm chi đah do tus tòm chi đah ne. tơnơ\ mờ hơ\, bol a` ai ào pơrđồng tơnsoh làng bol in, mờ ală cau ling dong klàs geh tơn tiă tơl nă làng bol tus đah do niam ờ do ờ dă.

- Kàl mìu tàm Tây Nguyên đơs bal mờ tiah nhàr dà lơgar kơnhoàl Đức Cơ đơs is gam uă kal ke. Thượng tá geh ală jơnau bơto sồr lơi tus mờ làng bol tàm tiah do?

Thượng tá Lê Thuần Chất: Mờ tiah Tây Nguyên, kàl do geh mìu bơh bồ tô den dà tàm croh, tàm dà dờng tih ni sơna. Den tàng, bơh tàm broă dong klàs cau, bol a` neh tơl^k 1 broă lơh mờng chài là, làng bol geh bă mìr rềp tềng croh dà, dà dờng den guh tàm tiah `hoa. Mờ tu\ go\ geh mìu dờng den làng bol pal rơcang sơndră mờ dà cò tus ni sơna, kal ke tàm broă sơndră, den tàng pal rơcang lài mờ ală tu\ geh bè hơ\.

- Gơwèt mờ mpồl ling sền gàr tiah nhàr dà lơgar mpồng nhàr dà lơgar dunia Lệ Thanh, tus do gam pal pơn jăt tai rơcang sơndră mờ ală bơta gơbàn bơh mìu càl dờng, dà tih dà cò  tai ơ Thượng tá?

Thượng tá Lê Thuần Chất: Tàm tơngai tus, broă dà tih, dà cò, rềs àr bơh trồ tiah gam gơbàn tai. Den tàng, bol a` ai tơl^k kơnòl dong klàs làng bol là broă lơh lài ngan.

- Ơi, ưn ngài Thượng tá!    

Cau cih mờ yal tơng^t K’ Duẩn - Ndong Brawl