VOV4.K’ho - Geh crơng gơs nam 2004, sơr lèt gan 12 nam bơt bơtàu mờ bơtàu tơnguh, hìu sơnơm ling klàng làng bol lơh bal càr Daknông ngai sơlơ lơh ngan lơh jơh tơl kơnòl geh jàu. Bal mờ broă kham sơm kòp kuang bàng, cau ling in, hìu sơnơm gam mut lơh niam broă lơh “ Ling klàng lơh bal tài pràn kơldang să jan mpồl bơtiàn”:  

Ồng Nguyễn Văn Trí, dùl tàm uă cau kòp neh geh ală y, bác sỹ lơh broă tàm hìu sơnơm ling klàng làng bol – di Gah đơng lam bồ ling klàng càr Daknông sền gròi pràn kơldang să jan neh cih sră yal: “ Ală ngai lài, kòp leh a` dê gơbàn jê wơl, ờ git là trồ mang halà trồ ngai, tu\ lơi gơbàn jê den a` tus mơ hìu sơnơm ling klàng làng bol mờ geh wă rò niam ngan, di tu\ sơm kòp. Kơnờm geh bơta jơh nùs bơh ală y bác sỹ dê, kòp a` dê neh ờ huan tai lơh aniai a`. Ală y bác sỹ kham cau kòp in tu\ lik rê mat khi dê gơ crà bềng bơta chờ hờp. Sơlơ sơnơng a` sơlơ go\ pơn ìơ să bè ling klàng làng bol Việt Nam”.

Đại uý Lê Sơn Hải, atbồ hìu sơnơm ling klàng làng bol – di Gah đơng lam bồ ling klàng càr Daknông pà git, kờ` drơng jơnau kờ` kham sơm kòp, broă ală bi dê sùm gơ jat bal mờ ală lòt tus tiah sar lơgar ngài nàng kham pràn kơldang să jan làng bol in. Tàm dùl dơ\ lòt bè hơ\ pal rơcang nền nòn bè sơnơm tơmba, phan bơna kham sơm kòp, geh tu\ pal blơi phan nàng pà làng bol tiah sar lơgar ngài in. Ală dơ\ lòt bơh cau ling dê tu\ lơi kung cèng bềng bơta ngoh rơngac, hơ\ là bơta tam klac bal, pơgồp bơnah sơlơ tơnguh rlau  tai nùs nhơm ling klàng làng bol. Đại uý Lê Sơn Hải pà git: “ Dùl nam bol a` lòt bơh 3 tus 4 dơ\, pah dơ\ lòt geh dùl bơta sơnơngkrơi is, dơ\ do den gơloh ngoh rơngac, geh tus mờ làng bol, sền gròi pràn kơldang să jan làng bol in. Pơlam làng bol in rài kis tơl niam, lơh bè lơi nàng gơtùi pleh ală kòp sùm gơbàn. Tơnguh niam pràn kơldang să jan làng bol in tàm bơta ntrờn tiah kis nàng làng bol iang nùs lơh broă sa mờ bơt bơtàu [òn lơgar pa.”

Bal mờ broă kham pràn kơldang să jan làng bol tàm [òn lơgar in, pah nam, kuang bàng bơh hìu sơnơm gam tus bal kham kòp, pà sơnơm ờ sa priă mờ pà phan làng bol càr Mundulkiri, lơgar Campuchia in, pơgồp bơnah tam klac nùs nhơm rềp mềl đah 2 lơgar Việt Nam mờ Campuchia, bơt bơtàu bal gùng nhàr lơgar ngap lơngai, lơh bơyô mờ bơtàu tơnguh. Kuơ màng, rùp să cau ling wa Hồ Việt Nam neh ngan ngồn lơh geh bơta kah kir niam ngan tàm nùs nhơm làng bol lơgar Campuchia. Mò Oreeng, ơm tàm càr Mundulkiri, lơgar Campuchia geh pà phan mờ sơnơm sơm kòp bơh hìu sơnơm ling klàng làng bol – di Gah đơng lam bồ ling klàng càr Daknông yal: “  Ưn ngài ling Việt Nam neh tus kham kòp bol a` in, ờ mìng kham kòp, cau ling gam pà phan làng bol in tai. Bol a` ưn ngài ling Việt Nam uă ngan.”

Jơnau yal bơh ală cau ling soh ào Blue kò

Rê bơh dơ\ lòt lơh broă ngài “Tài bơta pràn kơl dang să jan mpồl bơtiàn”, ală cau ling soh ào Blue kò – Mpồl đơng lam ling klàng càr Dak Nông pơn jăt tai kơnòl broă lơh să tòm dê tàm mpồl ling. Lơh broă tàm bơta gam ờ tơl uă, uă phan lơh broă tàm hìu sơnơm neh klar. Trung uý Hà Thúc Hiền neh kơlôi sơnơng is mờ bơceh gơs ală phan lơh broă kờ` tơnguh niam wơl broă ngui bơh ờ uă bơta phan lơh sơnơm neh gơbàn ờ gơtùi ngui tai. Tàm hơ\ pal yal tus đèng reh àng mrềt SD2. Tơnơ\ mờ 1 tơngai ngui, [ong đèng gơbàn tăc bôl, broă jòi [ong đèng kờ` ơla tàm anih tăc ờ hoan geh uă mờ priă kas tai. Bơh tàm mùl màl do, Trung uý Hà Thúc Hiền neh kơlôi mờ ai đèng rơndeh dờng geh bal bơta pràn kờ` crăp. {ong đèng ngui ồs đèng 220v tu\ lơh broă bè ờs mờ ngui [ình ăc quy tu\ ồs đèng gơbàn chơ\t ha là tàm tu\ lơh broă ngài hờ bơdìh hìu sơnơm. Trung uý Hà Thúc Hiền đơs: “A` lơh niam wơl đèng reh mờ bơta àng mrềt kờ` tơmù khà priă tu\ blơi, bơh tu\ hơ\ gam drơng tu\ lơh broă tàm tiah ngài tai, tài do là broă ngui 2 bơta àng mrềt kờ` lơh broă tàm ồs đèng 220v mờ [ình ắc quy kờ` geh bơta àng tus mờ broă lòt lơh broă tàm tiah ngài mờ hìu sơnơm, do là bơta niam tàm broă lơh ling klàng dê”.

Bơdìh hơ\ tai, Trung uý Hà Thúc Hiền gam lơh niam wơl, tam gơl broă ngui măy [ồm nhơm neh gơbàn ờ gơtùi lơh broă tai gơs măy jồp kơnhà. Phan lơh niam wơl do gơtùi ngui ai rơndeh sơnơm in tu\ pơn diang cau kòp ntrờn hìu sơnơm, cau kòp ờ niam tàm broă tă nhơm, cau gơbàn chơ\t bu\ dà, cau gơbàn sồt tơngoh. Tàm bơta bè ờs, măy ngui ồs đèng 220v, mơya tu\ ồs đèng gơbàn chơ\t, ha là ntrờn cau kòp tàm rơndeh sơnơm, ntrờn l^k bơdìh gơtùi ngui mờ bình ắc quy 12v bơh tàm phan tam gơl ồs đèng 220v geh crăp bal. Broă bơceh do di pal mờ broă kờ` lơh bal  mờ broă sơm kòp mhar. Trung uý Hà Thúc Hiền đơs tai: “A` lơh niam wơl phan lài ngan là kờ` drơng tàm tu\ lơh broă ngài, dơ\ 2 tai là tu\ lòt ngài tàm ală tiah mờ kuơ màng ngan là tàm broă rơ\p lòt bơh rơndeh sơnơm măy jồp kơnhà do geh kuơ ngan tàm broă pơn diang cau kòp”.

Ală broă bơceh pa bơh Trung uý Hà Thúc Hiền neh pơgồp bal tàm broă ai hìu sơnơm ling klàng bal mờ làng bol càr Dak Nông tơmù bơta ờ tơl bè phan lơh broă gah lơh sơnơm, di pal mờ broă kờ` kham, sơm kòp kuang bàng, cau ling bal mờ làng bol tàm càr in uă nam do. Tus bồ nam 2016, geh broă sền gròi bơh mpồl đơng lam ling klàng càr Dak Nông mờ anih priă jền Viettin Bank Dak Nông dê, hìu sơnơm ling klàng bal mờ làng bol càr Dak Nông geh bơcri priă lơh wơl, lơh niam wơlmờ blơi tai măy mo\k pa kờ` drơng tàm broă kham, sơm kòp. Bơdìh hơ\ tai, hìu sơnơm do kung neh tơnguh sùm bơta ngăc ngar tàm broă lơh, nùs nhơm niam lơh broă tàm mpồl cau lơh sơnơm dê, drơng niam broă kham sơm kòp ai ală cau ling bal mờ làng bol tàm gùt càr in. Đại uý Lê Sơn Hải, atbồ hìu sơnơm ling klàng mờ làng bol càr Dak Nông đơs: “Bol a` ai tơl^k loh broă lơh là kơnòl tơnguh bơta niam chài, bơta ngăc ngar tàm broă ngui phan lơh broă bal mờ tàm broă sền kờ` g^t mờ sơm kòp, pơgồp bal tàm broă sền di kòp, tơmù tơngai sơm kòp, gàr niam bơta pràn kơl dang să jan cau ling in, gờ` rê mờ mpồl ling, dờp lơh gơs kơnòl mờ mpồl ling mờ gàr niam bơta pràn kơl dang să jan làng bol in tai”.

Tu\ do, hìu sơnơm geh 30 jơnờng piam kòp, pah nam kham, sơm kòp rơlao 3 rơbô nă cau kòp in. broă sơm kòp sùm geh sền gàr ờ do ờ dă. Mờ ală cau kòp jroă, hìu sơnơm kung geh lơh mhar, geh cồng nha, mhar lơh sră nggal jùn tus hìu sơnơm dờng di tu\ sơm kòp. Mờ broă lơh jơh nùs bơh ală mpồl cau lơh sơnơm, bơta niam tàm broă sơm kòp hìu sơnơm dê sơlơ ngai sơlơ tơnguh niam rơlao, ai tơl^k nùs nhơm pin dờn tàm mpồl ling bal mờ làng bol tàm càr. Ồng Vũ Mạnh Cường, kis tàm sơnah [òn Nghĩa Trung, [òn drà Gia Nghĩa đơs: “A` sùm tus hìu sơnơm ling klàng mờ làng bol pơgồp bal kờ` kham mờ sơm kòp, tàm do bác sĩ mờ y tá jơh nùs tàm broă dong kờl, tàm hơ\ uă ngan là broă kham, sơm kòp tàm do ờ sa priă, mìng sa priă sơnơm cau kòp mơ, hơ\ là bơta chờ hờp ngan, tài uă hìu làng bol geh bal a` uă tu\ kal ke ngan, kham sơm kòp ờ sa priă bè do den lơh làng bol chờ hờp uă ngan”.

Là cau ling pa mờ ờ gơtùi pleh mờ nùs nhơm kah hìu nhă, Trung sĩ Đào Hữu Thiện, lơh broă tàm Trung đoàn 994, mpồl đơng lam ling klàng càr Dak Nông kung là cau bè hơ\ sơl. Trồ tơngai duh tàm anih tàp ling, bal mờ ală gơbàn sồt tu\ tàp ling neh lơh Thiện jê ngan mờ kah hìu. Mơya tài geh nùs nhơm niam bal broă sơm bơh ală cau lơh sơnơm tàm hìu sơnơm do niam bơne\ ngan, den tàng sồt să bi dê neh mhar bời, geh tai uă nùs nhơm pin dờn bal mờ bơta pràn kờ` lơh broă. Trung sĩ Đào Hữu Thiện đơs: “A` tus tàm do geh ală cau lơh sơnơm kham, sơm sồt jơh nùs, mu\t tàm do neh rơlao 1 poh, bơta pràn kơl dang să jan neh tơnguh mhar, a` kờ` mhar bời nàng kờ` pơn jăt tai bal mờ mpồl ling lơh broă”.

Tàm uă nam do, hìu sơnơm ling klàng bal mờ làng bol lơh bal bơh Gah đơng lam ling klàng càr Dak Nông dê sùm là anih pin dờn bơh ling klàng bal mờ làng bol tàm càr do dê. Ală cau lơh sơnơm tàm hìu sơnơm do sùm ai 12 bơta niam tàm broă lơh sơnơm, kung bè ơnà jăk chài bơh Bác Hồ dê là bơto tòm kờ` ai tơl^k tàm broă lơh să tòm in. Den tàng, kuang bàng, cau lơh sơnơm tàm hìu sơnơm do tơnguh sùm bơta niam tàm broă kham sơm kòp kờ` rùp rài cau ling soh ào Blue kò sùm đềt mềr, gơboh gơbàn tàm nùs nhơm ling klàng làng bol tàm càr do dê.

Cau cih mờ yal tơng^t K' Duẩn - Ndong Brawl