VOV4.K’ho - Broă lam sồr làng bol là 1 tơngu me tòm tàm broă lơh Đảng dê, broă lơh gùng dră bal ling klàng he dê. Lơh geh cồng nha broă lam sồr làng bol là nùs nhơm niam bal mờ kơnòl bơh cau ling wa Hồ dê gơwèt mờ làng bol, mờ là bơta niam kờ` kuang bàng, cau ling lơh gơs niam kơnòl. Bè hơ\, mpồl ling tàm càr Dak Nông neh lơh jăt kơnòl do bè lơi? Cau ai tơng^t jơnau đơs do neh lùp Trung tá Y Ngoan Mlô, kuang atbồ gah lam sồr  làng bol gơwèt mpồl đơng lam ling klàng càr Dak Nông yal bè tơngu me do.

- Ơ Trung tá, gùng dà broă lơh bơh mpồl ling tiah 5 dê bè broă lam sồr tàm ală nam do geh gah lam sồr gơwèt mpồl đơng lam ling klàng càr Dak Nông ngui mờ lơh jăt bè lơi?

Trung tá Y Ngoan Mlô: Mpồl đơng lam ling klàng càr Dak Nông den tàm ală nam do, tềng đăp mờ broă đơng lam bơh mpồl duh broă Đảng mpồl đơng lam ling klàng tiah 5, mpồl duh broă Đảng càr Dak Nông sồr lơh jăt kơnòl ling klàng sền gàr dà lơgar, tàm hơ\ geh kơnòl broă lam sồr tàm mpồl ling càr dê, do là 1 tàm ală kơnòl kuơ màng ngan.

Mpồl ling neh lơh niam ală gùng dà pa bơh mpồl ling tiah 5 ai, hơ\ là lơh “Yang phe tài cau rơ[ah”, “Tơn jơh hìu jơgloh tơmù hìu rơ[ah” lơh jăt broă ling klàng bơ\t bơtàu [òn lơgar pa tàm càr. Tàm nam pa do, tàm broă tơn jơh hìu jơgloh, tơmù hìu rơ[ah, mpồl ling tàm càr neh tơn jơh 4 hìu jơgloh, 12 hìu rơ[ah, pơgồp bal tàm broă ai làng bol kòn cau, ală cau rơ[ah tàm càr geh tơmù ờ uă ală kal ke tàm rài kis, kờ` tơnguh tàm broă lơh jăt broă tơnguh bơtàu lơh sa tàm càr.

- Ơi, ơ Trung tá, bè hơ\, broă ling klàng bơ\t bơtàu [òn lơgar pa càr dê neh geh ală cồng nha lơi?

Trung tá Y Ngoan Mlô: Tàm nam pa do, gah đơng lam ling klàng càr Dak Nông neh pơgồp bal mờ anih duh broă sền gròi mpồl duh broă Đảng càr, anih lơh sa kă bro bal Đức Lập neh bơyai dong kờl ntum Đức Xuyên, kơnhoàl Krông Nô. Mìng is gah đơng lam ling klàng càr den bol a` neh bơyai lơh lam sồr uă tơngu me, tàm hơ\ uă ngan là broă dong kờl, adăt boh lam bơh Đảng mờ Dà lơgar mờ rơlao 1 rơbô nă làng bol tus bal. Bol a` neh dong kờl uă sơntìl phan tam, phan ròng, dong kờl 2 nơm kơnrồ geh 30 tơlăk priă, lơh hìu tam klăc 60 tơlăk priă. Tàm broă lơh jăt gùng dà, broă lơh pa gơwèt mờ kuang bàng, cau ling gam kal ke, bol a` neh lam sồr mpồl đơng lam ling klàng càr lơh 1 nơm hìu bi K’ Sáu, lơh broă tàm mpồl đơng lam ling klàng [òn drà Gia Nghĩa mờ khà 70 tơlăk priă. Bơh tu\ hơ\, neh go\ là broă lam sồr tàm mpồl ling càr Dak Nông dê tơngai pa do neh geh uă broă tơnguh bơtàu pa, geh ală kơnă Đảng đơs là neh lơh gơs niam kơnòl.

- Trung tá gơtùi yal loh làng rơlao bè broă dong kờl lơh hìu kuang bàng, cau ling tàm mpồl ling in?

Trung tá Y Ngoan Mlô: Gơwèt mờ mpồl đơng lam ling klàng càr den 1 nam lơh geh bơh 1 tus 2 nơm hìu jăt broă đơng lam bơh mpồl ling tiah 5 dê, do là hìu geh lơh bơh kes priă tài cau rơ[ah, ngai tài cau rơ[ah bơh Gah sền gàr dà lơgar dê. Pa do, càr Dak Nông geh jàu lơh 1 hìu, bol a` neh lơh ală sră nggal kờ` mu\t lơh, mờ di gơlan tàm nhai 11 tus geh lơh gơs. Tàm ală nam tus, bơh tàm broă kờ` bè hìu ơm, ù lơh hìu ơm kuang bàng, cau ling gam kal ke dê, den bol a` pơn jăt tai dan mờ mpồl ling tiah 5 geh tơnguh khà hìu lơh kờ` tơmù ờ uă kal ke tus mờ ală kuang bàng, cau ling tàm mpồl ling in.

- Mpồl lam sồr neh lơh jăt broă lam sồr bè lơi kờ` làng bol wă loh gùng dà broă lơh bơh Đảng, adăt boh lam bơh dà lơgar?

Trung tá Y Ngoan Mlô: Pa do, kờ` lơh jăt broă lam sồr, gơwèt mờ mpồl đơng lam ling klàng càr, tàm hơ\ uă ngan là tàm te\ khà Gơnoar ala măt dà lơgar kơnă 14 mờ mpồl duh broă ala măt làng bol ală kơnă tơngai lơh broă bơh nam 2016 tus 2021, mpồl đơng lam tàm mpồl đơng lam ling klàng càr dê neh pơgồp bal mờ ală kơnă đảng, gơnoar atbồ càr ai mpồl lam sồr bè bơta chài rơgơi lòt lam sồr tàm ală tiah sar lơgar ngài lơh jăt mờ gùng dà broă te\ khà di mờ adăt boh lam neh ai, ba` iăt, ba` dờn cau ờ niam pơrlồm, ba` lời ală cau ờ niam bơchồt, hòi jà lơh ờ niam rài kăc màng.

Tàm nam pa do, bol a` neh bơyai lơh geh 4 dơ\ lam sồr, rơlao 10 rơbô nă cau tus bal mờ tơngu me bè broă tam dră, lơh aniai bơh ală cau ờ niam dê mờ ală broă lơh ờ niam tus mờ bơta lơngăp lơngai, mờ ală broă lơh ndai lơh tam cah is mpồl tam klăc gùt làng bol. Tu\ do, ală tiah bol a` bơyai lơh lam sồr làng bol ndrờm iang nùs lơh broă sa, tơnguh bơtàu broă lơh sa hìu nhă, pơgồp bal tàm broă bơ\t bơtàu [òn lơgar sơlơ ngai sơlơ pas gơs mờ niam bơne\ rơlao.

- Ơi, dan ưn ngài Trung tá!

          Cau cih mờ yal tơng^t Ndong Brawl