VOV4.K’ho - Là pôs đồng Bộ binh tờm ngan bơh Quân khu 5 dê, Sư đoàn Bộ binh 2 geh kơnòl tờm là pơlam tàp, gàr niam broă rơcang lài tam lơh. Bal mờ hơ\, mpồl ling sùm sền gròi lơh niam broă lam sồr làng bol tàm bòn lơgar mờ mpồl ling lơh broă, dong làng bol tàm [òn lơgar lơh niam broă tơn jơh jơgloh, tơmù rơbah, bơt bơtàu [òn lơgar pa, sền gàr ngap lơngai, ờ do ờ dă:

       Ơm tàm [òn 2, sơnah [òn An Bình, [òn drà An Khê, uă nam do, hìu nhă ồng Nguyễn Minh Thư di hìu nhă kal ke, 3 nă kòn ồng dê neh dờng, mơya ndrờm ờ hềt geh broă lơh, ai pơ ùr den kòp jê sùm, ờ jai lơh broă. Bơh lòt sền [òn dờp lơh oh mi, git ală bơta gơlik geh, nhai 8 nam lài, Trung đoàn 1, Sư đoàn Bộ binh 2 neh dong hìu nhă ồng Thư in jồm 1 nơm kơn rồ me nàng bơ tờp sơn tìl lơh sa. Tus tu\ do, kơn rồ neh deh kòn bè, hìu nhă ồng chờ hờp mờ ngoh rơngac ngan. Ồng đơs: “ Tus tu\ lơi kơn rồ kòn bè do git jòi sa, git kis is den geh dờp wơl kơn rồ me mpồl ling in nàng mpồl ling pà cau ndai in ròng tai. Den tu\ do, he kung lơh ngan nàng ròng gơ in mhar dờng, hơ\ sồng geh pơnjat tai bơ tờp sơntìl. Đơs bal là a` chờ hờp ngan, ưn ngài ngan, ờ git đơs bè lơi nàng gơtùi ràng tơlik jơh bơta ưn ngài.”

        Broă dong kờl kơn rồ sơntìl ai ală hìu nhă geh rài kis kal ke in là broă lơh gơ ơm tàm rơndap broă “ Tơn jơh hìu nhă jơgloh, tơmù hìu nhă rơbah” bơh Sư đoàn Bộ binh 2, Quân khu 5. Bal mờ broă lơh do, ală nam do, Sư đoàn neh bơyai lơh uă srơh bè “ Sơmbat tê bal bơt bơtàu [òn lơgar pa”, bơyai lơh ai ling lòt bơdìh, sa tềp bal mờ làng bol, lùp còp, pà phan kuang bàng, cau ling geh rài kis kal ke in; kham kòp, pà sơnơm làng bol tàm tiah sar lơgar ngài in mờ tus bal lơh broă dong [òn lơgar bơtàu tơnguh lơh sa mpồl bơtiàn.

Bal mờ hơ\ tàm ală tiah kal kè bơta bơta jat yàng, ală mpồl ling tàm Sư đoàn sùm lam sồr kuang bàng, cau geh Đảng, cau ling mblàng yal bè gùng dà, broă lơh, bơta dong kờl kòn cau, jat yàng bơh Đảng mờ dà lơgar dê; crơng gơs ală mpồl sùm lòt tus tàm [òn lơgar lam sồr làng bol ba` iat jơnau bol ờ niam, lơh ngan tam dră mờ yàng Hà Mòn… Thiếu tá Lê Văn Toàn, kuang atbồ mpồl lam sồr Sư đoàn Bộ binh 2 pà git: “ Bol a` neh pơgồp bal mờ mpồl Đảng, gơnoar atbồ tàm [òn lơgar tàm ală tiah mờ mpồl ling mut lơh broă lam sồr làng bol, bal mờ mpồl ling tàm [òn lơgar nàng bơt bơtàu rơndap broă tơmut tàm broă lơh pah nhai tus mờ tơl mpồl ling. Nam 2016, bơh broă bơtàu tơnguh ală tơngume neh mut lơh, ală broă gam lơh bơh nam 2016 dê, pơ yơu bè bơt bơtàu [òn lơgar pa, tơn jơh jơgloh tơmù rơbah, mut lơh ờ uă jơnau sồr ni sơna bơh kơnă hơđang dê.”

          Bơh ală srơh broă lơh ngan ngồn, geh kuơ tàm broă lam sồr làng bol tàm [òn lơgar mờ mpồl ling lơh broă, Sư đoàn Bộ binh 2, Quân khu 5 gam ngai sơlơ bơtàu tơnguh tai rùp să niam bơne\ bơh cau ling wa Hồ dê tàm nùs nhơm làng bol.

         Bal mờ ală cau ling kờ` gơboh! Bè neh yal tàm gơl sơnrờp jơnau đơs. Tu\ do, bol a` jà làng bol bal mờ ală cau ling iăt dơ\ boh bơr mờ Đại tá Hà Tiến Dũng, kuang jăt jơng atbồ gah gùng dră bal, Sư đoàn BB2, quân khu 5 bè broă bơto bơtê bơhiàn jăk chài mờ broă lơh tàm Sư đoàn dê.

       - Ơ ồng, tàm tơngai do, kuang bàng đơng lam Sư đoàn BB2 neh lơh jăt ală broă lơi tàm broă bơto bơtê bơhiàn jăk chài ai kuang bàng, cau ling in?

        Đại tá Hà Tiến Dũng: Gơwèt mờ Sư đoàn BB2, bol a` neh ngui uă broă bal mờ gùng dà broă lơh bơh broă bơto bơtê gùng dră bal tàm broă bơto bơtê bơhiàn jăk chài. Kuơ màng ngan, tàm hơ\, bơdìh mờ broă tus tàm ơdu\ bơto jơnau bơhiàn jăk chài, ală mpồl ling tàm Sư đoàn kung ngui uă broă lơh ndai tai, bè bơyai lơh pơrjum cri bơyai bè bơhiàn jăk chài mpồl ling dê. Ha là bơh tàm broă lơh chài rơgơi, đơs crih tamya, ai tơl^k ală broă lơh lèo geh tơngu me bơto bơtê bè bơhiàn jăk chài tàm ală jơnau đơs crih. Tàm ală gơl lơh, geh tơl^k uă bơhiàn jăk chài mpồl ling dê, ha là tàm broă bơyai lơh tơnkah tòm ngai deh ală cau tàm mpồl ling, broă lơh mpồl ling dê, ai ală tơngu me yal bè bơtiàn jăk chài tiểu đoàn, Trung đoàn tàm Sư đoàn dê. Pah nhai, bol a` sồr ală mpồl ling tơl^k rơndăp broă bơyai lơh tus sền hìu ràng tơl^k phan bơhiàn bơyai lơh ai cau ling in sền lơma bơhiàn Sư đoàn dê, ha là ai tàm broă lơh tàm jơdu\ Hồ Chí Minh ală jơnau tơrgùm tiểu đoàn, trung đoàn mờ sư đoàn dê bơh tàm ală tơngai mờ tu\ do. Di tàm ngai bơhiàn mpồl ling dê, bol a` lơh ngan jà ală cau neh tam lơh lài do yal bè jơnau bơhiàn jăk chài cau ling dê. Di gơlan do là 1 broă lơh geh cồng nha niam. Pơgồp bal mờ broă lam sồr bơhiàn jăk chài tàm [làng tàp tàm tu\ rơlô bơh ală jơnau tơng^t mờ bol a` lơh gơs is. Tàm ală nam pa do, bơh tàm ală broă bơto bơtê bơhiàn jăk chài, tàm hơ\ uă ngan là broă bơto bơtê bơhiàn jăk chài geh sền go\ geh ngan bơh broă lơh bal den cồng nha geh niam ngan, tơl niam cau ling in tàm broă lơh, lơh broă, bơsram niam rơlao, nùs nhơm cau ling geh niam, kuang bàng, cau ling iang nùs mờ kuơ màng ngan là ai tơl^k nùs nhơm lơh ngan tàm broă bơ\t bơtàu mpồl ling jăt ală khà bơ\t bơtàu mpồl ling pràn kơl dang, tơl ală bơta. Mờ kuơ màng là, bơh tàm broă bơto bơtê bơhiàn jăk chài do, neh pơgồp bal tàm broă geh nùs nhơm niam tàm mpồl ling mờ kung pơgồp bal uă ngan tàm broă tơmù khà dơ\ tìs bơh ală kuang bàng, cau ling tàm Sư đoàn dê.

       - Bơh tàm broă bơyai lơh uă broă bè hơ\, broă bơto bơtê bơhiàn jăk chài, Sư đoàn neh ai tơl^k ală broă mờng chài lơi, ơ ồng?

        Đại tá Hà Tiến Dũng: Bol a` geh ai tơl^k ờ uă broă mờng chài lài ngan. Dùl là pal sùm jòi geh ală gùng dà, broă lơh kờ` bơto bơtê bơhiàn jăk chài ală bơta sền go\ geh ngan, lơh bè lơi kờ` di pal mờ ală nùs nhơm cau ling, kuơ màng ngan là tus mờ cau ling gam kơnòm. Dơ\ 2, gơwèt mờ kuang bàng đơgn lam ală kơnă, tàm hơ\ uă ngan là tus mờ kuang bàng lơh broă gah gùng dră bal den pal ai uă tơngai, jòi geh, kơlôi sơnơng, ai tơl^k ală broă lơh niam kờ` di pal mờ nùs nhơm kơ\p kờ` cau ling tu\ do dê. Dơ\ 3 là pal ai uă ngan tơngai mờ pal g^t ngui ală broă lơh pa tu\ do tàm broă bơto bơtê bơhiàn jăk chài mờ ală phan geh go\ ngan, gơrềng tus mờ nùs nhơm cau ling den hơ\ sồng geh cồng nha uă rơlao. Mờ broă lơh geh cồng nha ngan là di tàm ală ngai kuơ màng, ngai tơnkah, di ngai bơhiàn mpồl ling den bơyai lơh jà ală cau ling lài do, ală cau ling neh tus tam lơh lài do yal bè bơhiàn jăk chài.

        - Tàm tơngai tus, Sư đoàn geh lơh bè lơi kờ` pơn jăt tai tơnguh ală cồng nha neh geh tàm broă bơto bơtê bơhiàn jăk chài, ơ ồng?

        Đại tá Hà Tiến Dũng: Kờ` broă bơto bơtê bơhiàn jăk chài tàm tơngai tus geh cồng nha, gơwèt mờ kuang bàng đơng lam ală kơnă tàm Sư đoàn pal sền gròi rơlao tai tus mờ broă ngui ală broă lơh, gùng dà broă bơto bơtê bơhiàn jăk chài mờ broă geh sền go\ ngan. Kuang bàng đơng lam ală kơnă `hăp `har đơng lam ală anih lơh broă, mpồl lơh broă tàm broă jòi geh tơngu me mờ ngui uă bơta niam bal mờ ală broă bơto pa, tơl niam nùs nhơm bơceh pa kờ` hòi jà nùs nhơm sền gròi bơh cau ling. Anih lơh broă gùng dră bal Sư đoàn, tàm hơ\ uă ngan là mpồl bơto pơlam ling klàng pal ai tơngai, kơlôi sơnơng, bơto sồr tus mờ ală mpồl ling in lơh jăt niam mờ tơnguh ală broă bơto bơtê bơhiàn jăk chài mpồl ling in, tàm hơ\, pal sền gròi ală broă tơnguh mờ ală phan lơh broă pa. Mờ ală broă lơh bal mờ broă sền gròi bơh kuang bàng đơng lam Sư đoàn BB2 tàm tơngai pa do, bol a` kung pin là broă bơto bơtê bơhiàn jăk chài Sư đoàn BB2 tàm nam 2016 bal mờ ală nam tus tai geh uă cồng nha niam rơlao.

      - Ưn ngài ồng!

                                    Cau cih mờ yal tơngit K’ Duẩn – Ndong Brawl