VOV4.K’ho- Bulah jơnau kờn gròi sền gơmù khà priă hơđơm 5% tàm nam do neh lơh geh cồng nha, mơya broă lơh atbồ đơng lam khà priă tàm nam 2017 geh gơtìp uă bơta lòng. Do là jơnau đơs geh yal tàm cribơyai Bơta gơlik geh tàm drà kă bro khà priă lơgar Việt Nam dê nam 2016 mờ yal lài nam 2017 bơh Viện Lơh sa- priă jền bơyai lơh ngai òr 29/12 tàm Hà Nội. Nam 2016, Việt Nam neh lơh geh cồng nha tu\ gròi sền gơmù khà priă tàm khà 4,74%. Bulah broă lơh sa geh uă bơta gơ tam gơl, mơya lơh sa tàm lơgar kung gam geh ală bơta bơtàu tơnguh pal cih dờp ngan. Ală cau mờng chài gah broă do dê yal lài, tàm nam 2017, broă lơh atbồ đơng lam khà priă geh gơtìp uă bơta kơn jơ\ kơn ju\t. Bè broă đơng lam chính sách priă jền pal lơh geh jơnau kờn gròi sền gơmù khà priă, mơkung pal dong kờl gơguh tai lơh sa. Bơdìh hơ\ tai, khà priă xang zờu dunia yal lài digơlan pơn jat tai gơguh; broă tơnguh priă nhai mờ pơn jat tai mu\t lơh broă lơh khà priă drơng broă kham sơm kòp, bơto bơtê, dà ia…geh gơrềng ngan ngồn tus bơta bal khà priă dê.

Cau cih mờ yal tơng^t: Lơ Mu K’ Yến